اية اللى نفسك تغيره فى مصر ؟

[روح الله معاك]

انا عايشه في دوله من دول الخليج لو حبيت اقارن بين مصر ودول الخليج هادوخ
الانسان كان بيستعر يقول ان هو مصري بس بعد ثورة الشعب
المصريين رجعتلهم الاعتزاز بمصريتهم بس مصر عايزة تتبنى من اول وجديد

***
مع حبي
روح الله معاك

[abdo_sat61]

نفسى يكون فية شفافية ومساواة فى كل شىء لو حصل دة الناس كلها يحبو بعض بدون غاية ولا مصلحة

[abdo_sat61]

نفسى كمان يتم توزيع الارضىالزراعية على الشباب الى موش عاوز وظاءف حتكون مصر من اكبر الدول المنتجة للغزاء وبلتالى تقوم عليها التجارة والصناعة وفى خلال3سنوات تكون مصر من اغنى دول العالم واللةالموفق

[عاطف12]

السلام عليكم ورحمة الله وبركاته

اكيد كل واحد مننا نفسه يشوف مصر بشكل معين وفي ظواهر وعادات كتير نفسنا تتغير
والتغيير ده ان شاء الله هيبدأ بينا كلنا
وان شاء الله متفائل ان مصر .. هتبقي زي ما تستاهل ان شاء الله
وان شاء الله هنتغير .. للأحسن
..

اية اللى نفسكم تغيروه في مصر ؟ واللى انت تحلم تشوفه في مصر الفترة اللى جايه دي ؟

منتظر ردكم .. نفسي كرامة المصري ترجع ... و الرشاوي والكلام ده كله يتلغي
نفسي ظابط الشرطه يحترم الناس .. وتتلغي اي حاجة اسمها واسطة
نفسي في حاجات كتير اوي .. ان شاء الله هنشوفها فى مصر و كمن مستوت التعليم يتغير ويشرف عليم العلماء العظماء مثل العالم فاروق الباز و احمد زويل و تسهيل الاجراءات داخل المصلح الحكومية

[/QUOTE]

[عبدالحليم جاد]

السلام عليكم
اتمنى ان يسود العدل والمساوه
فلا فضل لاحد على احد الا بلعمل الصالح

[srpamon]

نفسنا نكون انسان واحد لا فرق بين مسيحى ومسلم وغنى وفقير نحب بعض بجد نخاف على بعض وربنا يرعا مصر من كل شر

[carate]

كل واحد فينا يتقى الله فى عمله - من الكناس إلى الرئيس - وبس
carate

[FREE4AHMED]

نفسى بجد ان مصرنا الحبيبه تكون احسن وانظف بلد فى الدنيا هى دائماً فى عيوننا كذلك ولكن مع انعدام الثقافة العامة والتعليم السئ انحدرت كل المفاهيم فأنا بتمنى ان يكون فيه منهج دراسى سلوكى يغير من سلوكياتنا السيئه مثل عدم الإنضباط و إحترام الأخر مهما كان فكره والرحمه والصبر واحترام اشارات المرور والإلتزام بالقانون وتحقيق العداله العامه والمساواه والعداله فى الأجور وعدم التظاهر لأى سبب فى الوقت الحالى للوصول ببلدنا الغاليه لبر الأمان وايضاً شن حملات تثقيفيه على شاشات التلفزة وخاصة التوعيه على عدم رمى القمامه فى الشوارع وارجو من الناس يكونوا مسئوليين عن امن وسلامة ونظافة بلادنا فمصر تستحق مننا ذلك فنحن اذا كنا بلأمس بنعمل حاجات وحشه كتييييير فمن الأن نحاول ان نفكر ونفكر فى كيفية الوصول بمصرنا الغاليه لبر الأمان يارب احرص بلدنا الحبيبه والغاليه لو البلد دى خربت مش هايكون لنا بلد تانى ولا وطن تانى نروح له هى كل ما لدينا فابالحب والتفاهم والتراحم نساعد بعضنا بعضا وننصح بعضنا بعضا لأن مصر محتاجه لنا زى ما احنا محتاجين لها واتمنى ايضاً انه مايكونش فيه حزب وطنى تانى للأبد وربنا يقوى د. عصام شرف وحكومته .

[طارق منصور65]

مصر بلد الخير والبركة والحب والدين وكل شىء جميل بلدالتسامح والامان بلد يعشقها كل من عاش فيها اتمنى ان اراها اعظم بلد فى الدنيا وتكون قدوة لجميع البلدان اتمنى ان يقودها عادل وان يكون الجميع سواء لاللمحسوبية لاللنفوزمصر للجميع

[احمد فودة]

نفسى قبل كل دة سلوك الناس يتغير للاحسن لان الثورة غيرت النظام ولكن لم تغير سلوك الشعب