دستور ياسيادنا الحكام (سعيد شكرى(

[سعيد شكرى]

دستور ياسيادنا الحكام
المقامات محفوظة وعارف
إن جنابكوا
فى أعلى مقام
وإن مقامى زى ماهو
بس أنا ليا معاكوا كلام
نفسى أقولو
ممكن أقولو؟
طاب لو قولتو
راح أخسر كام؟
كام من عمرى ؟
كام من أمرى؟
أنا ف إيديكوا بستسلام
ماحنا رعية
وإنتوا رعاه
إنتم أحسن خلق الله
إنتوا اللى بإيدكوا الأحكام
إنتم ناس للعدل أساس
إنتم طبعا أجدع ناس
رافعين راسنا كما الأعلام
فن وسيما
وماتشات كورة
ولا كلامكم فى الإعلام
طول العمر أمير ومسالم
ماشى فى حالى وربى العالم
طيب هادى وكلو تمام
قولتوا تبيعوا قطاعنا العام
قولت موافق
عمرى سألت وقولت بكام؟
أما الناس السوإياهم
ياما دخلت فى حرب معاهم
لجل تكونوا بخير وسلام
المقصود أنا كنت فى ندوة
شاعر زييى وجاتلوا العدوة
هرفط ياما وقال فى كلام
قولت إستنى وحاسب يابنى
لسه بلدنا بخير وتمام
قاللى الناس هتموت م الجوع
قولت يصوموا كام إسبوع
هو الصوم دلوقت حرام ؟
دالى يصوم العمر بحالوا
ياهنيالو
قاللى طوارئ
قولت ومالو
كل حمار ولازملو لجام
(قالى (كفاية
قولت ياساتر
مالك بيهم دولا أكابر
التغيير ولا فى الأحلام
إيه هيفيد من قولنا وقال
داحنا ورانا بيوت وعيال
قالى ياشيخ إتغطى ونام
بص ياساقط علم النفس
نص بناتنا فسن اليأس
وكلمة حقى بقت إجرام
فين العدل وفين الصحة
والمخاليق بتموت من كحة
حتى البط جابولو زكام
والشهادات صبحت تذكار
والأفكار دايما فى حصار
عايز توصل تدفع كام؟
لما غلبنى جيت أسألكم
واعتبرونى زى عيالكم
الرحمة بكام؟
العدل بكام؟
حفظ كرامة خلق الله
دلوقت بكام؟

</B></I>

[لبنى مصر]

الله بجد جميله سعيد شكرى وكل كلمة فيها ابداع وحسيت كانى بغنى اغنيه جميله جدا مبدعه رائعه وفكاهيه ومؤلمه فى نفس الوقت سلمت يداك ربنا يحميك ويخليلك دماغك وتكتبلنا كتيييييييييير وسعدنا بيك ف المنتدى جدا وانا شخصيا سعدت وسانتظر موضوعاتك بفارغ الصبر لك ارق تحياتى وتقديرى والى الامام

[لبنى مصر]

من كتر جمالها قرتها مرتين وحاسه انى عايزه اقراها تانى انا مبسوطه ان فى ناس عندنا ف مصر كده دماغهم كبيره زى حضرتك تقبل مرورى مره اخرى

[محمد أبراهيم]

سعيد شكرى
نكهة
المكان تالق
حرف
تخطه اناملك
يصنعه قلمك
وعبير الصفحات
احساس
تعزفه باجاده
اوتار قيثارتك
ليشع المكان
اشراقا وضياءا
يارائع
رقيقه عذبه
حالمه مشاعرك
دمت سيدي
بجمال الحروف
رائعه
حقا ها هنا
بصمتك

[أحلى بنت ندى]

THANX شكرا عندك حق فى كل حرف مرسى على هذا الموضوع

[سعيد شكرى]

الله بجد جميله سعيد شكرى وكل كلمة فيها ابداع وحسيت كانى بغنى اغنيه جميله جدا مبدعه رائعه وفكاهيه ومؤلمه فى نفس الوقت سلمت يداك ربنا يحميك ويخليلك دماغك وتكتبلنا كتيييييييييير وسعدنا بيك ف المنتدى جدا وانا شخصيا سعدت وسانتظر موضوعاتك بفارغ الصبر لك ارق تحياتى وتقديرى والى الامام

القصيدة فى الشعر هى صياغة لوجدان الشاعر بما يحمله من ردود أفعال لمواقف حياتية تتأثر بمدى صدق الإحساس بالموقف وقدرة الشاعر على إستخدام أدواته الشعرية.
الأخت لبنى
كُلى يقين أن الأصعب من كتابة قصيدة هو كتابة رد موجزيرتقى لروعة إحساس الشاعر بنجاح النص ووصوله للأخرين..
دا كان واضح جدا هنا ياست لبنى
لأنى من ساعة بحاول أكتب رد يتناسب مع روعة مرورك الكريم وبجد معرفتش..
تحياتى وتقديرى

[هشام اللول1]

كلمات مبدعه شاعرنا سعيد شكري
تحكي حكايه شعب عاش من عمرها كتير في الفساد

لقد جسدت لنا باحرفك النقيه
بارك الله فيك وحفظك ورعاك
دمت مبدع ومتالق

[لبنى مصر]

القصيدة فى الشعر هى صياغة لوجدان الشاعر بما يحمله من ردود أفعال لمواقف حياتية تتأثر بمدى صدق الإحساس بالموقف وقدرة الشاعر على إستخدام أدواته الشعرية.
الأخت لبنى
كُلى يقين أن الأصعب من كتابة قصيدة هو كتابة رد موجزيرتقى لروعة إحساس الشاعر بنجاح النص ووصوله للأخرين..
دا كان واضح جدا هنا ياست لبنى
لأنى من ساعة بحاول أكتب رد يتناسب مع روعة مرورك الكريم وبجد معرفتش..
تحياتى وتقديرى

انا عايزه الرد من حضرتك يكون اننا هنشوف موضوعات كتير جميله اوى زى كده وتستمر معانا فى المنتدى لنستفيد ونتعلم تحياتى وتقديرى لابداعك تقبل مرورى مره اخرى

[سعيد شكرى]

انا عايزه الرد من حضرتك يكون اننا هنشوف موضوعات كتير جميله اوى زى كده وتستمر معانا فى المنتدى لنستفيد ونتعلم تحياتى وتقديرى لابداعك تقبل مرورى مره اخرى

بكل تأكيد يسعدنى تواجدك فى الموضوع دائما ويشرفنى أيضا كما يشرفنى أن أتواجد بصفة دائمة فى منتداكم الرائع بكم
لكــ مودتى ـــــم

[mona roshdi]

القدير سعيد شكرى

بكل الروووووعة كان تواجدك
مع همساتك بقلمك المبدع
الله الله على روووعة الأحساس

سيدى سعيد

كلماتك هي حقيقة وواقع عبرت عنها بكل مشاعرك الفياضة
سانتظر دائما قلمك فقد راق لي الجوار

تقبل تحياتي وتقديرى
منى رشدى