السلام عليكم ورحمة الله وبركاته

حضراتكم عارفين ان الصداقه الحقيقية بقت نادرة فى زمانا ده وان الصديق الوفى بقى من المستحيلات وبقى شحيح اوى وبقى المتوفر دلوقتى هو صديق المصالح الى ياخد منك كل حاجة وفى المقابل ماتاخدش منه ولا حاجة على فكرة انا كنت متاكدة برضه ان الصديق الصح مستحيل الاقيه وانا متاكدة برضه ان الناس بتعيش وتموت وهى بتدور على حد يحبهم لشخصهم مش عشان المصالح وان فى ناس مابتلاقيش الحب ده وناس محظوظه وبتلاقيه ومع كل التشاؤم اللى انا كنت فيه الا انى بقيت من المحظوظين اللى لقوا الصديق اللى بيدوروا عليه عايزه اقولكوا انا صاحبت بنت بجد بحسد نفسى عليها احنا مع بعض من4سنين وبمن كتر ما قعدنا مع بعض بقينا تؤام فى كل حاجة حتى ان اسمأنا واحدة ومن كتر ماطبعنا على بعض بقينا بنعمل كل حاجة ذى بعض فى نفس الوقت واحنا مانعرفش وفى اماكن مختلفة دا حتى احنا بس اتنين وكل الناس بتحسدنا وشيفانا ان احنا مختلفين لان كل اللى يحاول يصاحبنا يفشل ويبعد عنا لوحده عارفين انا صديقتى منقبه بس الغريب ان انا بعرف انها زعلانه او فرحانه من قبل هيه ما تقولى عارفين انا بعرفها من عنيها ومن صوتها عارفين كمان انا من كتر حبى ليها لما بتكلم عنها بلاقى قلبى كده بيرقص وعينى بتدمع انا بحمد ربنا على النعمه دى وبدعى ليكوا كلكوا انكوا تبقوا محظوظين ذى انا عارفة انى طولت عليكوا بس حبيت اشاركوا قصتى واعرف ارأكوا وشاركونا قصص صداقاتكم وكمان ادى امل لكل الى فقدوه لان الدنيا لسه بخير