فعلا كفايه يا مبارك وارحل وأتركنا نحس بالتغير
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
هذه بعض الأبيات أرجو ان تنال اعجابكم
سيدي الرئيس
في عيد ميلادك الكام وسبعين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
وياترى ياحبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - ها تفتكر مين وللا مين
في عيد ميلادك الكام وسبعين
بقول لك كلمتين
الأولى
شيلتنا طين
و هل تعلم أن النيل بقي رشاح
و الجو أصبح بيئة والعيشة ولعة
و الشرفا قلوبهم عالبلد والعة
و انت عاملهم مذبحة ولا بتاعة القلعة
و الإقتصاد سداح
و السرقة بقت كفاح
و مصر متاحة بس للسياح
و عرض البلد بقي مستباح
و الثانية
ورتنا الويل
دا الخطوة في عهدك بقت ميل
و الضحك بقي نواح و عويل
و الكوسة
عارف الكوسة
ممكن أقول لك فيها مواويل
و الجامعة بقت يا إما كباريه أو دار مسنين
و الشباب معظمهم من غير خمرة سكرانين
و العلم عز علي المتعلمين
و الأساتذة بقم دجالين
و القادة بقم طبالين
و اديني في الهايف يا حبيب الملايين
و الثالثة
عارف اليابانيين
زمان في سنة اتنين و خمسين
كان عندنا تروماي و كان عندنا علم و متعلمين
و ثقافة و مثقفين
و أدبا و علما و فنانين
و كانو اليابانيين
بالنووي لسه مضروبين
و للصدقة مستحقين
دلوقتي إحنا فين و هما فين
هما فوق و احنا في أسفل سافلين
و الرابعة
أمن بلدنا بقي تنين
و المحاكم اتملت مظالم
و العدالة بقت كمالة
و كلمة الحق في الزبالة
و أصحابها في الزنازين
و الخامسة
القطاع العام....عام
و الفساد.....ساد
وفي جتة بلدنا بيرعي
أفتكر لجنابك إيه و للا إيه
و كل ذكري ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية و سبعين
بس ها كفيهم ورق منين
و كل سنة و انت طيب
و احنا مش طيبين
فعلا كفايه يا مبارك وارحل وأتركنا نحس بالتغير
تذكر دائما :
ان تحب لا تساوى شيء
ان تكون محبوبا لا تساوى شيء ايضا
ولكن الحب هو ان تكون محبوبا من الشخص الذي تحب
البحث على جميع مواضيع العضو عمارطه2009
كفااااااااااااااااااااااا ااااااايه بس خلاص رااااااح
مبرووووووووووووك مبروووووووووووووووووووووو ووووووك لكل الشعب
مبرووك لمصر
يلا نبنى مصر من تاااااانى
سبحان الله والحمد لله ولا اله الا الله والله اكبر
سبحان الله و بحمده سبحان الله العظيم
استغفر الله استغفر الله استغفر الله
اللهم صلى و سلم و بارك على سيدنا محمد و على اهله
البحث على جميع مواضيع العضو roro_rawan
الذين يشاهدون الموضوع الآن: 1 (0 من الأعضاء و 1 زائر)