نقاش بين الشباب والبنات

[Ali Pharouq Najar]

لو تسمحيلى حضرتك
حياة الانسان على اختلاف جنسه .. مراحل
كل مرحلة ليها خصائصها و مميزاتها و طريقة للتعامل معاها
لو على سبيل المثال أخدنا مرحلة زى المراهقة
على اختلاف الجنسين
بتلاقى إن الولد بيحاول يلفت نظر الناس ليه و بخاصة لو كان
فى وسط الجمع ده بنات ف سنه أو حتى يعرفها أو حتى شافها قبل كده
نفس القصة بالظبط بتكون عند البنت
لإن حضرتك الرغبة فى الظهور و إثبات الذات و بخاصة فى وجود الجنس الاخر
من أهم ما يميز مرحلة المراهقة على اختلاف الجنسين
بس كل اللى بيختلف إن الأولاد بيكونوا أجرا شوية فى كل حاجة
حركاتهم ردود أفعالهم كلامهم ... دا حتى ف نظرات عيونهم
يعنى لو حضرتك كنتى موجودة ف مكان و فيه اتنين فى نفس المرحلة العمرية
على اختلاف الجنسين تقدرى تتأكدة من إن الولد بيحاول يلفت نظر البنت ليه
لكن هوا ميعرفش إن البنت نفسها مش محتاجة كل اللى بيعمله
لإنها برده بينتابها نفس الإحساس و يمكن أكتر شوية
لكن طبيعة البنت مبتسمحلهاش إنها تعمل الأفعال اللى بيقوم بيها الولد
و لإن ولادنا و الحمدلله و لا أعنى فئة الأولاد تحديدا و لكن اجمع بين الجنسين
الأن فى مرحلة تدهور تام فى كل حاجة ... أنا كنت أقرب مثال لحضرتك
لانه بقت القدوة عنده ... الأستاذ تامر حسنى .. والسلسة اللى كان لابسها فى الفيلم الجديد
و البنت طبعا كل أمالها ...يااااااه دى مى ف أخر فيلم ليها كانت لابسة حتة فستان ..
أنا طبعا أسف على الأسلوب دا فى الحوار لكن أقسم لحضرتك بالله
إن الكلام دا بيحصل و انا على احتكاك تام بيه و خصوصا فى الجامعات
شباب فقد تماما كل الاحساسات بأى مسؤلية
أصبح مجرد إنسان فارغ من الداخل يمشى و كل أماله
يجيب n97
ويشغل عليها أغنية من ألبوم حماقى الجديد
تلاقى الولد ماشى فى الشرع بيحب على نفسه
و طبعا السلسة بتاعت عمونا تامر ... ها
أتمنى أكون و صلت الرسالة لحضرتك
و أنا طبعا لما ضربت المثل على الولد
هسيب للى بعدى يضرب المثل للبنت
لإنى بصراحة مش هقدر أتكلم عنها
الشاهد فى الموضوع حضرتك
أن المسألة مش مسألة عربية و لا جاكت جلد
المسألة حضرتك فى شباب لا يعرف أى شيئ عن
أمور حياته ... شباب يعانى من انحدار عام فى الثقافة
و الأخلاق .... أنا هسيب الفرصى لحضرتك علشان
تعلقى على كلامى و ان طبعا مستنى لكن مش هرد
لإنى مسافر بعد صلاة الجمعة ....
فى حفظ الله

[~eyo~]

الولد بيحاول يلفت نظر البنت ليه
لكن هوا ميعرفش إن البنت نفسها مش محتاجة كل اللى بيعمله
لإنها برده بينتابها نفس الإحساس و يمكن أكتر شوية
لكن طبيعة البنت مبتسمحلهاش إنها تعمل الأفعال اللى بيقوم بيها الولد
ههههههههههههه
اعتقد ان عندك حق في الحته دي
شكرا على ردودك
وربنا يرجعك بالسلامة

[ابو احمد رزق]

