:: رسالة للشباب .. ارحمونا بقى من فضلكوا ::

[Rosy magic]

السلام عليكم ورحمة الله وبركاته

اكيد استغربتم من العنوان ده بس دى فعلا رسالتى لكل الشباب ارحمو البنات بقى من المعاكسات

اولا :اللى بيقول ان البنات بتحب تتعاكس ده مش عارف حاجة يعنى انا كبنت اكره المعاكسات بحس ان انا بتعامل كمواطن درجة تانية..

طبعا مش كل الشباب بس أغلبيتهم العظمى

يعنى ببقى ماشية فى الشارع مش واخدة راحتى وياسلام لو فى تجمعات شباب بقى يا سلام الواحد يبقى ماشى فى نص هدومه مش عارف يعمل ايه بجد بقت فوبيا عندى

وقبل ماتقولو ان انا بكبر الموضوع:
انا عشان انزل اشترى شوية طلبات للبيت لازم اتعرض لكلام وسخف واستظراف .ده غير بقى اللى بيقول يا بت يعنى حتى مش بيعاكس بادب
يعنى واحد يقف يتفرج عالبنت من فوق لتحت كدة بكل بجاحة

ده غير بقى الالفاظ البذيئة والشتايم-لا مجال لذكر بعض الامثلة-

يا شباب بجد ارحمونااااااا بقى عشان مفيش حد فيكو ممكن يتخيل انه يتعرض للخوف والمضايقات دى بجد
وبعدين اللى بيقول احنا مش بنعاكس البنات المحترمة يبقى بيتحجج ده والله حتى المنقبات بيتعاكسو وبعدين هو انت لو عاكست بنت لابسة خليع هتروح تلبس الحجاب يعنى جرى؟وبعدين هو يعرف منين البنت محترمة ولا لا حتى لو مش عاجبك طريقة لبسها

حقيقي أنا يوم الجمعة دة مشكلة بالنسبالي وغيره برده ( اليوم دة مقدرش اروح الدرس لوحدي من غير بابا )


يا جماعة اى واحد فاكر ان دى رجولة يبقى غلطان اوى اوى الرجولة ان انت تحافظ على اى بنت زى اختك يعنى لما تلاقى حد بيكلمها انت اللى تداافع عنها-شباب اليومين دول عادى بنت تتهزا ولا تتضرب قدامه من واحد غريب ميتحركش من مكانه-ياريت اسمع ارائكو

[Rosy magic]

انتو فين .... يلا عايزة رأي كل الأطراف المعنية ...

[ELKHWAGA]

شكرا ليكى يا روزى على موضوعك الجميل ده بس على فكرة مش كل الشباب صدقينى وحشين تسلمى يا قمر

[Rosy magic]

شكرا ليكى يا روزى على موضوعك الجميل ده بس على فكرة مش كل الشباب صدقينى وحشين تسلمى يا قمر

تسلم للمرور ...

وانا عارفة انو مش كلهم ...

بس أغلبيتهم ...

[Essam Net]

بصى يا روز ... اولا بس علشان انا بضايق من موضوع المعاكسات ده ..
وبيخدوا الشباب كلهم العاطل بالباطل .. يعنى اللى بيعاكس واللى ما بيعكسش ..


اولا البنت هى اللى تقدر تجبر الولد على الاحترام ..
يعنى فى ايد كل بنت انها تجبر الناس على احترامها ليها ..


انما مش عايزه بقى البت تمشى بلبس مش قد كدهـ وعامله
فيها محترمه ومش عايزه تتعاكس ..
تيجى ازاى لما كل الناس هتبصلكـ بصه مش قد كده ..

دا كلامى .. ومعناه بالمختصر ..

../// البنت هى اللى بتجير الشاب سواء على الاحترام او المعاكسه \\\..

يلا سلامات ..

