عشقتك موت(سعيد شكرى)

[سعيد شكرى]

أنا ف حبك
عرفت إزاى أكون عاشق
ومقدرتش أكون معشوق
ومقدرتش أكون غير ال أنا كنتو
يادوب عاشق
على برك رماه الشوق
سهرت كتير كما العشاق
ولفيت البلاد أكتب
على خد الشجر حرفين
وقلبى وسهمك المرشوق
ومقطع من قصيدة شعر
مكتوبة علشانك
ياغنوة لسومة ولا حليم
حبك كان ونس وطريق
وإسمك ياما بل الريق
حفرتو
ع الرمال والصخرف الطرقات
وانا اللى حالى علمنى
مابصش فوق
لكين الحب زى الموت
وله سكرات
أخدنى هواكى بجناحو
على ضهر السحاب مرات
وعشمنى
أكون الفارس الموعود
بجاه عرشك
ولما الوقت عدا وفات
لقيت حبك كما الطوفان
وإنتى زى دوامة بتسحبنى
وانا بطوق النجاة مخنوق
ولقيتنى مابين خيارين
ياموت غرقان
ياموت مشنوق
عشقتك موت

[لبنى مصر]

كما اعتدنا منك على الابداع ابدعت وتالقت وتعملقت فى عشقك فجذبت الانظار وادهشت القراء الشاعر سعيد شكرى دام تالقك وابداعك ليدوم اعجابنا تقبل تحياتى وتقديرى

[لبنى مصر]

بس انا لاحظت انك من يوم ما ابتديت بتكتب اشعارك ف قسم الاشعار والخواطر على فكره فى قسم تانى لابداعات اعضاء المنتدى يارب نشوفك فيه عشان كل الاعضاء يشوفوا موضوعاتك هما بيشوفوها هنا بردو بس عشان يتاح للى مبيدخلش هنا يشوفها فى قسم الابداعات تقبل مرورى

[jokata]

رائع ماخطت يداك
دمت متالق
تقبل مرورى

[بنت مصر1]

كلماتك رائعه جداً
سلمت أناملك..
تحياتي..

[محمد أبراهيم]

همس
مترف الاحساس
راقني
جدا ماكتبت
أهلا بك
في
منتدى مصراوى
شرفنا حضورك
ولكن
عليك ان تذيل
اسفل النص
بكلمة
بقلمي
والإلتزام ضروري
سعيد شكرى
ولنا
من ابداعك
الكثير
سطر بعضا منه
حرفك الاثير
ويالها
من سطور
تطاوعك
كيفما تشاء
الحروف
وتتجمل بعطر
قلمك الكلمه
اخى الفاضل
اجمل
مافي الحياة
هو قلب
صادق
قلب ينوء
داخل الضلوع
بالحب خافق
كأنه
نهر حنان
بالمشاعر دافق
فشكرى أقولها
لهذا الحب
الجميل الواثق
انار الله طريقك
بكل
ماهو جديد
مودتى

[العاشقة المجروحة]

ولما الوقت عدا وفات
لقيت حبك كما الطوفان
وإنتى زى دوامة بتسحبنى
وانا بطوق النجاة مخنوق
ولقيتنى مابين خيارين
ياموت غرقان
ياموت مشنوق
عشقتك موت

الله على الابداع
وإنتقاء الكلمات وإحساسك المرهف
تسلم ايديك بجد
تقبل تحياتى ومرورى

[سعيد شكرى]

كما اعتدنا منك على الابداع ابدعت وتالقت وتعملقت فى عشقك فجذبت الانظار وادهشت القراء الشاعر سعيد شكرى دام تالقك وابداعك ليدوم اعجابنا تقبل تحياتى وتقديرى

الروعة كلها فى مرور حضرتك يافندم
وافر التحية والتقدير لشخصكم الكريم

[سعيد شكرى]

بس انا لاحظت انك من يوم ما ابتديت بتكتب اشعارك ف قسم الاشعار والخواطر على فكره فى قسم تانى لابداعات اعضاء المنتدى يارب نشوفك فيه عشان كل الاعضاء يشوفوا موضوعاتك هما بيشوفوها هنا بردو بس عشان يتاح للى مبيدخلش هنا يشوفها فى قسم الابداعات تقبل مرورى

بخصوص قسم إبداعات اعضاء المنتدى كنت أعتقد أن إختيار النص يتم من قِبل الإدارة إذا كان العمل يرقى إلى مستوى الإبداع كحافز إجادة وتكريم لمبدعى المنتدى وبالفعل تم نقل هذا النص إلى هنا ربما تلبية لدعوتكم الكريمة .فلكم ولإدارة المنتدى جزيل الشكر والتقدير

[حرف مشتعل]

سكبت العطر والمطر..فانحنى القلم اجلالا
ود بمداد السماء