السلام عليكم ورحمه الله وبركاته
موضوع شيق حقا
تسلم أختي آيه
علي الفكرة الجميله
ويسلموا أخواني جميعا
طبعا انا من فترة بعيد
ودي اول زيارة لي للموضوع
قرأت كثيرا منه
وليس كله طبعا
عموما اود ان اقول
بأن غلظة الرجل أو شدته
هذه من طبيعته الربانيه
لانه هو الراعي
كما اخبرنا رسولنا الحبيب
ولا بد له من حسم الامور
أما عن عند البنت
فهذا غير مستحب
في اختي ولا بنتي ولا زوجتي
فلماذا تتباهي كل منكم
بأنها عنيده؟؟
لكن سؤالي لكم يا بنات
بجد ومش تجريح
ليه في كثير من البنات
وليس كلهم قطعا
قل الحياء
صدقوني مش تجريح والله
وفيه بنات غايه الادب
وقمه الحياء والخجل
ولكن ظهرت طائفة كبيرة جدا
فاقدة لأجمل صفات المرأة
وهي الحياء
أسأل الله ان يزين نسائنا
بالحياء
وأن يملأ قلوبهم
بلإستحياء
آمين
وتقبلو مروري

[komyz]

ممكن اسال البنات سؤال
لية اى واحدة فيكم مهما كانت رافعة مناخيرها فى السماء يمكن نسبة 10% هما الى معتبرين نفسيهم ذى خلق الله
تلاقى الواحدة ميتبصلهاش وبتتكلم من طرف مناخيرها تحسسك انها ملكة جمال وتحسسك انها قرفانة ومطبقة وشها
للعلمم انا مش معقد ومبرميش بلايا على حد انا بتكلم بجد

[~eyo~]

بص يا عم كيمو اذا كان قاصدك ميتبصلهاش من نحيت شكلها فالكلام ده حرااااااااااااااام لان دي خلقت ربي واذا كان من اخلاقها او تصرفاتها فهي اللي غلطانة
بس انتوا مشكلتكم انكم بتحكموا بالاجماع
مش كل البنات اللي بيرفعوا راسهم في السماء عادة بتبقى البنت دي اصلا محدش بيبصلها
عشان كده عايزة تعمل لنفسها قيمة
بس كويس انكم بدأتوا تتحركوا وتسألوا

[~eyo~]

ولكن ظهرت طائفة كبيرة جدا
فاقدة لأجمل صفات المرأة
وهي الحياء
بصراحة يا ابو احمد انا مش هقدر ارد على السؤال ده لان الحمد الله انا اهم حاجة عندي واللي محبب الناس فيا هوا حيائي وبعدين لو البنت مش هتحافظ على حياءها يبقى مش هتحافظ على حجات كتير اولهم كرامتها وشكلها قدام الناس
بجد فعلا سؤال جامد وشكرا عليه وانا متفقه معاك

[عمري مات]

اولا " كلام الاستاذ ذا جوست فعلا" يعتبر نفس المبدأ ايلي انا اقصدة وهو جاوب بيلي فعلا" انا عارفاه بصفتي بنت جامعية ، انا شايفة ان الولد يقدر يلفت البنت باسلوبة مش بيلي يملكة او بصيحات الموضة ايلي اغلب الشباب بيستعينوا بيها ، بحترم جدا" وجهة نظر حضرتك بجد .

بالنسبة لأبو أحمد : على فكرة انت عندك حق فعلا" الزمن دة حياء فئة كبيرة من البنات بقى مختفي وبقت في بنات صوتها اعلى من صوت الشاب وحتى التصرفات المباحة ليها مع زمايلها انا بتخض منها ، بس على فكرة الغلط من الاهل والزمن ايلي خلى الاحترام بقى غرابة واستباحة كل حاجة واي حاجة على انها حرية وتحضر وهي في الحقيقة مالهاش صلة بيها خالص !!بل العكس !!، دلوقتي لما حد بيشوفني مكسوفة او عندي استحياء من اني اعمل حاجة بيقولولي اني خيبة ومن ايام الملك فؤاد حضرتك !!!!، اما بالنسبة للعناد فدة مش تباهي بص حضرتك انا مع ان البنت ميتفرضش عليها واقع بالعافية والاجبار ومفروض انها تنفذة بلانقاش لأن فعلا" في ناس بتعمل كدة وفي كمان رجالة بتحب التسلط وخلاص لأن الضغط يولد الانفجار ، لكن عند بلاسبب لاء طبعا" مهياش حرب وخلاص صح !

