انا مش فاهمه حاجه

[لبنى مصر]

بسم الله الرحمن الرحيم

بصو يا جماعه انا لما اشتركت فى المنتدى مصراوى كافيه كان بهدف انى انشر بعض الاشعار والخواطر والموضوعات اللى كتباها فبالتالى كان مكانها فى الركن الادبى وكنت فاكره ان المنتدى اهتماماته الاوليه بالركن الادبى وباقى الاقسام اللى بيهتم بيها الناس للتسليه او غيرها زى اى منتدى اشتركت فيه قبل كده لكن لما عدت فتره وانا بتابع المنتدى لقيت ان الركن السياسى كمان ممتع وجذبنى وان السياسه موهبه عندكم موهبه مش ثقافه بس وان اراء الاعضاء السياسيه جميله جدا مهما اختلفت او اتفقت معاها بس فى الحقيقه كنتر اكثر متابعه لمراقبى هذا المنتدى عفريت افندىسياسى مهم وممتع فى الكتابة وخفيف الظل وايسل بنت جريئه فى السياسه لا تخاف وكتاباتها مختلفه وهشام اللول مقنع فى كتاباته وذو راى يحترم وماشى فى طريقه و scream الذى اختفى عن المنتدى واظن انه ايضا لارائه السياسيه المعارضه اتمنى له عوده حميده وان يكون المانع خير وربنا يحفظه من اى سوء
حقيقة انا افهم فى السياسه بس على خفيف متعمقتش فيها جدا مش خوف ولا حاجه عشان انا مبخافش غير ربنا بس مدورتش عليها ومحاولتش بس دللوقتى جه الوقت انى لازم افهم فيها اوى لان دى الحاجه الوحيده اللى بتعوقنى ولو حد اتكلم معايا فيها بغير الموضوع انا عندى ثقافه رياضيه فنيه اجتماعيه اعلاميه وعندى مواهب كثيره ولكن لم احظى بالموهبه السياسيه فرجااااااااء من مشرفين الركن السياسى واعضاءه كل من يمتلك هذه الموهبه فلياخذ بيدى عشان على الاقل لو حد كلمنى فيها مبقاش زى ال....... واروح مغيره الموضوع عشان اخلص وعشان عايزه افهم يه اللى بيحصل فى مصر بلدنا مصر اتغيرت انا عايزه اتغير زيها.
هل من مجيب؟؟؟
اختكم لبنى اللى مش فاهمه حاجه

[عفريت أفندى]

الأخت الفاضله لبنى

حللت أهلا

و نزلت سهلا

ازداد السياسى رونقا و بريقا بحضورك المميز

ليعلم الجميع أن السياسه ركن أساسى فى حياة كل شخص لا يمكن تجاهله

لأنها تتحكم فى حاضرنا و مستقبلنا و مستقبل أولادنا

فهى المحور الأساسى الذى يتحكم فى كل أمورنا اليوميه و الحياتيه فهى متغلغله فى حياة كل مواطن

فى الأجور و الأسعار و الخدمات بصفه عامه و أيضا العلاقات الدوليه للدوله

لذلك وجب على كل مواطن أن يهتم بها و يتابعها عن طريق متابعة مايحدث فى الدوله من حراك على كافة الأصعده و المستويات

و علينا جميعا ان نعلم أن لصوتنا و رأينا قيمه و أهميه فى صنع القرار السياسى و صنع مستقبل الوطن فى إشاره لأهم مكتسبات ثورة 25 يناير

و عذرا للإطاله أختى الكريمه

و بارك الله فيكى

دمت بود

[لبنى مصر]

ولا اطاله ولا حاجه اخى وليد بالعكس انا استفدت واتمنى ان استفيد اكثر من خبراتكم بس على فكره انا ابتديت اعرف فى السياسه شويه عموما انا سريعة الفهم شويه كده وهبقى انا المشرفه
مرسى لردك