۩~ اللـعــــــب مع الكبــــــــــــــار ~۩

[Hooba]

السؤال الأول: التعبير

اكتب ما لا يقلعن 650 سطر فى أحد الموضوعات التالية
لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة

شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز
بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب

السؤال الثانى : القصة

من قصة ' وعهد الله ما انت داخل الانتخابات' ..
اقرأ ثم أجب
ثم أتى إليه وضربه بالجزمة وقال: انت عايز تترشح فى الانتخابات يا معفن؟؟ دا إنت عايز معجزة..مش كفاية بتاكلوا لحمة ومستورين.. عايزين إيه تانى ؟

ما هى اللحمة ؟ أو على الأقل حدد أقرب معنى خيالى لها

مرادف معجزة فى اللغة ( تغيير وزارى – زيادة المرتبات – رغيف العيش) اختر يا عم الناصح

لماذ ضربه الرجل بالجزمة وليس بالعصى مثلا ؟؟ أهو كسل .. لسة هيرفع العصاية؟-عشان العصاية قلة قيمة برضه واحنا فى عصر الديمقراطية– عشان العصاية شغالة مع واحد تانى.. افهم انت بقى
اختر وخد بالك عشان ما تنربشي علي قفاااك

حلل بمزيد من التفصيل جملة ضربه بالجزمة ومدىتوافقها
مع جملة مصر بتتقدم بينا

السؤال الثالث : القراءة

من موضوع ( الزعيم..والفنان.. والقدوة) اقرأ ثم أجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليسسياسيا الخبر حقيقى كما أنه يرحب بالتوريث ومقتنع بكل سياسات الحكومة

فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن ؟؟

ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة واقفه بكام فى الفيلم ؟؟

دخل كاتب هذه السطورمسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

أكيد معزوم – طبيعى معزوم – وربنا معزوم..
اختر على أن تضع إيدك على المصحف وانت بتحلف للمراقب بتاع اللجنة
السؤال الرابع : النصوص

أجب عن أحد النصين الآتيين

من نص ( ماشربتش من نيلها )..اقرأ ثم أجب
ماشربتش من نيلها.. جربت تغنى لها.. جربت فى عز ما تحزن تمشى في شـوارعها وتشكى لها ؟

بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فىالنص؟

المسيسبى- الأمازون – يونج يانج

هذا النص من نصوص الحزبالوطنى والدليل وجود اسم مهم من قيادات الحزب فى النص.استخرج الاسم..وبوسو من بُقـُّه ورجَّعُه مكانه

أكمل الأبيات إلى آخر كحكة فى الكليب

قوبل النص بانتقادات بسبببعده عن الواقع..وضح من النص ما يتفق مع القول المأثور اطبخى ياجارية ..كلف ياسيدى

من نص (حين ميسرة)..أجب عنالآتى

اذكر اسم مصيبة واحدة محصلتش فى النص الأسود ده

وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى

سبب وجود الشرطة كل خمسدقائق فى النص

موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص
اختر
السؤال الخامس : النحو

أعرب ما تحته خط.. لومالقيتش القطعة أصلا ..اتصرف

ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا يا كلب

كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده

فُرِضت الضرائب علينا ببشاعة ..أعرب الجملة .. وارفع الضرائب أبوسإيدك
السؤال السادس : الخط

كوز المحبة انخرم .. طرطش على كمى .. يا حبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط .. موبينيل وفودافون واتصالات .. كما يمكن التحويل من خط لخط بنفس الرقم .. فقط اتصل بخدمة العملاء

آدي دقني لو حد نجح

Hooba

[Rosy magic]

ميرسي يا هوبا على الموضوع ...

بس للأسف مكرر ....

https://forum.masrawycafe.net/showthread.php?t=9209

[Hooba]

سووري مكنتش اعرف ... يا ريت حد من المشرفين يحذفه

[Essam Net]

هنا التنسيق احلى يا هوبا ..
موضوع جميل بس تعرف اللى كتبه بيفكرنى بايه ... بالجمله اللى بتقول ..

لا تحسبوا رقصى بينكم طرباً .. فالطير يرقص مذبوحاً من الاعناقىِ

يعنى بيقول الكلام دا من غلبوا .. مواطن بسيط .. محدود دخل بسيط ..
مش قادر يشكى همومه .. علشان كده بيقولها ويضحك على نفسوا ..
شكراً هوبا ..

[Rosy magic]

بيفكرنى بايه ... بالجمله اللى بتقول ..


لا تحسبوا رقصى بينكم طرباً .. فالطير يرقص مذبوحاً من الاعناقىِ

يعنى بيقول الكلام دا من غلبوا .. مواطن بسيط .. محدود دخل بسيط ..
مش قادر يشكى همومه .. علشان كده بيقولها ويضحك على نفسوا ..
شكراً هوبا ..

عجبتني الحتة دي ... عندك حق

[Hooba]

بجد ألف ألف شكر يا روزي ويا عصام ... فعلا كلام في الجون يعني ...
وفعلا انا اكتشفت ان التوبيك بتاعي تنسيقه أحلي ... دا انا طلعت بفهم في التنسيق اهو وانا مش واخد بالي
تحياتي لكم .. ولكل الشرفاء أمثالكم

[ELKHWAGA]

شكرااا ليك هوبا على موضوعك الحلو ده

[بسام الصواف]

تسلم يا برنس على الموضوع الجامد جدا ده اول مرة اضحك على البلد كدة ( طبعا ده من غلبى ) عامة تسلم
من الغردقة المحتلـــــــــــــــــــ ــــــــة
محمود فخر الدين ( بسام الصواف )
انا بس كنت عاوز اعرف اسمك الحقيقى ( اهو نتعرف)

[Hooba]

أنا إسمي ايهاب يا فندم ... ويسعدني ويشرفني إننا نكون أصدقاء..
والف الف شكر علي زيارتك للتوبيك وتسلم لنا يا باشا

[ابو نسيم]

الف شكر على الكلام الغالى ده ونرجو المزيد علشان الواحد يذاكر كويس وينجح