بالنسبة كموزي : مش عارفة الاسم كدة صح ولا لاء (^_^) ماعلينا !:
بالنسبة للبنت ايلي رافعه مراخيرها ايلي بتتكلم عليها فانا ليا تعليق ، بص انا بنت في وسط جامعي بس اعتبر مختلفة في اخلاقي وتفكيري شوية ودة اظاهر بالنسبة للناس حاجة غلط ، يعني انا مبحبش اختلط بالشباب بصراحة وكلامي كلة في حدود دراستي اوي وكل نشاطي من بيتي لجامعتي وفي الكلية من محاضرة للاب وعلى بيتي يعني من الاخر ماليش في اني العب باي شكل !، الولد بقى مبياخدش دة على انه احترام او كسوف بياخدها على انها شايفة نفسها عشان شكلها حلو او عشان متفوقة وبس !، طبعا" لأنه مستبعد ان في حد زيها يبقى في الزمن دة كدة الا اذا كانت مغرورة !، ايلي عايزة اقولة ان ساعات ممكن تشوف حاجة من برة وتاخد فكرة عنها وهي مش كدة وفي مثل بيقول (تعرف فلان اة اعرفه عاشرتة ..لاء ،تبقى متعرفوش !) ، متحكمش على حد غير لما تتكلم معاه او من موقفة واسلوبة مش من مجرد ماتشوفة وبس اما لو اتضح انها فعلا" مغرورة وبتتعامل من فوق فدي ممكن عندها نقص وعلى فكرة الموضوع دة في الجنسيين مش البنات بس وفي الولاد كتير كمان ولا انا غلطانه !.

سؤالي : لية مفيش ولد مخلص حتى ولو كانت الأنسانة ايلي مرتبط بيها ملكة فعلا" في كل حاجة بجد ؟؟؟

[komyz]

بالنسبة للسؤال انتى بتتكلمى فى ظواهر فردية فدة موجود فى الجنسيين ولاكن تعتمد على شخصية الفرد وتربيتة ونشأتة هى الى ممكن تخلية عينة ذايغة ودى ممكن تكون ضعف شخصية او عدم مرورة بخبرة عاطفية كبيرة قبل الارتباط
اما بالنسبة لموضوع الغرور فانا بتكلم على الغرور البيصيب البنت بعد ماتبص فى المراية كتير تحس انها مفيش منها
ياريت ياجماعةالى يسأل ميسألش فى اخلاق لان ضعفها للاسف بقى شئ منتشر بين الجنسين
سؤال للتى لاحياة بها ولاحياة بدونها .............طب نروح فين طيب
(بالنسبة لمواضيع الحب انتم دايما متقلبين يوم تبقى بتحبية ويوم تسيبية ويوم تحاولى ترجعيلة
طب سبتية لية من الاول الخوف من الجرح ادى لجرح اكبر )

[~eyo~]

دلوقتي لما حد بيشوفني مكسوفة او عندي استحياء من اني اعمل حاجة بيقولولي اني خيبة ومن ايام الملك فؤاد حضرتك !!!!
نفسي والله يا عمري شكلك نسخة طبق الاصل مني.
متحكمش على حد غير لما تتكلم معاه او من موقفة واسلوبة مش من مجرد ماتشوفة وبس اما لو اتضح انها فعلا" مغرورة وبتتعامل من فوق فدي ممكن عندها نقص وعلى فكرة الموضوع دة في الجنسيين مش البنات بس وفي الولاد كتير كمان ولا انا غلطانه !.
الله يخليلنا ردوك

الا صحيح انت اسمك ايه عشان نقولك بيه على كول لو مش عايزة تقولي طيب قولي لقب اقصر من عمري مات

[ابو تريكه]

منورين يا احلى اعضاء

مش كل البنات مغروره دى ترجع لشخصيه كل بنت

كمان ف بنات مش بتتكلم او بتخد جنب وده من حياءها البعض بيفتكر ده غرور او تكبر

لازم تحط ف الاعتبار ان البنات عندهم الحياء اعلى

حتى لو بتميل للشخص حتى متقدرش تعبر عن ده

انا بجد سعيد بيكم اوى ويارب كده مع بعض ع طوووووووووول