:: رسالة للشباب .. ارحمونا بقى من فضلكوا ::

[Essam Net]

تقريبا انا عايشة لوحدي صح؟؟؟

ايوه انتى عايشه لوحدكـ فى ارائكـ فى كلامكـ بتخدى الكلام اللى ينفع يترد عليه وبتسيبى الكلام الصح
وفى اراء ما بتقرايهاش كويس .. معلش ما تزعليش منى روز
مش معقول كل الناس اللى بتكلمك دى هما اللى غلط وانتى اللى صح ..

[شيخ البلد]

معلش بقى يا روزا الخبرات تفرق يا اختنا العزيزة و احنا كمان بنمشى فى الشارع وبنشوف فى القاهرة الكبرى فعلاً محدش فاضى يعاكس حد و حدانا فى بلدنا معندناش الكلام الفاضى دة ( المنصورة - وبنات المنصورة ) احم احم و بعـــــدين
المهم يعن قصدى و حدة مشية فى الشارع الساعة 11 بليل و لبسة الحتة إللى على الحبل اية إللى ممشيها فى الشارع دلوقتى ؟؟ فى شباب كتير محترمين و كل المحترمين بيكون موجدين على مصراوى كافية انما إللى مش محترمين إللى مش مشتركين فى مصراوى كافية هما دول إللى بيعكسو البنات ...... والله على ما بشوف لسة فى خير فى الدنيا .. و ربنا يحميكى ويحمينا

[MoOoRa]

يا جماعه احنا مش عاوزين الموضوع يخرج عن حدود النطاق بتاعه

ياريت ننهي الحوار ده بالكلام الجميل

وخلاص

[Rosy magic]

ايوه انتى عايشه لوحدكـ فى ارائكـ فى كلامكـ بتخدى الكلام اللى ينفع يترد عليه وبتسيبى الكلام الصح
وفى اراء ما بتقرايهاش كويس .. معلش ما تزعليش منى روز
مش معقول كل الناس اللى بتكلمك دى هما اللى غلط وانتى اللى صح ..

تعرف .. ساعات لما بتبقا برده في حاجة في كلامك صح ... بتبقا صعبة ..

واما بردو ببقا بشرح لوحدي مشكلة ...

وممكن بردو مش عارفة أوصل وجهة نظري صح ...

أو كلامك صح بردو ...
في مواقف فعلا مش عايزة أحكيها

أو بمعنى اصح متنفعش تتحكي ...

والي بيدخل الموضوع آخد بالو من المعاكسات اللفظية بس مش التصرفات ..

شوف واعتبر نفسك مكان البنت .... هتقول ايه ..

وإذا عايزين تنهوا الموضوع مفيش مشكلة ....
عمرو هيموت ونخلص القصة دي

الخلاصة ...
حط نفسك مكانا ...

[AhMeD El-Za3eEm]

أوكي ماشي ولو هما فيهم كل الصفات دي ...
كان الولد عارف هي كدة ولا لأ ؟؟ محدش يقول من طريقة مشيها ولا كلامها ... وبعدين مش برده الولاد بيعملوا حاجات تخلي البنات يجولهم ويكلموهم ... مش البنت الي بتشد الولد وتقولوا عاكسني ...
انت لما تعاكس واحدة ( قليلة الذوق تمام ) كدة مش هيخليها تتعدل يعني ...
بل بالعكس هتستلطفها ...
لكن لو معبرتهاش من أصلو هتحس انو غلط ....
على اعتبار مثلا ان البنات دي مبتحسش ....
بردو إيه يحصل ، وبعدين لما تشوف بنت مش تمام يعني خلاص الدنيا هتطير لو معاكستهاش !!!
مش مبرر ...
وأنا مبقولش الولاد غلط غلط ... طبعا البنات ليه النص بالنص ....
بس لو أخدت بالك انا بقول بقا كلو زي بعضو محترم مش محترم ...
لو كنت مكان اي بنت ... هتحس منظرك أد ايه بيبقا سخييييف في الشارع ...
دة لو حد شاف مجموعة بنات ماشية في الشارع مع بعض ومحترمة هيقولك ايه قلة الأدب دي بيتمشوا في الشارع ... ويطلع اي غلطة وخلاص ..

بصي انا لاحظت انها لتاني مرة بتركزي علي نقطة بس و تسيبي كل النقاط التانية
بس الأول ياريت تجاوبي سؤالي المرة دي
إنتي بتفكري بقلبك و لا بعقلك دلوقتي ؟!!


بصي يا روزي انا السبب الوحيد اني استمر في الرد عليكي حاجة واحدة
يا إيما انتي تفهميني وجهه نظرك أو العكس أفهمك انا وجه نظرك
أعتقد إنك فهمتي و جهه نظري و أنا دلوقتي أهو فهمت وجهه نظرك
إنتي سألتي سؤال .. لما تتعاكس بنت حيخليها كدا تتعدل ؟!