[Rosy magic]

بصى يا روز ... اولا بس علشان انا بضايق من موضوع المعاكسات ده ..
وبيخدوا الشباب كلهم العاطل بالباطل .. يعنى اللى بيعاكس واللى ما بيعكسش ..


اولا البنت هى اللى تقدر تجبر الولد على الاحترام ..
يعنى فى ايد كل بنت انها تجبر الناس على احترامها ليها ..


انما مش عايزه بقى البت تمشى بلبس مش قد كدهـ وعامله
فيها محترمه ومش عايزه تتعاكس ..
تيجى ازاى لما كل الناس هتبصلكـ بصه مش قد كده ..

دا كلامى .. ومعناه بالمختصر ..

../// البنت هى اللى بتجير الشاب سواء على الاحترام او المعاكسه \\\..

يلا سلامات ..

لو خدت بالك ناس منقبات ومحترمة جدا وبتتعاكس ....

بتكلم على الناس الي علطول علطول كويس مش كويس ...

و تقريبا نصهم فاضي وموراهوش حاجة ...

تسلم للمرور والمناقشة ..

[Essam Net]

مين قال ان المنقبات بتتعاكس ..
بالعكس اكتر واحده محترمه والناس تحترمها جدا .. وانا بشوف دا بعينى .. وانا شاب م الشباب
ومش كمان المنقبات وبس دا كمان البنات المحجبه .. ليها احترام ..
انما اللى بقى لبسه بنطون جينز وضيق وماشيه تترقص فى الشارع .. عايزاها ما تتعاكيش ازاى .. ؟

تعرفى يا روز انا اول ما شوفت العنوان .. تلقائى روحت قايل ..
هو مين اللى يرحم مين .. مبقتش عارف والله ..

[Rosy magic]

مين قال ان المنقبات بتتعاكس ..
بالعكس اكتر واحده محترمه والناس تحترمها جدا .. وانا بشوف دا بعينى .. وانا شاب م الشباب
ومش كمان المنقبات وبس دا كمان البنات المحجبه .. ليها احترام ..
انما اللى بقى لبسه بنطون جينز وضيق وماشيه تترقص فى الشارع .. عايزاها ما تتعاكيش ازاى .. ؟

تعرفى يا روز انا اول ما شوفت العنوان .. تلقائى روحت قايل ..
هو مين اللى يرحم مين .. مبقتش عارف والله ..

طيب سيبك من الي لابسين الحاجات دي وغيرهم ...

تسمي ايه ؟؟ اختي الي في رابعة ابتدائي بتتعاكس في الشارع ... ومتقوليش يعني البنت الصغيرة لبسها عباية ... وبرده مش لابسة وحش ... يعني حتى العيال ...

ووالله والله المنتقبات بيتعاكسو ...

وخصوصا لو معدي من قدام كلية ولا حاجة ...

[Essam Net]

طيب سيبك من الي لابسين الحاجات دي وغيرهم ...

اشمعنى دلوقتى اسبنى من دوول .. علشان عرفتى انهم هما السبب فى اللى بيحصلهم

والله والله يا روز المحترم محترم فى اى مكان وليه احترامه الخاص ..
مش هقول غير كدهـ ..

[Rosy magic]

اشمعنى دلوقتى اسبنى من دوول .. علشان عرفتى انهم هما السبب فى اللى بيحصلهم
والله والله يا روز المحترممحترم فى اى مكان وليه احترامه الخاص ..
مش هقول غير كدهـ ..

لا منا عديتها علشان مش عارفة اوصلك الفكرة ازاي ..

في فعلا ناس محترمة جدا وبنات في كليات وثانوي ...

يمكن انا معنديش نظر ولا حاجة ...

بس ساعات لما بابا بييجي معايا بنستغرب بيتعاكسو ليه ...

وبنقول شباب فاضي ...

لو راي تاني قولو ... وانا متاكدة انك شفت ولو مرة بنت محترمة وبتتعاكس