حاجات تجيب الشلل الرباعى والخماسى

[n2n6]

بنتعرض ليها كل يوم من كل الناس

خلـونـــا نشــوف أمثلة

أنت في أوضتك .. على السرير وطافي النور ومتغطي ...
يجي أخوك الظريف ويفتح الباب عليك ويقول : ايه ياد انت هتنام ولا ايه ؟
(( أظن ده مش وضع الرقص !!! واضح ان انا هنام ))

*************** ****

أنتم معزومين عند ناس ورحتو لبيتهم وأول ما فتحولكوا الباب يقول
ابنهم الصغير " انتوا جيتــوااااااااا ااااااا

(( لا لسه ))

*************** *****

والعكس : أنت لابس هدومك و متأنتك و على سنجه عشره وريحة البارفان
واصله لاخر الشارع .. وخلاص بتفتح باب الشقه,, يجي حد من أهلك وينادي
بصوت عالي : انت خااااارج ولا اييييييييي يه

(( !!! لاء دانا لسه راجع ))
*************** ******
أو مثلا راكب العربيه ودورتها وخلاص هتطلع ... يجيلك لك البواب
ويخبطلك على الزجاج,, أنت بكل ذوق تفتح الزجاج وتقوله : خير في حاجه؟
يقولك : انت رايح الشغل يابيه ؟

(( لا العربيه واحشاني ))

*************** ***
>>

مثلا ماسك سماعه التلفون وقاعد تضغط الارقام يجي حد من أهلك ويقولك
: انت هتتكلم في التليفون ؟

(( لا أبتفرج عليه ,, أكيد بتكلم ))
*************** ***
مثلا : ماسك مذكرة أو كتاب وقاعد تحفظ ومتحمس (أول مره بقى ) .. جه حد
وقالك :هاه قاعد تذاكر ؟
(( تقوم رامي الكتاب و تقوله لااااااااء ))

*************** **
ربنا هاديك كده ... ماسك سبحه و عمال تسبح ، يجي حد من البيت يعدي
عليك ويقول :هوه انت بتسبح
(( لاء هفرطها و أسلقها ))
*************** **
ولا تعالــو شوفو قنواتنا واسئلتهم البديهيه البايخه

برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب
الاغنيّة ديه ولا ايه ؟

(( لاء طالبها اخنق على نفسي))

*************** **
أو مثلا في العيد
المذيع : هههههه هههههههه هههههه نتعرف بيك
االمواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه و
قرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير ..

(( أكيد يعني مش هيقولهم البقاء لله ))

*************** **
,,,المذيعه الرخمه : وياترى بقى هتعملوا ايه العيد ده هتقضوه ازاي ؟
اكيد بيبقى زيارات الأهل و الصحاب و تخرجوا تشوفوا مظاهر العيد في
الشوارع و تفسحوا أولادكم ونتصل بالمعارف نعيد عليهم و نقولهم كل سنه
و انتوا طيبين

وربنا يرحمنا من الشلل دا فية حجات تفقع المرارة

[شيخ البلد]

الموضوع جميل جداً n2n6 هو انتى إللى حطاه هنا ولا اية ؟؟!!!!!!!!
تسلم الايادى وفى انتظار المزيد

[العوامى]

ربنا مايوعدنا بفقع المرارة


تسلم ايديكـ
نانى

[MoOoRa]

هههههههههههههه

حلوة قوي الحركات دي

ودمها خفيف بس هو انتي هتردي علينا

[ELKHWAGA]

شكرا على الموضوع الجميل ده وتسلم الايادى

[طيف عابر]

فعلا اسئله ترفع الضغط وتجيب شلل ومعظمها فعلا بنتعرض لها
تسلمى يا قمرررر

[Essam Net]

حلوه يا نانى .. تسلم ايدكـ.. وفعلا حاجات غريبه اوى ..
وخصوصاً بتاعت انت جيت دى .. بتحصل كتير ..

[n2n6]

الموضوع جميل جداً n2n6 هو انتى إللى حطاه هنا ولا اية ؟؟!!!!!!!!
تسلم الايادى وفى انتظار المزيد

تمام انا الى حطاها هنا يا شيخ البلد وتسلم على المرور

[n2n6]

فعلا اسئله ترفع الضغط وتجيب شلل ومعظمها فعلا بنتعرض لها
تسلمى يا قمرررر

والله مفيش قمر غيرك انتى فى المنتدى

[n2n6]

حلوه يا نانى .. تسلم ايدكـ.. وفعلا حاجات غريبه اوى ..


وخصوصاً بتاعت انت جيت دى .. بتحصل كتير ..

لالا مش مصداقة عصام كلة عندى فى الموضوع بتاعى لا فعلا مش مصداقة ومش عرفة ارد اقولك اية