أجاوبك انا بقي .. اه حتتعدل لأنها لو محترمة حتراجع نفسها
لو في حاجة بدرت عنها عشان ميحصلهاش كدا و زي ما قالت الأخت شمس بالضبط

يابنتي احترم تحترم مش كل واحدة ماشية في الشارع حتتعاكس اكيد لي لفتت ليها الانظار مهو بالعقل كده ازاي واحدة منقبة او محتجبة يعني الحمد لله محترمة حتتعاكس حتى لو كان صايع او عواطلي مش ممكن يعاكسها ومش ممكن يبص ناحيتها لانها ماشية بما يرضي الله وبيني وبينك مفيش واحد مهما كانت قدرتو على المقاومة مش ممكن يشوف واحدة ماشية في الشارع وهي عاملة منكر في لبسها او في طريقة مشيها ويمنع نفسو انو يعاكسها ان شلى بنص كلمة يا بنتي البنت هي المسؤولة ولازم تاخد بالها من تصرفاتها موضوع فعلا عاوز مناقشة

أما لو بنت بقي فرحانه فأعتقد انها حتبقي مبسوطة بالمعاكسة أنا معاكي
و لو الشباب حيبطل معاكسة .. قالي يعني هي حتبطل اللي بتعمله دا
زي ما قال عمرو كدا

لأ طبعا بالعكس ابسروتلي على رأي اللمبي

بالعكس حتزود فيها .. مادام هي شايفه ان كدا طبيعي و محدش بيقولها حاجة
و دا تبقي غلط في غلط

و لأ الولد مش حيكسب حاجة غير انه ارضي اشباعه انه عمل حاجة
و طبعا دا غلط في غلط برضه و زي ما قال شيخ البلد

ليه مكنشى انا بقى بحترم نفسى و اغض بصرى و احفظ لسانى ؟؟ اعتقد ان مهما كانت هى متحررها فأحنا كشباب و رجالة لازم نكون محترمين

الشاب علي قد ما يقدر يحترم نفسه .. بس برضه البنت تتهد بقي شوية
عشان المعاكسة دي زي الميزان .. عشان يبقي فيه توازن لازم الاتنين
يعملوا الي عليهم علي قد ما يقدروا عشان كفة الميزان ترجع للتوازن

و بالنسبة للنقطة شلة البنات .. يعني هما شلة البنات بيبقوا ماشيين في الشارع ساكتين
ما هما بيبقوا يضحكوا بصوت عالي هزار و كلام كدا
عموما لو شلة البنات ماشيين في أمان الله و جاء واحد و قال عليهم كلمة
يبقي انسان تافهه .. بس برضه انتي مصرة علي رأيك مش عارف ليه

و أحب قبل ما أختم أضيف كلام شيخ البلد

معلش بقى يا روزا الخبرات تفرق يا اختنا العزيزة و احنا كمان بنمشى فى الشارع وبنشوف فى القاهرة الكبرى فعلاً محدش فاضى يعاكس حد و بعدين و حدة مشية فى الشارع الساعة 10 بليل و لبسة الحتة إللى على الحبل لية ؟؟ فى شباب كتير محترمين و كل المحترمين بيكون موجدين على مصراوى كافية انما إللى مش محترمين إللى مش مشتركين فى مصراوى كافية هما دول إللى بيعكسو البنات ......

و علي رأي عمرو كدا الموضوع حيكبر مننا
و مش حنعرف نلمه و كفاية حلو أوي شوية النقاش اللي اتناقشناه دا


الموضوع حأسيبه لو حد عايز يكمل نقاش
بس لو زاد الموضوع عن كدا حأضطر أقفلة

[شيخ البلد]

انا لو مكان البنت هبصلة و اقلة حرام عليك يا قليل الادب معندكش اخوات بلستك يا ســم واطلعلة لسانى وامشى اطمختر ههههههههههههههههههه
روزا اختنا الصغير الرقيقة الجميلة يمكن رقتك و طيبتك بيخليكى تشوفى الموضوع اكبر واوسع مما هو علية ر بنا يحكميك من الايام يارب و طبعاً كلنا اخوات و بتناقش و اول مرة اشوف موضوع 6 اعضاء موجدين علية مرة وحدة .... دا دليل على حساسيت الموضوع ...
تقبلى مرورى و اخوانك فى اسرة مصراوى كافية

[MoOoRa]

الموضوع حأسيبه لو حد عايز يكمل نقاش
بس لو زاد الموضوع عن كدا حأضطر أقفلة

اظن كده الصورة واضحه للكل

[Essam Net]

شوف واعتبر نفسك مكان البنت .... هتقول ايه ..

وإذا عايزين تنهوا الموضوع مفيش مشكلة ....
عمرو هيموت ونخلص القصة دي

الخلاصة ...
حط نفسك مكانا ...

والله انا لو مكان البنت مش هدى الفرصه لشاب انوا يعاكسنى .. او يتكلم معايا كلمه ..
لانى انا اللى هجبره على الادب واحترام نفسه ..

والموضوع مفهوش حاجه علشان ينتهى .. بس كلنا عايزين نوصلكـ الفكره الصح ..
بس انتى فعلا مدام انتى مقتنعه بحاجه يبقى خلاص هى هى الحكايه .. سواء اتكلمنا فيها او ما اتكلمناش ..

[Rosy magic]

انا لو مكان البنت هبصلة و اقلة حرام عليك يا قليل الادب معندكش اخوات بلستك يا ســم واطلعلة لسانى وامشى اطمختر ههههههههههههههههههه

هههههههه مهو دة من الحاجات الغلط في البنات برده ...

بتزودها معاه ...

روزا اختنا الصغير الرقيقة الجميلة يمكن رقتك و طيبتك بيخليكى تشوفى الموضوع اكبر واوسع مما هو علية ر بنا يحكميك من الايام يارب و طبعاً كلنا اخوات و بتناقش

احتمال برده .... ميرسي يا شيخنا

ومتشكرة يا جماعة لمناقشتكم وتفهمكم الموضوع

ريلاكس شوية بقا

وهدوا أعصابكم مش عايزاها خناقة أوك

دمتم بود

[MoOoRa]

ومتشكرة يا جماعة لمناقشتكم وتفهمكم الموضوع

ريلاكس شوية بقا ههه

دمتم بود

ايه رأيك يا زعيم في الكلام ده
ههههه