أيـــــوة .. أيـــــوة ... بحبــــــَّــها

[نور الحرف]

أيوة أيوة بحبَّها

من أول

يوم لَمَسِتْ

كفوفى أرضها

وحَبِِيِت على إيديَّا

وأول خطوة ليَّا

عليها سندتَّها

من قبل

ماأتعلم كلامى

نطق لسانى بكل

حرف ف إسمها

أيوة أيوة بحبها

وبحب كل ولادها

ونيلها

وغيطانها

وزرْعَها

وأحب نوم العصارى

وسهر الليالى

تحت صِفْصَافة

طارحة فى ضَِلّها

وضحكة طفلة بريئة

بتلعب بعروسة ف يدَّها

وحبايتين عرق

فى جبين فلاح بيعْزق

بعد صلاة الفجر

فى أرضَّها

وحبايتين عَرَق

تانيين فى جبين

جندى فى الميدان

يدافع عن عرضَّها

بحبها وحبى متَبِّت

جوة قلبى

جوة روحى

وماأنسى فضْــلَّها

تنده عليَّا فى أى لحظة

أجرى عليها

واضمَّها

ياأغلى عندى

م الدنيا ديـــَّا

بكل طولها وعرضَّها

حبك ياأمى

يسرى فى دمِّى

أصبح حياتى

ونبضَّها

وأغلى عندى

من ولادى

ومن كيانى

وم الدنيــــا كلها

*****
نورالحرف

[البنت الجديده 1]

تحفه ......تحفه بجد جميل اوووووي
تسلم ايديكي ياقمر
تحياتي

[العاشقة المجروحة]

أيوة أيوة بحبها
ماهيا إللى إتولدت
فى حضنها
وكبرت وإتربيت
على أرضها
وغسلت جسمى بنيلها
وأكلت من خيرها وفضلها
أيوة أيوة بحبها
وحلفت إنى هصونها
وأحميها من عدوها
وأبعد أى خوف وظلم عنها
وأقتل كل إنسان بيحلم
فى يوم يضرها
أيوة أيوة مصر هيا اللى بحبها
ماهى أغلى عندى
م الدنيادى كلها

غاليتى نور الحرف ماذا أقول وبماذا أوصف كلماتك الرنانة فى مسامعى
تحياتى لكى غاليت وتحياتى لقلمك العطر المعبر عن نبضنا
تقبلى مرورى وكلماتى التى كانت بوح من قلم حركتيه انتى وكلماتك
تحياتى ومودتى واحترامى

[حرف مشتعل]

كم تبهرنى حروفك بروعتها وسحرها
باقه ورد عنوانها الود

[محمد أبراهيم]

عندما
يكون الكلام عن العشق
فاننا
سوف نسمع
كلام
يذوب الجليد
فماذا
لو كان هذا
الكلام
عن ( الوطن )
ان أصدق المشاعر
تخرج
في لحظة
الحدث
والذي حدث شيء
عظيم
بحق لا يمكنني
وصفه
أثر فينا حد البكاء
فرحا بالنصر
فلن لم تذهب
دماء
شهداءنا هدرا
فهنيئا
لنا بهم يا مصر
فيا رائعه
هو الحب ومشاعر
الوفاء
تشيد بالمحبوب
تهبه العطاء
من دمع لاسى
لخوف وتلاحم
تبقى
رايتنا ترفرف
بالعلياء
المتالقه
نور الحرف
يابنت النيل
يا أبنه بلدى
وفخرى
لوحه رائعه
جسدت اصدق
المشاعر
واوفى التضحيات
وذلك
الحب المغروس
بالنبض
لمصر ولك ولكل عربي
ومسلم
سلمكم الله ورعاكم
من كل سوء
مودتى