آسف يا ريس ! إهداء إلى كل متعاطف مع مبارك !!

**عفريت أفندى** · 18 - 2 - 2011, 03:42 AM

إهداء

إلى كل متعاطف مع مبارك

آسف ياريس حقك عليا
فيه كام رصاصه مجتش فيا

صحيح جارتنا فقدت ضناها
وكام مواطن وكام ضحيه

مش غلطه منى وحياه جمالك
دى غلطه م اللى فقع عينيا

حبه كرامه كانوا عندى لسه
عيون عساكرك نسيوها فيا

فيه لسه لقمه ومعاها هدمه
لو يلزموك خدهم هديه

مهم تشبع .مهم تجمع
فى ملياراتك لو يبقوا ميه

فداك ياريس كل اللى ماتوا
يا ابو قلب طيب وانسانيه

************************************************** ******

آسفين يا ريس دى عيال هفيه

كمل ولايتك غاويين أذيه

رجعلنا عز و نظيف

و العادلى ابن المفتريه

و إوعى تنسى تجيب جمال

و سرور و صفوت و البلطجيه

و دوس يا ريس بيهم علينا

**~DREAM~** · 18 - 2 - 2011, 03:48 AM

ههههههههههههههههههههههههه ههه
لا بجد حلوة
موضوع رائع
دمت متالق وبخير عفريت افندى
تحياتـــــــــــDREAMـــــى

**mahmoudali** · 18 - 2 - 2011, 04:29 AM

رجعلنا عز و نظيف

و العادلى ابن المفتريه

و إوعى تنسى تجيب جمال

و سرور و صفوت و البلطجيه

و دوس يا ريس بيهم علينا

الف الف تحيه ليك ولقلمك المبدع في جمال واختيار
الكلمات بجد روعه
تقبل كل الود والتقدير والاحترام عفريت افندى

**s.a.m.a** · 18 - 2 - 2011, 04:47 AM

بجد حلوة شكرا

**المهندس حسين** · 18 - 2 - 2011, 05:23 AM

بجد كلام في قمة الروعة
ولا يوجد في خاطري كلمات اخري بعد كلامك

**أحلى بنت ندى** · 18 - 2 - 2011, 12:35 PM

الكلام حلو ومرسى

لكن انا مش بحب مبارك وشكرا على الموضوع

**مونه** · 18 - 2 - 2011, 03:06 PM

بجد ياوليد كلام ممتاز
بارك الله فيك يارب

**roro_rawan** · 18 - 2 - 2011, 09:23 PM

جاااااااامده جامده موت بجد
تسلم الايادى يا وليد

**حرف مشتعل** · 18 - 2 - 2011, 09:37 PM

سلمت اليمين
بارك الله فيك

**maahes** · 18 - 2 - 2011, 10:33 PM

تسلم ايديك ياوليد على هذه الكلمات
اما ابن المفترية فهو فعلا مفتري عليه من الله مايستحق
جزاك الله خيرا وبارك الله فيك
دمت فى حفظ الله ورعايته
مـــحـــمد

الموضوع: آسف يا ريس ! إهداء إلى كل متعاطف مع مبارك !!

أدوات الموضوع

آسف يا ريس ! إهداء إلى كل متعاطف مع مبارك !!

معلومات الموضوع

الأعضاء الذين يشاهدون هذا الموضوع

المواضيع المتشابهه

ليلة خميس::عيد ميلاد أبليس::حلقة رهيبة للدكتور::حازم شومان::روابط متعددة

وادى عروسة تانى .....؟ فين العريس المتبرع بقى....تعالو يابنات اختارو العريس الجديد

صــور أفراح تعرضها لاميس

الكلمات الدلالية لهذا الموضوع

ضوابط المشاركة