شعر عن شباب الثورة

[احمد عبد الحميد عبد الجوا]

تحية وإهداء لشباب الثورة في ميدان التحرير

والشهداء من أجلها في كل مصر

عِرْفِتْ مصر ثورة

عاشت مصر حرة

*********

ثورتنا بدم جديــــــــد *** وشجاعة بقلب حديــد

وشباب له عزم شديد *** يحمينا من التهديــــــد

نازل علشان يساعدنا *** ويحط الإيد فى الإِيــــد

يتكلم عن مواجعنـــــا *** ببراعه وشكـل فريـــد

والفقر اللى بيوجعــنا *** ويَّـاه ح يروح لبعيــــد

ودى ثوره جـوة بلدنا *** تتمتـع بالتأييــــــــــــد

راح تنجح لجل ولادنا *** وبلدنا تبقى فى عيـــد

يابلدنا الحلم إتحقــــق *** وبقالنا فجـر جديــــــد

وشبابنا هوا الأصدق *** والصبح ح ييجى أكيد

ياسويسنا ياأحلى مدينه *** فيه ثوره وعزم شديد

راح تمسح دمعه حزينه *** عن شطِّك بالتحديـــــد

وتزوق فيكى المينـــــــا *** وتعمر بالتشييـــــــــد

وتمد الكوبري لسينـــــا *** والخير فى بلدنا يزيـد

والصحرا اللى حوليـــنا *** ح تخَضَّر بالتسميــــد

والثوره ح تنجح بينــــا *** والكل ح يبقى سعيـد

والجيل الصاعد فيــــــنا *** ح يغنى ليها نشيـــــد

الثــــورة قامـت لينــــــا *** ورواها ألف شهيــــد

ثورتنــــــــا ح تنجيــــنا *** وح نبدأ فى التجديــد

والضلمه اللى فى ليالينا *** تنزاح من دم جديـــد

تنزاح من دم جديـــد

[رضا محمود]

الله الله الله..
ايه الحلاوة دي ياعم أحمد..مقطوعة زجليّة في مُنتهى الروعة وكمال البناء..
واضح إنك شاعر مُخضرم وفاهم ودارس أوزان الشعر ..
ألف تحية لقلمك المُبدع

[العاشقة المجروحة]

فعلا كلام جاااااااااااامد جدااااا
وموزون تسلم الايادى وأنتظر جديدك
تحياتى وتقديرى

[محمد أبراهيم]

هو
بحق نصر
لكل الأمة
هنيئا شعب السويس
كنتم عنوانا
للحق والنصر
حماكُم الله وَبارك خطاكم
ولك التقدير الخالص
أخي الكريم

[حرف مشتعل]

رائعه واكثر
ودى