يوميات ميزو وسمسمه

**Young DeviL** · 11 - 5 - 2008, 10:28 AM

حكايه لقيتها وبرده علي حلقات لو عايزينها

ميزو و سِمسِمه

حكايه كل شباب انهارده .. حنشوفها في شخص ميزو الطالب الجامعي المتخرج من 4 سنين من صيدله السنبلاوين .. و حبيبته سمسمه, بكالوريوس هندسه قسم ( كهربه أفراح ) !

ميزو تتجوزيني ؟
سمسمه ـ أفندم ؟
ميزو ـ بقولك تتجوزيني ؟
سمسمه ـ !!!!!
ميزو ـ تتجوزيني ؟
سمسمه ـ لا !
ميزو ـ ليه ؟
سمسمه ـ بصراحة كدة شكلك مش عاجبني ..
ميزو ـ إزاي يعني ؟
سمسمه ـ يعني .. أصل أنا ليا مواصفات معينة لفارس أحلامي .
ميزو ـ مواصفات معينة ؟ .. هو انتي هتتجوزي عربية ؟
سمسمه ـ لا ! .. بصراحة كدة .. إنت مش فارس أحلامي اللي باتمناه !

**Young DeviL** · 11 - 5 - 2008, 01:26 PM

نسيت اقول هنكمل الحلقه الجايه مع ميزو وسمسمه هيا يوميات قصيره بس انا بحبها

**طيف عابر** · 11 - 5 - 2008, 01:30 PM

منتظرين الباقي يا جمر

حلوة كتير عنجد
تسلمى يا رب

**Young DeviL** · 11 - 5 - 2008, 01:33 PM

بما ان الحلقه قصيره هنزل كل يوم حلقتين وامري لله الحلقه التانيه اهي

بعدها ميزو فكر في طريقه يلي نفسه بيها حلو ويعجب سمسمه شوفو عمل ايه
ميزو ـ تتجوزيني ؟
سمسمه ـ إيه ده ؟ شكلك اتغير !
ميزو ـ إيه رأيك ؟
سمسمه ـ واو .. شعرك بقة ناعم ! .. دي باروكة ؟
ميزو ـ أيوة
سمسمه ـ ودي عدسات خضراء ؟
ميزو ـ أيوة
سمسمه ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج !
ميزو ـ مين عباس كيج ده ؟
سمسمه ـ عباس ؟!! ياي .. إيه عباس دي ؟ اسمه نيكولاس ..
ميزو ـ مين نيكولاس ده ؟
سمسمه ـ بقة مالكشي في السيما وجاي تكلمني ؟ .. ياي !
ومشي ميزو تاني وهنشوف عمل ايه عشان يعجبها الحلقه الجايه