يعني ايه كلمه وطن ؟؟؟؟؟؟؟

[mrmora24180]

يعني ايه كلمه وطن
يعني حب .امان. حنان
ولا حاله من الشجن
يعني ايه كلمه وطن

يعني ايه كلمه بلد
يعني حزن وهم .
.ولاهي معناها المرض
ولا طفل اتمني انه ما اتولد
يعني ايه كلمه بلد

يعني ايه اسمك يا مصر
يمكن يكون سلام ونصر
ولا يعني عيشه مر ولا فقر
يعني ايه اسمك يا مصر

يعني ايه من حزننا
ننهار في حضنك
يعني ايه من جوعنا
احنانموت في ارضك


يعني ايه كرامه بنتك وابنك
وانتي شايفاها تتهان
يعني ايه نيلك في ارضك
وابنك اصادك يموت عطشان
يعني ايه خيرك وزرعك
راح لغيرنا واللي منا
مات جعان

يعني ايه ردي يا بلدي
يعني ايه كلمه امان
يعني ايه حبك في قلبي
ولغيري بيكون الحنان
يعني ايه توهتي في دربي
وحمولي من الاحزان
يعني ايه اديكي حبي
وتحرميني انتي الامان

يعني ايه كلمه وطن
يعني ايه كلمه وطن

هو حاله من الشجن
ما الحب جزء من الشجن
هواحساسي بألم
ما الحب يحلي بالألم
حبي ليك عدي الحدود
بالرغم من كل السدود
حبي ليك عدي المحال
لو حتي ضاع فيك الامال
حبي ليك نساني نفسي
حبي ليك بدلي يأسي
حضنك يا امي حبك ياامي
بالرغم عني بيجري في دمي
وبدمي اكتب اسمك يا امي

بلدي بحبك واحب رملك
وكل املي اعيش في حضنك
واموت في ارضك
وهعمل ايه يا بلدي في نفسي
ما هو انتي املي وانتي يأسي
وكل ما اقسي احن ليكي
ما هو انتي نفسي
وعن معني اسمك سألت نفسي
مالقيتش احلي من انتي مصري
ما هو انتي مصري وانتي عمري وانتي قدري

[البنت الجديده 1]

جميل جدااااا
بارك الله لكي
دمتي متميزه مبدعه
الي الامام دوما ان شاء الله
تحياتي

[مونه]

بارك الله لك
وجزاك الله كل الخير