لو سمحتم حلولى مشكلتى وردوا عليا

[ahmed fares]

بسم الله الرحمن الرحيم
ازيكو ؟ عاملين ايه ؟ ********************
انا عندى مشكله وعايزكوا تحلوهالى لو سمحتم , انا بحب بنت اتعرفت عليها فى السنة الاولى من المعهد , المهم روحت عرفتها انى معجب بيها وعايز اتعرف عليكى بس بجد انا كنت معجب مش بتسلى بيها , المهم رفضت وانا احترمتاها اوى ولقيت فيها حاجات كتير جميله وتتدل على انها بنت محترمه جدا , وعدت ايام وشهور وحبتنى وانا حبتها جدا اكتر من الاول واتفقنا على انى اخلص المعهد والجيش واروح اتقدم لها من البيت رسمى وهى وفقت , بس المنشكله اللى انا كنت عايزكوا تحلوهالى انها عنيدة شويه وساعات تنشف دمغها على حاجات انا بكون مش عايزها تعملها بس والله الحاجات دى حاجات طبيعيه خالص مش سي السيد انا علشان احكم عليها متخرجيش من البيت ولا الكلام ده خالص لا ابدا , انا بغير عليها جدا وبخاف عليها بس مش اكتر والله , وانا بحبها ومش قادر اسيبها , ولما كنت ازعقلها على حاجات او اعملها ناشف شويه كانت تزعل وتتقمص وكانت تقولى كلام رخم شويه , يعنى مثلا ( لا والنبى خوفتنى مش عارف ايه ....., انا ما بحبش حد يزعقلى , انت مين عشان تزعقلى انا ما بحبش ابويا او امى يزعقولى تيجى انت وتزعقلى , لا والنبى تعالى ادينى قلمين ) وكدة يعنى كلام يجرحنى وينرفزنى اكتر, بس كانت ساعات تيجى وتصلحنى وتقولى حقق عليا انا كنت مضيقة واسمحها , بس هى ديه مشكلتى مش عارف اعمل ايه مع انى مقدرش اسيبها وانا عارف انها بتحبنى بجد , مع العلم ان احنا ما بنكلمش بعض من حوالى شهر تقريبا ولا هى اتصلت بيا ولا انا اتصلت بيها , وكان اخر كلامنا ان احنا نكون صحاب لحد ما نخلص المعهد واروح اتقدم لها وقولتلها ( طالما انتى ما بيعجبكيش كلامى وبتزعلى لو فى يوم من الايام اتنرفزت فيها عليكى ) وبعتلها رساله فى عيد الحب (كل سنة وانتى طيبه) وكدة يعنى عشان ما تفتكرش ان انا كنت بتلككلها او انى مكنتش بحبها وكنت بتسلى بيها , وهى ما ردتش عليا ولا برساله ولا اتصلت , انا عايز اعرف دلوقتى اللى انا عملته ده كدة صح ولا كدة غلط ؟ ولما اخش المعهد الترم التانى ايه هو رد فعلى معاها ؟ لو سمحتم اللى يشاهد الموضوع يسيب رد ويقول رايه ويشارك .

[sheren19]

بص بقى ياسيدى انتو اتفقتو انكو تكونوا اصحاب
صح
و هى اللى عايزة كدة ماشى خلاص مافيش مشاكل
لمة تخش المعهد عاملها عادى خالص زاى اى واحدة من صحاب و شوف رد فعلها اية
هيكون معاك و هتكلمك ازاى يعنى و هى لو بتحبك مش هتستحمل تشوفك و انت بتعملها زاى اى حد تانى
و دة اكيد بس لو بتحبك بجد و هتعرف انت من الموقف دة
بس كدة ياريت اكون افادتك بشى
هو انت صحيح فى معهد اية

[حب العمر]

بص انا من رايى انك تحاول تكلمها مرة كمان عشان ما تقولش ده ما صدق اما لو ما ردتش يبقى بجد الحل اللى قالته شيرين مناسب جدا
لان البنت ما بتستحملش تشوف حبيبها يعاملها زى اى واحدة لانها اهم حاجة بتسعدها انها تحس انها مميزة فى حياته
وابقى طمننا عليك

[أحلى بنت ندى]

بص أنا عايزة اقولك راى انك تشاور حد من أقاربك أفضل وبعدين البنت ديه مش هتحب انك تقول حاجه بينك وبينها تحب انتا هى تعمل فيك كدة لأ وبعدين أنا بردوا هفيدك وهديك!!!!! نصيحه البنت دي لو يوم زعلتها أو ارتكبت غلطه أنتا مش حاسس بيها بنسبالها غلطات كبيرة قوى فبلاش مع البنات من النوع دة صدقنى

[ahmed fares]

شكرا يا شرين على ردك للموضوع , على فكرة انا فى معهد المطريه ( صناعى ) , بس انا كنت عايز اعرف حاجة , اللى انا عملته ده انتى من وجهة نظرك شيفاه صح ؟ ونفترد انى ملقتش منها رد فعل على اللى انا عملته او اللى هعمله لما اخش المعهد ؟ , على فكرة هى معايا فى نفس السكشن .

