اللهّم أوعدنا ببعثة.....للسجن العسكري

[Rosy magic]

فى حلقة العاشرة مساءا من كام يوم كدة... اللى وافق يوم 5-8-2007....استضافت

مقدمة البرنامج ضيف كانت ناوية تعمل من وراه فرقعة....أو تثبت أنها غير كل القنوات

والبرامج اللى استضافته وأسلوبها يختلف ويتغير ويتميز...فركزت أوى أوى على

الجانب الشخصى والأسري واستعانت بزوجته وأبناوءه للظهورفى الحلقة بدون أى

مناسبة مع ضيفها اللى كان حديث الساعة فى الشهورالماضية....فخرج اللقاء مشوها

ومفتعلا وزى اللى مرسوم بالقلم والمسطرة....و كانت مع....طلعت السادات

ورغم لكنة السخرية فى معظم كلامه....لكن اللكنة دى هى اللى شدتنى أنى أكمل معاه

لحد ما دخلوا فى العوائيليات وبطلت أتابع

اللى قاله طلعت السادات باختصار وكان السبب أنه قضى 272يوم فى السجن

العسكري....يتلخص فى الاساءة للقوات المسلحة واتهامها اما بالضلوع أو المساعدة أو

تسهيل اغتيال عمه الراحل الرئيس أنور السادات....وغنى عن التعريف حدوتة اسقاط

عضوية البرطمان الموقر عنه

وما يلي هى النقط اللى شدتنى جداااااا فى كلامه

1-رفع ايديه زى اللى بيسلم نفسه أو بيختم بالعشرة وقال....القوات المسلحة ناس مية

مية

2-قوات المسلحة هم درع الوطن وسيفه وحمايته

3-القوات المسلحة رائعة...والجيش قلبه كله رحمة وخير

4-السجون العسكرية كلها معاملة انسانية ولا تتمتع الا بها

5-الأكل كان أما فراخ ..وأما لحمة...وأما هامبورجر...والأهم هناك طريقة صناعة الأكل اللى أنا شفتها بنفسي ومش عاوز أبالغ لو قلت (أن المشير بنفسه أعطى التعليمات بعمل الأكل على أحدث مستوى آدمي)

6-المعاملة مع نزلاء السجون العسكرية فوق الممتازة....العيال كانت بتقول للمأمور يا

بابا فوزي...وبالنسبة لى كان أخ وصديق....وعقبت زوجته قائلة...طبعا السجون

العسكرية يتختلف عن السجون العادية لأن نزلاء السجون العسكرية كلهم من الناس

الكويسة والنخبة والمحترمين...على عكس السجون التانية بتاعت المجرمين والحرامية

والحثالة....علشان كدة بيعاملوهم هناك كويس أوى ومعاملة فوق

الآدمية....(هااااااااااة....ي� � بختهم)....وكان كل ما طلعت السادات يحاول يلبّخ فى

الكلام زى ما حصل فى القاهرة اليوم مع عمرو أديب واللى بسبب التلبيخ دة اتحبس

التسع شهور وشوية.....تكح المدام وتتنحنح أوى علشان يفرمل لسانه أول ما بدأ يعك فى سيرة أحمد فتحى سرور ورضوخه لضغوط عز و شركاه فى المجلس ....لحد ما

مقدمة البرنامج والمعدين لاحظوا فقطعوا الكلام والنحنحة والكحة.... ونزلوا باعلانات

عز الدخيلة على طووووووول....والسويدى وسيراميكا رويال وخلافه

7-سيادة الرئيس يشكر والله....وسيادة المشير كتر ألف خيره

8-السجن العسكرى فيه كباين ميناتيل...وأى حد يقدر يتصل ويتكلم لو معاه كروت

الاتصال...مش ميزة ليا انا بس يعنى....ماعرفش بقا السجون العادية فيها

اية؟؟...(قال يعنى مش عارف بجد فيه ولا مفيهوش)....حكم

9-ميزة السجون العسكرية أن الكل متساويين....التخين زى الرفيع

10- أنا نصحت النواب بدخول السجن العسكري....لتغيير الجو والنقاهة...دة انا كنت

كل يوم بأروح الجمانيزيوم هناك...(الجملة دى كانت ردا على جملة خفيفة الدم والروح

لدرجة تفقع المرارة الحصينة.... قالتها مقدمة البرنامج بأن السكر وضغط الدم اتظبط

على طلعت السادات فى السجن العسكرى)...وعجبى

سجلت الكلام اللى شد انتباهى....والباقى تابعته لحد قبل الدخول فى المهاترات العائلية

