صعيدى انا ..... وافتخر

**لبنى مصر** · 27 - 2 - 2011, 08:33 PM

بسم الله الرحمن الرحيم

هذا ايضاح لكل الناس من هو الصعيدى فلا احد يعرفه على حقيقته فالصعيدى غير ما عرفتموه فى المسلسلات كما انه ليس هو الذى نضحك عليه ونسخر منه فى النكت الصعيد من الجيزه حتى اسوان اذا الصعيد هو جمال عبد الناصر ، انور السادات ، مجدى يعقوب ، نجيب محفوظ ، عبد الرحمن الابنودى ، محمد منير ، احمد حسن ، هشام الجخ ، محمد ابو تريكه ، شيكابالا واعذرونى اذا لم اذكر الباقيين فهم كثر

ارجو ممن يقراوا هذا الشعر ان يحاولوا بقدر الامكان القراءة باللهجه الصعيديه ليفهموا المقصود فانا كتبته باللهجه الصعيديه

انا الصعيدى .... وافتخر

قالوا عليا غبى ومبفهمش ، قالوا عليا غشيم غشامه
وقالوا كمان على لهجتى لهجه قاسيه ، ومفهاش رقى
وخاليه من اى ابتسامه
وانا بقولهم:
انا الصعيدى وافتخر كلى هيبه وشبعااااااان كرامة
كلمتى واحده ولو على رقبتى من وانا صغير طبعى الصرامه
مغدرش ابدا او اخون حد فى يوم مدلى ايده ، علمونى فى بلدى الشهامه
مليش فى اللوع راجل دغرى تبقى ايه حجتكم؟؟ معنديش وسامه؟؟!!

لو الوسامه بالهدوم تبقى وسامتى فى جلابيتى وعمتى
والهيبه بتظهر من الكلام وانا صعيدى تبقى هيبتى فى لهجتى
ولو الرجولة عندك معامله انا رجولتى هتبقى زايده
اصل رجولتى فى معاملتى وفى مشيتى
احميك فى دارى واكرمك ، وتتلسع بنارى
لو فكرت تكشف حرمتى
قولى انت يللى بتتكلم عليا وبتسخر من ضحكتى
انا ضحكتى ضحكة رجال ، ضحكة بجمال
والضحكة تبين مصريتى

اصل المصرى هو ابتسامة وكلمة حلوه واحساس رهيف
وانا احساسى مدارى ورا بسمتى ، مين اللى قلك انى قلبى كفيف
ودمعتى دايما حبساها قوتى ، صعب تنزل ومتنطش غير على خفيف
وثروتى هى كرامتى وعزتى ، وعهدى هو افضل طول عمرى راجل شريف

شعارى دايما فى الحياة انا الصعيدى وافتخر
مخى عمره ما كان مقفل انا اول حد ابتكر
قولى ليه ما الفراعنه هما الصعايده ركز كده وافتكر
قوى ومتين اقف فى وش الريح ماخافش ولو جه الطوفان
عمرى ما افر
كبير طول عمرى لكن بسمع الكلام من الكبير والصغير
ولما كانوا يقولولى فى الجيش انتشر
انا مصرى
انا صعيدى
انا جندى
يبقى لازم افتخر
وعمرى ابدا ما انكسر

ارجو ان تكونوا تعرفتوا على الصعيدى وان اكون وفيته حقه
ملاحظة (انا اصلا صعيديه فخدتنى الغيرة على اصلى)
(بقلمى)

**حرف مشتعل** · 27 - 2 - 2011, 08:43 PM

روعه فى حقه يقال ...قليل
وفى حق كاتبته... عليل
لا اجد بد من ارفع قبعتى تقديرا
وشكرا لهذه الانامل
التى ابدعت فصاغت
فحاكت حروفها
ايما نسيج
ودى وتراتيل وردى

**لبنى مصر** · 27 - 2 - 2011, 08:50 PM

انار وجودك صفحتى اختى حرف مشتعل وسعدت كثيرا بكلامك الرائع ودائما ما تسعدنى ردودك فلا تحرمينى من هذه السعاده
شكرا جزيلا لمرورك الكريم

