قصيدة يا مصر هانت : للشاعر : تميم البرغوثي

[علي مدكور]

يامصر هانت وبانت كلها كام يوم… نهارنا نادي ونهار الندل مش باين
الدولة مفضلتش منها إلا حبة شوم..
لو مش مصدق تعالي علي الميدان عاين
ياناس مفيش حاكم إلا من خيال محكوم..
واللي هيقعد في بيته بعدها خاين اللي هيعقد كأنه سلم الثانين لأمن وقاله هما ساكنين فين..
وصلت لضرب الرصاص علي الخلق في الميادين حتى الجثث حجزوها اكمنهم خايفين..
يامصر أصبحنا أحياء وميتين مساجين فاللي هيقعد في بيته يبقى مش مفهوم..
واللي هينزل الهي حارسه صاين يامصر هانت وبانت كلها كام يوم..
نهارنا نادي ونهار الندل مش باين.
نهارنا نادي وبأيدينا علي فكرة.. الصبح عنده فضول راح نعمل إية بكرة.
إيده علي الباب وخايف يلمس الأكرة.. ادخل ياأستاذ براحتك والبلد حرة.
إحنا زهقنا نشوف الصبح من برة.. ادخل وخرج بقايا العتمة من برة.
الناس ديه حرة وجنود الأمن مضطرة.. ياصبح طلعت روحنا لجن تيجي ياخي.
طالعين نجبيها أهوا فى كل حارة وحر..حتى لو ضربونا بالرصاص الحي.
شوف الميادين كدة مفروشة خلق وضي.. دايما مفاجأة ودايما وقتها معلوم.
الحكم لينا وليك الحق يامداين.. يامصر هانت وبانت كلها كام يوم .
نهارنا نادي ونهار الندل مش باين.. ياصف عسكر بدل الدرع شيلوة اثنين.
25 يناير ياشباب فاكرين.. كان فيه انجليزووزير الداخلية تخين…
كان عنده برده عساكر زيكم جامدين.
سابهم يموتوا علولا لو سأل فيهم.. كانوا شبهكم اساميكم اساميهم.
ياعسكري البهوات اللي بتحميهم.. ممكن يردوا عليك لما تناديهم .
ياعسكري أنا أصلي بس بستغرب.. لو لاقي تأكل وتشرب قوم ياعم اضرب.
اضرب عشان الوزير من ضربتك يطرب.. لكن هتشتغل اية لما الوزير يهرب.
أما الشديد القوي القادر أبو القادر.. برميل تلامة نشر علي مصر من الآخر.
لو شفته معددة تكتب ادب ساخر.. ثابت يقول للهرم ياكابتن اتاخر.
ولم يزل معتقد ان الهرم هيقوم.. ادي الحجر والبشر قايمين ياسيدي القوم.
والدين هيترد ياللي عشت متداين.. يامصر هانت وبانت كلها كام يوم.
نهارنا نادي ونهار الندل مش باين.. ده حكم أسرة ولا خوفو ولا خفرع.
ولا وجع بطن يتعالج بزيت خروع.. عمل مسوكر بعيد عنك ولايطلع.
جربنا فيه كل شىء ملقينا شىء ينفع.. منفعش بالأدوية جربنا ألف طبيب..
ولا بعطارة شيوخ ليهم بلح وزبيب.
ولا بجحفل مغولى وضرب بالقباقيب.. عمل مسوكر وسفلي شغل تل أبيب.
وشغل أمريكا متغلف وختمة عليه.. ضيف زارنا ياعم من غير دعوة لابس بيه.
قاعد 30 سنة ومبيقولش قاعد لية.. والنية مديها لابنه النابغة بعديه.
ويقول قضا وقدر بين البشر محتوم.. قولناله طيب ومين قال للقدر معلوم.
واش عرفك يافخمتك بالذي كان.. يامصر هانت وبانت كلها كام يوم..
نهارنا نادي ونهار الندل مش باين.

يا مصر هانت و بانت كلها كام يوم ...

[mona roshdi]

القدير على مدكور

مصر ستظل حرة بفضل ثورة الأحرار ثورة 25 يناير
الثورة الطاهرة النقية
اللى راح علشانها أرواح أخواتنا وأبنائنا الشهداء
مصر حاتفضل رافعة رأسها لفوق ،،
ماهي ماطول عمرها رافعة

والخاين والعميل ملوش مكان بينا

تحيا مصر حرة أبية
ورحم الله شهداءالثورة

تقديرى لأختيارك الرااائع

،،،
منى رشدى

[العاشقة المجروحة]

شعر رائع وكلماته جامدة
وان شاء الله ربنا حارس ثورة 25 يناير
وهتتحقق كل أحلامنا وأمالنا منها
شكرا ليك أستاذنا على نقلك المميز
والفيديو الجميل ده
دمت بكل خير وسعادة

[محمد أبراهيم]

وهكذا
امواجك دفىء
لهذه الصفحات
بعذوبه المد
وجميل الكلمات
على مدكور
وحرف راقي
وسطور رائعه
ذهبيه
لهذه الذائقه
جئت لالقاء
التحيه
شاكر حقا نقاء
السطور
لك باقات الزهور
وارق واعذب
تحيه

[mrthebest]

تحيةالى روح كل الشهداء الذين صنعوا بدمائهم الطاهرة مستقبل هذا الوطن وفتحوا صدورهم لرصاص الطغاة ليفتحوا لمصر باب العزة والحرية والكرامة ولكل من ألهب مشاعرنا جميعا بمثل هذه القصائد حمى الله مصر وابنائها وحقق لنا جميعا مانصبو اليه من مستقبل مشرق لمصرنا الحبيبة لتسترد مكانتها المتقدمة بين الامم

[abo hamdy her]