[sheren19]

مافيش شكرا هنا احنا اخواتك
و ربنا يوافقق فى المعهد
انا شايفة اللى انت عمالتة دة صح
و لو مالقتش رد فعل منها يبقى هى مش بتحبك زاى ما انت بتحبها
بص مش هنظلم البنت غير لمة نشوف رد فعلها
انا لو مكانها مش هستحمل ما كلمش حبيبى و اطمن علية
ربنا يكرمك يارب و يوفقق
بص الحب دة مش لعبة دى علاقة جميلة كلها حب و اخلاص و مودة بين اتنين
و لازم يكون فى توافق ما بنكم علشان تقدرو تكملو حياتكم و انا حاسة انها مش هما الحب هى عوزة يكون العلاقة راسمية و بس
يعنى خطوبة زاى اى بنت بتحلام بكدة ما تتسرعش و فكر كويس
انا موجودة لو احتاجت اى حاجة
اختك فى الله شيرين او ام نغم

[smart girl]

هو دة بالظبط بقة هههههههههههههه
معلش البداية الغلط دى بس أصل انا كان عندى نفس المشكلة مع شخص ....
ااقولك انا اللى فيها يا مان ...انت بتحبها جدااااا وهى بتحبك جداااااااا انت بتغير عليها وشايف ان تنبيهاتك ليها كدة بتحافظ عليها وهى لانها عنيدة وواثقة فى نفسها وفى تصرفاتها فاشايفة ان طريقتك واسلوب اعملى ومتعمليش دى اوامر واوردارات
حلها اية بقة وبأكدلك ان الحل دة هينجح جدااااااااااااااااااااااا اا
الأول بس عايزة ااقولك هى بتحبك بجد ....بس البنات العنيدة محتاجين معاملة مختلفة شوية
اذا انت بتحبها بجد وعايزها لازم تتحمل شوية معلش وتتعامل بأسلوب " براحتك "
تقولك انا مش عايزة اتكلم لحد ماتخلص المعهد ترد عليها لا خلاص اوكى براحتك
تعمل حاجة بتدايقك جداا وهى عارفة انها بدايقك مثلااا انا نازلة مش عارفة فين ..
...متتخانئش معاها ..قولها اوكى براحتك روحى

وهكذا مع كل المواقف

لما تيجى بقة وتقولك ...اية براحتك براحتك اللى عمال تقولهالى دى
احرجها بأدب وقولها انا كنت شايف انى فعلااا مزودها قبل كدة وانتى شخصية مسئولة وانا واثق فيكى فاعشان كدة بقولك براحتك " بس ماتقولش كدة بطريقة مستفزة اقولهالها وانت صادق فيها "

هتلاقيها بعد كدة اتحولت زى مانت عايزها بالظبط

بعتذر انى طولت وربنا يوفقك

[ahmed fares]

على فكرة هو ده اللى انا عملته معاها وقولتلها انا مش هقولك على حاجة تعمليها او ما تعملهاش براحتك عشان انا بجد مش هستحمل ان اسمع الكلام ده منك تانى ومش من حقى اقولك كدة غير لما اكون خطيبك رسمى , راحت ما عجبهاش الكلام وقالتلى ( وانا مش هقبلك على كدة ) على انى ما قولهاش على حاجة يعنى اعمليها او ما تعملهاش .

[smart girl]

بص اولاااا كان غلط طبعا انك تعترفلها بخططك انا قولتلك تتصرف كدة فالمواقف وبأسلوب انك مش مدايق منها
لاء وكمان بتقولها ان انت مش هتنبها او مش هتقولها اعملى ومتعمليش مش عشان انك خلاص انت واثق فيها او فى تصرفاتها لاء عشان انت مش عايز تسمع كلام منها و لما تبقى خطبها رسمى ساعتها تعمل اللى انت عايزة معاها
يانهارك ابيض اية يا بنى الكلام دة بوظت الدنيا الله يسامحك هههههههه
لازم تكون عارف ان البنات العنيدة واللى واثقين فى نفسهم الحرية عندهم مهمة وبيخافوا جدااااااا ان الشخص اللى هيرتبط بيهم ياخد حريتهم دى منهم وعلى فكرة مفهوم الحرية مش الانطلاق لكن الحرية اللى هى بحدود
فانا اعتقد انك خوفتها بكلامك أكتر ....والله العظيم السياسة وطرقتك لتوصيل المعلومة بأنك خايف عليها وانها مجرد نصيحة
مش أجبارى ولا فرض انها تتنفذها هى اللى هتحل المشكلة
وهتلاقى هى اللى بتنفذ من غير خناقة ..وبعد مابوظت اللى قولتة ههههه اقدر اقولك ان لازم تتعامل معها عادى جدااااااااا وتوقف اى خناقات على جنب شوية