ايوه انا اللى كلت كنتاكى وبيتزا هت وانا من القله المندسه وانا اللى قبضت باليورو والدولار اه علشان منساش وانا تبع خلية حزب الله وكمان متدربه فى اسرائيل اريد ان اقول لكم امرا
مبارك مش ابويه مش ابويه
سامعنى
ولا ابوا دول
ويوجد ايضا الكثير والكثير
لو ابونا مكنش امر بقتل ولاده
لو ابونا مكنش حافظ على كرسيه
بدم ولاده
ولو ابونا يبقى اب جاحد يستحق
العقاب
ومحدش يقولى مصر هتضيع
مصر ضاعت يا شعب مصرمن زمان
كان معاهم المليارات
واحنا بنكلم نفسنا على كيلو الطماطم
واللحمه اللى نسينا شكلها
لو ابونا كان اكلنا
بدل ما يسيبنا نموت من الجوع
ومحدش يقولى مبارك صاحب انتصار اكتوبر
ايه حسستونى انه كان بيحارب لوحده
هو اللى حارب وهو اللى انتصر
طيب ما فى ابطال كتير جابولنا الانتصار
مسالتوش نفسكم
ماتو وهما مش عارفين يتعالجوا
ماتو من الفقر
كانو ابطال اكتوبر كمان
اوعو تنسوا
الناس مش هتاكل عواطف، العاطلون لن يعملوا في مجال المشاعر، وأطفال الشوارع لن نؤويهم تحت رموش العين، والأسعار لن تهبط بتأثّر، والرواتب لن تزيد بالدموع، والغاز لن يتوقّف عن التدفّق إلى إسرائيل بالتمني، ومكانة مصر الدولية لن تعود لسابق عهدها بالشحتفة، والشهداء في حوادث الطرق وأقسام البوليس والعبّارات والدويقة والقطارات والمسارح وميدان التحرير لن يعودوا بالكلمة الحلوة، ولن تبرد النار في قلوب أهاليهم ببيتن من شعر الرثاء
ولذلك
يا من تقولون مبارك والدنا
ان الاوان ان تقولو
مصر امنا
وهى اللى لازم تعيش
وراسها مرفوعه
وولادها لازم يعيشو
وراسهم مرفوعه
عيشه كريمه
بدون ذل وهوان
كفيانا طيبه بقى
الطيبه دى وديتنا فى داهيه
وخلت احمد عز وبقيت العصابه
تتحكم فينا وتعاملنا كالعبيد
اللى مصمم ان مبارك ابوه
يروح يقول الكلام ده
لاهالى الشهدا
كل الشهدا
العباره
والدويقه
وشهدا الثوره وشهدا التعذيب
بس ارجوكم
وانتوا بتقولو كده بصوا فى عيون ام كل شهيد
لو قدرتوا تبصوا يعنى
واخيرا
كلمه قالها الملك فاروق يا شعب طيب فوقوا بقى شوفو اللى مكنش مصرى قال ايه لما طالبوه بالرحيل
ان نقطة دم مصريه أثمن عندي من كل عروش الدنيا ، والرحيل فورا أهون على قلبي من سفك... دماء مصريه حفاظا على منصبي
الملك فاروق 1952
سيدي الرئيس.. أنا واحده من شعبك الذين ولدوا ورأوك في الحكم حتى اليوم، ولا أشعر أبداً بسبب كل ما تقدّم أنك أبي..ابويه مش قاتل... ابويه مش ظالم...
علشان كده بقولك ارحل..