نقاش بين الشباب والبنات

[komyz]

قلب الراجل مش عن طريق معدتة والا كان الواحد اتجوز طباخة
لو الاكل كل حاجة كان الواحد اتجوز مطعم
الواحد مش عايز واحدة تكونلو طباخة ولا المثل المتخلف الى بيقول الست غازية لجوزها
الراجل عايز ملكة تملك قلبة وحياتة وشغفة
واحدة تخلية يحس انه اسعد واحد فى الدنيا
حتى لو مكنتش حلوة لكنها تخلية مايعوزش يبص برة
واحدة يأتمنها على بيتة وعيالة
واحدة تكون احسن منة ومتواضعة عنة بكل بساطة احنا عايزين ....ملكة

[komyz]

واحنا مش بنخون الاسرار ولكن احيانا فية اغبياء بيحاولو يخلوها منظرة يقول شوفتو دى قالتلى ......
ودة بيعبر عن سؤ اختيار البنت وسطحية وعدم حب من قبل الرجل

[ابو تريكه]

هههههههههههههههه

ارحموا الولاد شويه




احنا بردو اللى مش بنحفظ الاسرار حرام عليكو

معروفه ان البنات مبتبلش ف بقهم فوله

هههههههههههه

موضوع المعده ده

اكيد طبعا لازم الواحد يأكل ومش الرجل بس البنات بردوووووووو

انا مش بحامى علشان انا راجل بس دى حقيقه

سؤالى بقى

ليه كتير من البنات بيتساهل ف امور الدين من اجل الدنيا ؟

[عمري مات]

لا طبعا" مش اي بنت بتتساهل برغم استغلال الشباب للبنت بكلمة حب ساعتها البنت ممكن تتساهل او بتأثير صاحبة عدوة بس دي لو شخصيتها ضعيفة لكن لو ليها شخصية مستقلة استحالة لأن البنت بالذات مش بتعمل حاجة الا وهي فعلا" عايزة تعملها

[~eyo~]

قلب الراجل مش عن طريق معدتة والا كان الواحد اتجوز طباخة
لو الاكل كل حاجة كان الواحد اتجوز مطعم
الواحد مش عايز واحدة تكونلو طباخة ولا المثل المتخلف الى بيقول الست غازية لجوزها
الراجل عايز ملكة تملك قلبة وحياتة وشغفة
واحدة تخلية يحس انه اسعد واحد فى الدنيا
حتى لو مكنتش حلوة لكنها تخلية مايعوزش يبص برة
واحدة يأتمنها على بيتة وعيالة
واحدة تكون احسن منة ومتواضعة عنة بكل بساطة احنا عايزين ....ملكة

يا عيني ياعيني هيا دي الرجالة ولا بلاش يا حظ مراتك (او مراتك المستقبلية الله اعلم) بيك

[~eyo~]

ليه كتير من البنات بيتساهل ف امور الدين من اجل الدنيا ؟
ازاي يعني بصراحة انا مش فاهمة سؤالك كويس
وضح اكتر

[komyz]

اية فين الاسئلة ولا خلاص كلكو خوفتو ومش هتعملوها تانى
على العموم
سؤال
اذا كنتم يتقولو الرجالة بتضحك على قلوب الستات طب انتو بترضو لية ماتقوليليش بينضحك عليهم وعلى امل والكلام دة لان الكلام دة قدم ودلوقتى البنات بتعرف اكتر من الولاد
لية الواحدة تمشى مع واحد مع انها عارفة انة مستحيل يتجوزها وبليز متقولوش سذاجة وامل لان خلاص مبقاش فى حد عبيط
والكلام دة قدم؟؟؟؟؟؟؟؟؟؟؟

[!!silent]

انا بعتبر ده تخلف من البنات و مش بدافع اهه و لا بقف جون حتي
دي بنات عارفين ان الصبيان مش بيخبوا حاجه علي الشله و اكيد ناس كتير بتعرف
و بتتفضح و الولد مش فارق معاه حاجه لكن هيا ال هتسوء سمعتها و خلاص
طيب علي ايه هتموت لو استنت نصيبها مثلا
يا ريت البنات متعملش كده لانه و الله ضرر ليها بس

ليه بقيي الصبيان بيموتوا و يفرضوا شخصيتهم و عاملين كده الكينج في كل حاجه؟

[ابو تريكه]

ههههههههههههههه

فين الصبيان دول

مش شايفهم خالص

اكيد كل انسان فيه صفات وحشه

بس الذكى هو اللى يقدر يغير من نفسه للاحسن دايما

منوره يا نور

[عمري مات]

متهيئلي في بنات بتبقى عايزة تحس بالحب واو كلام المراهقة لأن البنت دايما" بتبقى محتاجة انها تحس بكيانها وانها مرغوبة ، ودة طبعا" غلط لأن الحب مش كلمة ممكن البنت تسمعها من واحد بيهديها بكلمة حلوة عشان يرضي غرورة كولد بوجودها الحب إنسان يخاف عليها ويحميها ولو هو فعلا" محتاجاها جنبة مش هيفضل يشوة سمعتها او يطلب منها حاجة بل العكس متهيئلي كان هيتوجة لبيتها عشان يطلب انها تكون الإنسانة ايلي يرتبط بيها بدون مايقعد يلف بيها شوارع القاهرة والمدن المجاورة ويقضي وقت يحس بية انه مهند !، بس للأسف البنات دلوقتي بقت بتفضل انها تكون لعبة ودة مش سذاجة لأن زي ماقولت ان مفيش بنت ساذجة في الزمن دة ودة شيء انا معترفة بية ومعاك مية المية لأن البنت مبتعملش غير ايلي هي فعلا" عايزاة وايلي يقول غير كدة كداب طبعا" ، ربنا يهدي بس