**سعيد شكرى** · 28 - 2 - 2011, 11:41 AM

ليه صعيدى وليه سيناوى؟
ليه نقسم بعض يابا
كلنا من أصل واحد
أهلنا أصل الطيابة
واللى بيقول فلاحين
طاب يقولى هو مين؟
طين بلادى أو ترابها
تاج وعالى ع الجبين
................
لبنى
خربشة سريعة من وحى سطورك
مودتى

**لبنى مصر** · 28 - 2 - 2011, 12:28 PM

اسعدنى مرورك كثيرا اخى سعيد شكرى فبعد ان اقرا لك تقرا لى فهذا شرف لى ان الشاعر المحترف سعيد شكرى يتواجد فى صفحاتى
بس انا مكنتش بتكلم على الصعيدى بعينه انا بتكلم على اى شخص الناس بتشوفه على غير حقيقته وعشان انا صعيديه كتبت عشان اوضح للناس ان مفيش صعيدى غبى بوضح فكره مش بدافع وفى الاخر زى ما بتقول كلنا مصريين عشان كده مش عايزه مصرى يتكلم على مصرى زيه بكلام مش حقيقه
شكرا على مرورك الكريم

**سعيد شكرى** · 28 - 2 - 2011, 12:45 PM

على فكرة يا لبنى
أنا أقرأ كتير ليكى ولأعضاء أخرين فى المنتدى
بس مش دايما بقدر أرد على الموضوعات
والسبب إنى فعلا عندى مشكلة فى صياغة رد يناسب الموضوع
حتى فى الردود على موضوعاتى دايما عندى نفس المشكلة برغم إنى من 2004 فى المنتديات..
فرصة أعتذر للجميع وحضرتك منهم..
دا بعد إذنك طبعا
تحياتى وتقديرى

**لبنى مصر** · 28 - 2 - 2011, 01:10 PM

ههههه انا بردو احيانا مبلاقيش ردود بس هو يكفى انك تقول مشكور او سلمت يداك لو لقيت موضوع عجبك وده اسهل وابلغ رد عشان الاعضاء يحسو بتفاعل معاك ولا داعى للاعتذار فوجودك انار صفحاتى واتمنى ان تضىء دائما
لك وافر تحياتى وتقديرى
اختك لبنى

**لؤلؤة** · 28 - 2 - 2011, 01:17 PM

الله الله

حلو اوي

بجد ماشاء الله عليكي

اتمنى الكل يقرأه ويعرفوا حقيقة الصعايدة

انا بحب الصعايدة جدا واتعاملت مع ناس كتير من الصعيد

وبصراحة ارتحت جدا في التعامل معاهم.. كلامهم قليل ومفيد وموزون

دا غير ان طبع الرجولة والمروءة غالب جدا عليهم سواء رجال ام نساء

تسلم ايديكي يا سكرة

**لبنى مصر** · 28 - 2 - 2011, 01:23 PM

مرسى يا حبيبتى تسلمى على ردك الجميل ده ونورتى الموضوع انا اول مره اشوف رد ليكى على موضوعاتى فاتمنى الا يكون اخر رد
عايزه اقولك ان الصعايده كمان بيحبوكى
شكرا جزيلا لمرورك الكريم

**العاشقة المجروحة** · 28 - 2 - 2011, 02:00 PM

كلام جميل جدا وشعور راقى
وان كان الصعايدة متبهدلين فى النكت وطالع عينهم فمتزعليش دايما الناس الكويسة العين عليهم ولا ايه
وفى الاول والاخر كلنا اصلنا واحد تسلمى على موضوعك
دمتى بكل الود والتقدير

الموضوع: صعيدى انا ..... وافتخر

أدوات الموضوع

صعيدى انا ..... وافتخر

معلومات الموضوع

الأعضاء الذين يشاهدون هذا الموضوع

المواضيع المتشابهه

لؤلؤة الصعيد

ظاهرة الاخذ بالثأر فى صعيد مصر

بنت الصعيد

صعيدي يدور على شغل ههههههههههههههههه

رسالة من ابو هريدى فى المانيا لمراتة فى الصعيد

الكلمات الدلالية لهذا الموضوع

ضوابط المشاركة