اللى لا تخص المشاهد لا من قريب ولا من بعيد....وقعدت أعيد وأزيد فى قرايته

وأنا رايحة أنام...حطيت راسى عالمخدة...وبصيت لسقف الأوضة وبحلقت فى السقف

أوى زى اللى مشتهى حاجة من الدنيا

ولقيتنى رفعت ايدى للدعاء و بأدعى ربنا من نخاشيش قلبى وأقول

اللهم أرزقنى زيارة سجننا العسكري ومتعنى بلذة النظر اليه

أنا وأمة المصريين الفقراء المحرومين من اللحمة والفراخ والهامبورجر والميناتيل

والجيمانيزيوم.... جميعا يااااااااارب العالمين

اللهم تقبّل....اللهم استجـــــــب

[العوامى]

دة اللى بيقولول عليه استخفاف بالناس
أو ضحك على الدقون
الحكومة بتاعتنا تقريباً كدة عبيطة
لأنها فاكرة إن أى تمثيلية بيرسموها علينا بنصدقها
يبقوا غلطانين
الناس فاهمة اللى بيحصل حواليها بس للأسف مش قادرين نتكلم
لأن انتوا عارفين اللى بيتكلم بيروح فين؟!!!!!!!!
بيروح مارينا
وجو مارينا مش حلو علينا ولا على عظامنا
دة ممكن يجيب هشاشة فى العظام وفى كل حاجة
أنا أسف على الإطالة
شكراً روزى على الموضوع

[Rosy magic]

لا ولا يهمك يا عوامي عندك حق ....

بس فعلا كلامه ده اشتغالة جامدة .....

[ELKHWAGA]

يا جماعه اوعى تزعلوا لان دى بجد حكومتنا الجميله فلا وجد تعليق المفروض علينا اننا نتفرج وبس

[Rosy magic]

يا جماعه اوعى تزعلوا لان دى بجد حكومتنا الجميله فلا وجد تعليق المفروض علينا اننا نتفرج وبس

شكرا خواجه للمرور ....

ولا تعليق .....

[ام الغلابه]

قالوا البيتلسع من الشربه بينفخ في الزبادي الناس دي جماعه فهمين بعض كويس اويييييييييي كل منهم يريد ان يضرب للأخر علي الوتر ال بيوجعوا بس لما بيعرف ان هيضرب بال........؟ يروح يرجع مكانو المهم لنعلم جميعا انه لن ينتشل وطنا الحبيب الا فئه مؤمنه مخلصه بجد ؟ مش بتوع مناورات علي الفاضي
المهم فهمت من كلامك انك واخده بالك الدنيا ماشيه كيف ربنا يزيدك...............................

[Rosy magic]

قالوا البيتلسع من الشربه بينفخ في الزبادي الناس دي جماعه فهمين بعض كويس اويييييييييي كل منهم يريد ان يضرب للأخر علي الوتر ال بيوجعوا بس لما بيعرف ان هيضرب بال........؟ يروح يرجع مكانو المهم لنعلم جميعا انه لن ينتشل وطنا الحبيب الا فئه مؤمنه مخلصه بجد ؟ مش بتوع مناورات علي الفاضي
المهم فهمت من كلامك انك واخده بالك الدنيا ماشيه كيف ربنا يزيدك...............................

تسلمي يا قمر على التعليق ....

وربنا يستر على الي هيحصل في البلد دي ...

[ELKHWAGA]

يا جماعه على فكرة انا شوفت الحلقه دى بس بجد طلعت السادات ده راجل ميه ميه وطول عمرة بيشتم فى الحكومة...........

[Rosy magic]

يا جماعه على فكرة انا شوفت الحلقه دى بس بجد طلعت السادات ده راجل ميه ميه وطول عمرة بيشتم فى الحكومة...........

ربنا يزيده ... لا تعليق ...

تسلم لتعليقك يا خواجه