ماذا لو؟؟؟؟؟؟؟؟؟

[~eyo~]

موضوع جديد يا جماعة

لكن مش لأي حد

اللي يدخل الموضوع ده لازم يبقى صادق جدا جدا جدا

وجريء جدا جدا جدا

ومش حكتفي بكلمة انا صادق عشان اصدق العضو

معلش يعني انا واثقة فيكم كلكم

لكن لازم اضمن الصدق عشان الموضوع يحقق هدفه

قولوا كلكم ورايا : والله العظيم اقول الحق

كرروها تلات مرات اعتبر نفسك في محكمة

كرتتوا ؟؟؟



خلا تمام كدة يلا نبتدي


الموضوع عبارة عن مواقف من الواقع حعرضها عليكم بصورة مختصرة وتقولولي لو انتم في الموقف ده ممكن تعملوا ايه



نبتدي على بركة الله

الموقف الاول:
حضرتك صاحي الفجر كعادتك

وناوي تاخد اجر الجماعة المرة دي

توضيت ولبست ونازل تسبح ربنا

في صوت غريب برن في ودنك

مش وقته خالص يعني

اغاني وطبل وزمر ودحك صوته واصل لاخر الشارع

الحكاية لفتتك فرحت مختلس نظرة سريعة


ايه ده


يا نهاااااااااااااااااااار ابيض


شباب وبنات واقفين على عربية مشغلين الكاسيت بتاعها اعلى صوت وشغالين دحك ورقص ومسخرة

ياترى ممكن تعمل ايه ساعتها ؟؟؟؟؟؟؟؟؟؟؟؟؟؟؟؟[/FRAME]


انا عاوزةافكركم بالقسم ارجوكم خليكم صادقين

عشان بعد كل موقف حنقول ايه الحل الامثل ونحاول نلتزم بيه

يلا وروني همتكم

وعندي رجاء اي حد يدخل الموضوع يجاوب ويشارك مش يبص ويمشي
ما يتكسفش من رده لان غالبا كلنا حنبقى مكسوفين في الاول

انا حسيبكم لضميركم

[FRAME="13 70"]الموقف التاني ::


انت في الكلية بتحضر محاضرة لدكتور عصبي حبتين


كل اللي في المحاضرة ساكتيييييييييييين مافيش ولا همس

مانت لو اتزبط بتهمس مش حيجرالك طيب اصله دكتور شديد حبتين

وانت بتكتب وراه اللي جنبك سألك ( معلش ممكن اطلب منك جومة )

مفيش انت بتطلع الجومة وتديهاله

لقيت صوت من عند السبور يهز المدرج كله

انت يا فندي ياللي هناك

انا مش مالي عينك ولا ايه

ايه قله الادب اللي فيك دي

هات كرنيهك وتعالالي هنه

( ياما ياما حصلت ادامنا )

شتمك وقالك اطلع بره

تفتكر حتطلع ولا حتعمل ايه بالزبط ؟؟؟

الموقف التالت:
تخيلوا معانا كدة الشباب والبنات

انت راكب عربيتك وماشي في السكة والسكة فاضية تقريبا طريق صحراوي يعني

وفجأة يظهر ادامك راجل متبهدل خالص ووشه متلطخ دم وبينهج وبشاور بجنون

انت دايس دبرياش بس محتار تدوس فرامل ولا تمشيها بنزييييييين ؟؟؟؟؟؟؟؟؟؟؟؟؟

ياترى ممكن تقفله ولا حتمشي وتسيبه ولا حتفكر ازاي بالزبط

تفتكر ممكن يبقى جراله ايه يعني قولنا حتفكر ازاي ساعتها

الموقف الرابع بسيط جدا يا جماعة





افرض وانت ماشي وسط صحابك في الكلية



بتدحك وبتهزر ومبسوط ومنتعش






جتلك واحدة زي القمر بسم الله ما شاء الله وشيك جدا

لكن مش معروفة اوي


يعني مفيش خلفية مسبقة عنها





وطلبتك على جنب :image008: :image008:




طبعا انت حترفض وبتاع :29:







اعدت تترجى فيك لحاجة مهمة جدا :36_15_8[1





وبعد ما قبلت على مضض




لقيتها بتقولك بطريقة سريعة ومتلعبكة :ate-somet




بص انا مش عارفة اقولها ازاي لكن انا معجبة بحضرتك وانت مش حاسس بيا خالص انا فعلا معجبة بيك :36_15_8[1










( ونفس الموقف بالضبط بالنسبة للفتيات )



ياترى حتعملوا ايه بالزبط ساعتها :36_11_14[



وحضيف سؤال صغير


بعد كدة حيبقى تعاملك معاها ازاي


هل ممكن تلفت نظرك وتفكر بيها بجد



مستنية الردود

اسيبكم بقى يا جماعة مع الموقف الرابع عشان ما نطولش في الكلام

بس لاحظوا الفتاة حيبقى ليها موقف والشاب حيبقى ليه موقف







نبتدي بموقف الشباب









هذه هي فتاة احلامي



نعم هي بالتأكيد




نفس كليتي



ومحترمة جدا




واخلاق عالية اوي








وشيك مووووت




وجميلة بجد







انا ملاحظ انها هيه كمان بتبادلني نفس الشعور




يعني ما قالتش حاجة لكن باين من تجنبها لنظراتي وحياءها مني









الحمد لله لقيتها بجد لقيتها



مش حفوتها من ايديا المرة دي








طيب ادخلها ازاي اروح اكلمها يعني ولا ايه النظام ؟؟




انا بقول ابعتلها اختي احسن عشان كله يبقى في الحلال وماتحصلش لخبطة








وفعلا تروح انت يا مواطن يا غلبان تبعت للبنت الامورة دي اختك الغلبانة دي عشان تاخد نمره الاهل




