انا ضد الثورة.........

[Serag Magdy]

نعم أنا ضد الثورة اذا كان شبابها يرفضون مبدأ الحوار و يصرون على تفردهم بالرأى الصحيح
نعم أنا ضد الثورة التى تعلق المشانق و تدق طبول الحرب لكل من خالفها فى الرأى
نعم أنا ضد الثورة التى يسمونها بيضاء و هى من صنعت قوائم سوداء لكل منتقديها
نعم أنا ضد الثورة التى خرجت من أجل الحرية و الآن تقضى على كل صور الحرية
نعم أنا ضد الثورة اذا خرجت تنادى بالديمقراطية لتطبق علينا كل أشكال الديكتاتورية
نعم أنا ضد الثورة التى يخرج قائدها باكيا على الشهداء ، ثم يتحزم و يرقص فى اليوم التالى
نعم أنا ضد الثورة التى تسب الرئيس بأقذع الألفاظ بعد ان نزل عن جواده و ترك ميدان المعركة
نعم أنا ضد الثورة اذا ارادت تزوير التاريخ و تدمير أى انجاز للرئيس حتى الضربة الجوية
نعم أنا ضد الثورة التى ترفض أن يخرج متعاطفون مع الرئيس لم يطلبوا غير أن يودعوه
نعم أنا ضد الثورة التى تطالب باقالة أحمد شفيق بدون سبب الا انه من تعيين الرئيس
نعم أنا ضد الثورة اذا باتت تريد أن تسقط حكومة كل يوم على طريقة عصر الملكية
نعم أنا ضد الثورة التى تردد كلاما لا تفهمه مثل ائتلافية و انتقالية و تكنوقراط
نعم أنا ضد الثورة اذا تحدثت باستعلاء و غطرسة و انحدار فى لغة الحوار
نعم أنا ضد الثورة التى يركب الجميع موجتها و يغير جلده فى لحظات
نعم أنا ضد الثورة التى تجعل ممن ساندها لايام بطلا بعد أن قضى عمره نفاقا
نعم أنا ضد الثورة اذا تحولت الى مطالب فئوية تطلب حقها و تنسى حق عملها عليها
نعم أنا ضد الثورة اذا استخدمها السلفيون لنشر افكارهم و استعادة جهادهم
نعم أنا ضد الثورة اذا أتاحت للاخوان تأسيس حزب دينى يعادى كل من ليس من دينهم
نعم أنا ضد الثورة التى تأتى بالقرضاوى يوم نصرها يدعو لفتح المعابر لحماس
نعم أنا ضد الثورة التى يشعلها الحماس فقط و لا يحكمها العقل و المنطق
نعم أنا ضد الثورة عندما يخرج شبابها يوم الجمعة فقط للعمل بمبدأ ربنا ما يقطعلنا عادة
نعم أنا ضد الثورة التى لا تنتهى جمعاتها من جمعة الغضب للزحف للنصر للتطهير
نعم أنا ضد الثورة التى كنت معها يوما ما.. فلا تجعلوا مصر كلها ضدها فى يوم آخر
نعم انا ضد الثورة التي ذهبت بديكتاتور وجاءت بمليون
مــــنــ//!\\ــــقــــولــ

[لبنى مصر]

موضوع جميل يا سراج تسلم ايديك واهم حاجه اللى انت ذكرتها رفض الحوار من اى شخص ضد ارائهم فهم من طالبوا بالحريه الان يريدو ان يسجنوها بس مع اعتراضى فى كلمة انا ضد الثوره لان الثوره ملهاش علاقه هما بعض الناس اللى بيشوهوا للاسف صورة الثوره بس شباب الثوره الحقيقى اجمل شباب فى العالم اللى خلو اوباما يتمنى ان الشباب الامريكى يتعلم من الشباب المصرى وخلت بريطانيا نفسها تدرس الثورة المصريه فى مناهجها عشان تتعلم منها
شكرا جزيلا لك وافر تحياتى وتقديرى
اختك لبنى

[محمود سمير]

ازيك ياسراج اتمنى تكون فرصة سعيدة انى اعلق على التوبك الاكثر من رائع وعايز اقولك فعلا انا ضد الثورة اذا كانت بالشكل ده

[Serag Magdy]

موضوع جميل يا سراج تسلم ايديك واهم حاجه اللى انت ذكرتها رفض الحوار من اى شخص ضد ارائهم فهم من طالبوا بالحريه الان يريدو ان يسجنوها بس مع اعتراضى فى كلمة انا ضد الثوره لان الثوره ملهاش علاقه هما بعض الناس اللى بيشوهوا للاسف صورة الثوره بس شباب الثوره الحقيقى اجمل شباب فى العالم اللى خلو اوباما يتمنى ان الشباب الامريكى يتعلم من الشباب المصرى وخلت بريطانيا نفسها تدرس الثورة المصريه فى مناهجها عشان تتعلم منها
شكرا جزيلا لك وافر تحياتى وتقديرى
اختك لبنى

والله يا لبني الواحد ما عارف يقول ايه؟
بس الثورة رغم كل المميزات اللي كانت فيها في الاول بدأت تاخد منحني غريب جداً
وتحس انه فعلا في ايد خفية
ربنا يعدي مصر من اليومين دول علي خير
تسلمي لمرورك

[Serag Magdy]

ازيك ياسراج اتمنى تكون فرصة سعيدة انى اعلق على التوبك الاكثر من رائع وعايز اقولك فعلا انا ضد الثورة اذا كانت بالشكل ده

انت نورت الثيرد يا معلم
بس باذن الله كل شئ ها يرجع لمكانه الطبيعي

[لبنى مصر]

هتتعدل باذن الله مصر هتفضل طول عمرها جميله وبسيطه وقويه بس الخوف اللى جوانا ده طبيعى عشان بنحبها يارب تعدى الامور دى بسرعه بس ثورة 25 يناير هتفضل اجمل ثورة فى التاريخ هما قلة محدش ملتفتلهم اللى عامين كده احنا مديينهم اهتمام وحجم اكبر من حجمهم