لقاء وائل غنيم مع منى الشاذلي في العاشرة مساء

[Special Girl]

*بسم الله الرحمن الرحيم*
*السلام عليكم ورحمة الله وبركاته*


لقاء وائل غنيم مع منى الشاذلي في العاشرة مساء بعد خروجه من المعتقل
اتضح انه وائل هو ادمن (مدير) صفحة كلنا خالد سعيد في الفيس بوك
يعني هو اللي نادى بالثورة دي على هيئة مظاهرة في يوم عيد الشرطة يوم 25 يناير

الجزء الاول

الجزء الثاني


الجزء الثالث



الجزء الخامس

اللي بكى فيه و ماقدرش يكمل اللقاء لما شاف صور الشهداء ومشي ومنى جريت وراه

ده مع انه مش مسؤول عن الشهداء لأنهم مؤمنين باللي كانوا بيعملوه
واللي بيقتل المصريين ويعتقلهم ويتحرقوا في القطورات الخ الخ مش فارقة معاه ولا حتى بيعتذر

ودي كلمته قبل الثورة بيوم في صفحة كلنا خالد سعيد

الكلمة دي موجودة في صفحة كلنا خالد سعيد قبل االثورة بيوم يعني يوم 24 يناير 2011
طبعا ماكانش معروف مين ادمن الصفحة (مديرها يعني) و انه ح يطلع وائل غنيم المدير الاقليمي للتسويق في جوجل
بس كلمة بتبين فعلا معدنه وهدفه الحقيقي

معرفش ايه اللي هيحصل النهاردة .. ومعرفش ممكن أكون فين بكره بالليل .. في بيتنا .. معتصم في الشارع .. مقبوض علي في السجن .. مدفون في القبر .. بس اللي أعرفه إني نازل لأن حقي وحق اب...ني لازم آخده من كل واحد أهان كرامة كل مصري في البلد دي .. لأن بلدنا مش تكية تتقسم على كام ألف واحد واحنا بنتفرج .. لأني مصري ومن حقي غاز بلدنا ميتصدرش لإسرائيل .. لأني صحيح بانام شبعان بس عارف كويس إن فيه 30 مليون مصري بيناموا وهما بيحلموا بأي أكل ياكلوه..

أنا نازل لأن البلد دي بلدي وأنا مش مجرد صفر على الشمال تحدد مصيره حكومة أو أمن دولة أو داخلية .. أنا مواطن مصري .. عارفين مصر؟ مصر اللي حاربت إسرائيل وهزمتهم في 1973 .. مصر اللي اتحدت إنجلترا .. وطردت الفرنسيين .. مصر اللي مفيش أي محتل عرف ينتصر عليها ويمسح هوية شعبها. أنا نازل لأني مش معاكم إن شعب مصر جبان .. شعب مصر مش جبان .. شعب مصر كل واحد فيه خايف إنه لو اتحرك هيتحرك لوحده ومحدش هيساعده .. لو محتاجين تضحيات والله أنا مستعد أضحي بكل ما أملك عشان بلدي.

من بداية ما عملت الصفحة وكان سبب إخفائي لشخصيتي حاجتين: سبب أمني بحت وهو إن الأمن ميقدرش يقفل الصفحة .. والسبب التاني وهو المهم إني في النهاية مش عايز منكم أي حاجة .. لكل اللي بيشككوا في نيتي .. أقسم بالله العظيم أنا معنديش هدف غير إن بلدي تتغير .. مش عايز أي حاجة منكم لا عايز شكر ولا ثناء .. ولا عايز منصب ولا عايز مكافأة وحتى لو نجحنا وحققنا مستحيل أعرف أي حد شخصيتي لأن نفسي يكون عندنا في حياتنا حلم جميل.. قصة ليها نهاية سعيدة .. أنا

مكافئتي الوحيدة هي إن واحد ميعرفنيش ولا أعرفه .. وعمري ما شفته يدعيلي ويقول: ربنا يباركلك .. بس ده هدفي الوحيد.

أنا قصرت في حق ناس كتير في الصفحة من غير ما أقصد .. أرجوكم محدش يزعل مني لأن والله العظيم أنا نيتي صافية وباعمل كل حاجة كان بيمليها علي ضميري .. صدقوني أنا مكتبتش هنا أي خبر أو نشرت صورة أو فيديو إلا لو كنت مقتنع تماما إنه حقيقي .. وعمري ما كتبت كلام عشان أخدعكم .. أنا كتبت هنا بقلبي مش بقلمي .. كل حرف اتكتب هنا كان وراه ضمير بيراقب وعقل بيفكر وقلب بيحكم.

كلكم عندي إخواتي .. حتى اللي دلوقتي شايفين إني عميل وخاين ومتمول .. لأنهم للأسف دماغهم اتغسلت .. ومش دول أعدائي. أعدائي الحقيقيين اللي مسكوا البلد واعتبروها تكية لمدة 30 سنة .. بيسرقوا في كل شبر فيها وبيعتبروا أي حاجة تتعمل مكرمة للشعب .. اللي هو المفروض صاحب القرار .. وبيستغلوا حالة الفقر والجوع ونقص التعليم في إنهم يستغلوا شباب في الهجوم على أي صوت يعترض عليهم. بس صدقوني نهايتهم قربت.

أرجوكم تسامحوني كلكم لو حصل لي حاجة بكره. وأرجوكم كلكم تنزلوا لأن مصر مش هتتغير طول ما احنا بنهتف على الفيسبوك.

ربنا يوفقنا كلنا

قال تعالى: وما أسألكم عليه من أجر إن أجري إلا على الله

[ابو روميساء]

ربنا يخليك لمصر يا وائل

مشكور على هذا الموضوع

بارك الله فيك

[طيور الجنه]

ربنا ماعك وفي عونك
وجزاك الله كل خير

[لبنى مصر]

ربنا يكرمك يا وائل انت شاب من شباب مصر الجميل ولو كنت انت رافض انك تكون بطل يبقى انت واحد من ابطال مصر ربنا يحميك انت واللى زيك عجبنى انك اعتذرت لاهل الشهداء مع انك مش السبب او مش غلطتك زى ما قولت ربنا يرحمهم يارب وده كله عشان مصر يارب يصلح حالنا مرسى يا حبيبتى ع الحلقة الجميله دى

[أحلى بنت ندى]

بلد حضاريه وعصريه لكن وين الحريه يا بلدى ilove you eypt.............................................. ...اللى بيحلم يبقى عبقرى كبير مثلا زى أحمد زويل..........................واللى بيحلم يبقى رئيس وطن كبير مثلا زى انور السدات الكبير...ببكى ودمعتى حساسة لكن مش بسكت بقول ساحفظ وطنى وارعى سكنى لكى يا مصر يا امى.............................{icanforget you butyou donot forget me}