وتجيلك نمرة اهل البنت بصعوبة لكن الحمد لله اهي جت






وتروح البيت وانت بتصفر باه ومبسوط جدا



انا فاضلي خلاص تيرم على التخرج وهيه كمان والحمد لله مش عليا جيش ولا حاجة يعني كله زي الفل


والشغل مضمون عشان الصيدلية بتاعتنا موجودة تحت البيت اهي


يعني فاضل هيه تنورلي طريقي برقتها






وتقابلك الوالدة المسكينة في السكة








انت بفرح طبعا : ماما ماما خلاص يا ماما انا قررت حتجوزها حتجوزها




مين دي اللي حتتجوزها يابني



زميلتي يا ماما في الكلية من عيلة كذا واسمها كذا وساكنة في الحتة كذا جايبة من الاخر ياماما




ده يوم المنى يا حبيبي ان شاء الله اسألك عليها واعرف اهلها ناس طيبين ولا ايه ونروح نتقدملها علطول


انت : طب وبابا يا ماما




الام : ده يوم المنى لما يشوف ابنه اعد على الكوشة



وبعد يومين تلاقي مامتك جايالك وفي عنيها قلق وخوف



تعال يا بني عاوزاك في كلمتين

انت بخضة خفيفة : خير يا ماما

الام : البنت دي بنت اصول وكويسة وعيلتها ناس طيبة اوي لكن انت غفلت عن حاجة مهمة جدا يا حبيبي


انت: ايه يا ماما ؟؟


الام : دي اكبر منك بسنتين يا بني


انت: ازاي يا ماما دي دفعتي



الام : فعلا دفعتك لكن هيه واخدة شهادتها من الخليج يعني واخدة سادسة وكمان داخلة المدرسة متأخر فعشان كدة اكبر منك بسنتين


انت : ايه المشكلة يا ماما مش مهم السن


الام : معرفش والله يا بني انت ادرى انا مش عارفة رأي ابوك في الموضوع ده اساسا حيبقى عامل ازاي ؟؟


معلش يمكن يبقى الموقف سخيق حبتين يا جماعة لكن دي قضية مهمة جدا كنت عاوزة اناقشها معاكم


لو اللي انت عاوزها شريكة حياتك اكتشفت انها تكبرك بسنة او اتنين


تكمل عادي ولا تقف لحد هنه


المشكلة دي بتمثل عائق بالنسبة ليك ولا مش مهم

طيب لو انت موافق وعادي بالنسبة ليك



ممكن اطلب من حضرتك طلب


تروح دلوقتي حالا تسأل والديك

بابا ماما لو اللي انا عاوز اخطبها اكبر مني توافقوا ولا فيه مشاكل عندكم ؟؟


انا حستنى ردودكم واناقش على اساسها عشان فيه كلام لسة عاوزة اقولها











وموقف البنات مشابه تماما


انت معجبة بشاب من بعيد يعني وهوه معجب بيك


وجه اتقدملك


واكتشفت ان يصغرك بكام سنة


تقبلي ولا ترفضي


وايه موقف اهلك ؟؟

ردوا على المواقف دي عشاااان لسا في مواقف تاانية كتيييييييييير
مستانية ردودكم

[البنت الجديده 1]

بسم الله نبدأ
الموقف الاول

لو كلهم بنات اكيد هاقولهم اللي بتعملوه دا غلط دا نداء ربنا ولازم نحترمه لو سمعوا الكلام يبقي الحمد لله انما لو مش سمعوه انا عملت اللي عليا وثوابي عند ربنا .
انما بقي لو شباب هسكت وامشي ولا كأني سمعت حاجه (احنا بقينا في زمن خطر)

الموقف التاني

هاقولك ياقمر....من البدايه انا مش هارد علي اي حد بيكلمني في محاضره زي دي .
انما لو حصل ..اكيد انا غلطت وكل واحدلازم يتحمل نتيجه خطأه واكيد هاخرج من المحاضره في لحظتها ....وربنا يسترها معايا

الموقف الثالث

هاقف طبعا واحاول اسعفه سواء كان جنسه لان افعل ما شئت فكما تدين تدان واكيد ممكن يحصل الموقف دا لاي حد فينا يعني وربنا يسلمنا من كل سوء ويحفظنا .

الموقف الرابع
الجزء الاول ........لو الشخص دا بيحبني او معجب بيا يبقي اكيد هيخاف علي شكلي مع ذمايلي وعمره ما هيطلب مني كدا وانا معاهم دا لو كان بيحبني وبيخاف عليا
انما لو دا حصل ...عمري ما هاسيب زمايلي واروح اتكلم معاه (البنت ايه غير سمعه وسيره كويسه)

الجزء التاني ....اعتذر مش هاقدر اتزوج بشخص اصغر مني مهما كانت الظروف .

تحياتي ياقمر

[~eyo~]