اية اللى نفسك تغيره فى مصر ؟

[محمد ابوركابى]

نفسي مصر تبقى فيها مساواه وعدل بين الناس وبالتالى كل حاجة حلوة حترجع تانى

[pospos16]

اخواني و اخواتي المصريين و المصريات لأول مرة منذ 39 سنة افخر بأن اقول انا مصرريييةةةة و لو لم أكن مصرية لوددت ان اكون مصرية
أما عن أحلامي
على فكرة انا مقيمة برة مصر
ما اتمنى ان اراه هو حب المصريين لبعض يظهر في عيونهم
رأس كل مصري مرفوعة عاليا لتطال السحاب
أريد ان أشتم عبق الحضارة و الإنتماء و المواطنة و هو ما فقدناه على مدار السنوات
ان يتقي كل شخص الله فيما يفعل أي كان
و احب اقول للثوار من الشباب مع اني معرفش هيوصل و ألا لأ
كنتم رجالة حتى البنات منكم رفعتوا راسنا عملتو ايللي مقدرش اعتى الرجال الكبار و الشيوخ عمله
الله يبارك فيكم جميعا
اسفة طولت عليكم

[onleylove54]

نفسي في الامان نفسي ام ادخل اي مصلحة حكومية اتعامل كانسان نفسي في ضباط شرطة محترمين يعاملونا كويس
نفسي احس اني مصري وليا كرامة زي الاجنبي اللي بيجيلنا زاير وبيركبوه فوق ظهونا زي الجمال اللي في الهرم
نفسي اشعر اني مش غريب في بلدي نفسي اعيش مصري واموت مصري بدل السفر والغربة اللي خدت مننا راقات
نفسي افتخر اني مصري نفسي اما اسافر اشتاق لبلدي ومهربش منها نفسي الاقي لقمة عيش في بلدي ياااااااااااااااااااااااا اااه لوكل دا يتحقق

[البنت الجديده 1]

نفسنا في حاجات اهمها
1\نلاقي تعليم يواكب عصرنا .
2\تتغير طريقه التعليم .
3\زياده الاجور في جميع المجالات .
4\ثبات سعر السلع.
5\رعايه صحيه .
6\احترام بين كل طبقات الشعب .
7\نفسنا نلغي كلمات (رشوه ,,وسطه..وغيرهم كتير)

وحاجات تانيه كتير كتير .
وان شاء الله الامل يتحقق وترجع مصر احسن واحسن.

اشكرك اخي الفاضل لموضوعك
دمت متميزاااا

[وائل سيد]

انا نفسى بجد الناس هى الى تتغير اولا وتقوم بعملها على اكمل وجه وكل فرد من ابناء الشعب يتقى الله فى عمله ويعمل من اجل الوطن فقط وبالتالى اذا تقدم الوطن عاد ذلك على الافراد وتحسنت المعيشة وهناك امر اخر وهو ان يقنع الفرد بما قسمه الله تبارك وتعالى له فلا ينظر لما مع اخيه بل يعمل ويجتهد ليحقق اماله ....

[أنور خليل]

نفسي في حاجات كتير :
1- أرى اختفاء عدم المبلاة عند الناس في كل امر من أمور الحياة وأي غلط نحاول نصلحه وننسى كلمة ( أنا مالي )
2- أن يعرف كل إنسان حقوقه فيطالب بها وواجباتها فيؤديها
3- أن نعمم تعاليم الإسلام بشكل أوسع لأن بالإسلام عزنا ومهما طلبنا العز في غيره أذلنا الله
4- الشباب نور وعز وثروة فلنحسن إستغلالها
5- تيسير سبل الزواج أمام الشباب والشابات حتى ينصرف عن التفكير في الزواج إلى ما هو أهم وأعظم
6-الحث على التوسع الرأسي في القرى وعدم إهدار الأراضي الزراعية بالبناء عليها لأن ذلك يشكل خطراً كبيراً على الزراعة في مصر
7- أن نتذكر مقولة مبارك : من لا يملك قوته لا يملك كلمته وللأسف كان يعمل عكس ذلك ويستدين من الخارج
8 -ان نتقي الله سبحانه وتعالى في السر والعلن وأن يسعى كل إنسانٍ جاهداً لرفعة هذا الوطن الغالي .
محب مصر : أنور حسن خليل - أطفيح - حلوان

[العشرى2010]

أتمنى أن تنتهى الواسطة والرشاوى التى تتسبب فى إخفاء وغمر الكثير من المواهب
وأيضاً إرتفاع الأجور والمساواة فيها

[alkomanda]

انا نفسى نرجع احنا الشعب القائد للدول زى زمان ونفسى مصر تتقدم بشبابها الجميل اللى عبر عن حريته بطريقة حضارية ونفسى كل واحد يراعى ربنا فى الحاجة اللى بيعملها هتلاقى كل الناس مرتاحه ومفيش اى مشاكل[

[abdoshow2007]

نفسى اشوف مصر ارض الامن والامان والسلام نفسى اشوف شعب مصر كله ايد واحدة وصف واحد نقهر الظلم والفساد ونفضى على الرشاوى والمحسوبيات ونكون متعاونين فى الاصلاح ولا نضر بمصر الحبيبة كلنا نحب بعض نخاف على بعض مصر دى ام الدنيا ام الحضارات ومهبط الاديان السماوية زنفسى اسمع صوت الحق عالى وننتصر على شياطين الارض بفضل الله عز وجل والله انا نفسى فى حاجات كثيرة وان شاء الله هتكون افضل البلاد فى الخارج والداخل

[ثومة محمد]

نفسي كل مصري يبقي رقيب نفسه ويحاسب نفسه أولا بأول علي أخطاؤه
وطبعا كل واحد يأخذ حقه بدون رشوة ولاواسطة .