اصعب المشاكل

[حب العمر]

طبعا كلنل عارفين ان اصعب حاجة فى الدنيا الفراق لكن هل تعلمون انه يوجد ما هو اصعب من الفراق
نعم يوجد ما هو اصعب من الفراق الا وهى الخيانة
بجد انا ارى ان الخيانة اصعب من فراق اتنين بيحبوا بعض اتنين هم روح بعض
اننى اتفق معكم فى ان الخيانة يمكن ان تكون من الرجل او من المراة ولكن جميعا نعلم انها من الرجل بنسبة اكبر وليس هذا دفاعا عن المراة ولكنه فى الاعم الاغلب يخون الرجال اكتر وهذا لا يعنى ان كلهم هكذا ولكنى اقتنع ان هناك رجال بجد وفية ومحترمة
هل تعلمون ما هو صعب الخيانة :الا وهو ان يثق شخص فى حبيب يثق فى حبه يثق فى اخلاصه له لان الطرف الاخر يشعره بانه اغلى شىء له فى الوجود احلى حاجة فى حياته الشىء اللى ممكن يحارب عشانه الدنيا كلها يقف امام اى ظروف لكى يكونوا معا فى النهايةوبالفعل يعمل اى حاجة عشان يتجوزوا وبالفعل يتم الارتباط بينهم وبالتالى هيكون فى ثقة هيقول دايما ده ما اتجوزش غيرى ده اكيد ما حبش غيرى والا ما كنش هيرتبط بى
ده ضحى بحاجات عمره ما كان هيتخيل انه يتنازل عنها عشان نكون سوا واتجوزنى ولا همه حاجة
تخيلوا بقى بعد ده كله يعرف الانسان ده يخون ويعرف يشوف حد تانى ولو حتى مجرد التفكير فى حد تانى ده فى حد ذاته خيانةوبجد الاحساس بيها صعب جدااااااااااااااااااااااا ااااا
انى اريد ان اوجه رسالة الى كل رجل او كل شاب فانت اخى وابى وعمى وفى المستقبل زوجى
اياك والخيانة اياك لانها بالفعل تجرح وبتوجع الطرف التانى لانه اكيد واثق فيك ثقة عمياء كفاية انك ما ارتبطش غير بيه اكيد ده اكبر دليل على حبك ليه او رغبتك فى انك تكون بس ليه او معاه هو وبس بلاش تصدمه فيك
والله ده مجرد نصيحة من اخت خايفة اولا عليك من العاقبة وعلى اختى اللى هى زوجتك
ربنا يديم المودة بين اى اتنين متجوزين ويحببهم فى بعض وربى ما يفرق بينهم ابداااااااااااااااااااااا ااااا
وفى النهاية اريد ان اعلمكم انه ايضا توجد نساء خائنة عشان برده اخوانى الشباب ما يزعلوش منى

[فرح عمار طه]

موضوع جميل كالعادة يا حب العمر
بس انا عارفه الموضوع دا بالذات اتعمل علشان مين وليه فكرتي فيه في الوقت دا
وعايز اقولك حاجه الخيانه موجودة ولا تزال موجودة حتي نهايه الدنيا
واسبابها الرجل والمراة سواء
وانا معاكي اني الرجل اكثر خيانه من المرأة بس هي السبب في دا عارفه ليه لان الرجل يحب يشوف مراته احسن واحدة في الدنيا بس للاسف هي مش بتتغير بتهمل في نفسها وفي بيتها واولادها والنتجيه ان الرجل يتطلع الي واحدة غيرها فيها حاجات جذبته ليه مش موجودة عند مراته
عايز اقولك لو في خيانه من الرجل
بتبقي مننا احنا الستات لاننا لا نعرف كيف نرضي ازوجانا وان نكبر في عيونهم ولا نعطيهم فرصه للنظر الي غيرنا
طبعا يا حبيبتي لو قعدت اتكلم عن الخيانه محتاجه صفحات وصفحات بس كافيه كدة واضح اني رغايه شويه
اسفه يا حبيبتي لو طولت عليكي

[yoyoesam]

السلام عليكم ورحمة اللة وبركاتة
انا عايزة اقولك واللة انت بتتكلمى عليا اكنك عرفة حكايتى بس انا مش متفقة مع فرح عمار لان الراجل لما بيشوف مراتة مش مهتمة بية مش هتبقى معاة اصلا وفى رجالة كتيير بتخون عشان تقلد وفى رجالة الخيانة فى دمهم انت مجرد مبتعرفى ان جوزك لفتت نظرة واحدة تانية بتحاولى تغيرى كل حاجة فيكى بتغييرى مكياجك بتصبغى شعرك بتشترى ملابس هل هو بيقول كفاية انها بتعمل كدة عشانى ويبطل خيانة ؟
لاطبعا ولا اكنك عملتى حاجة لانة عايز يكمل ومش اهتمامك بنفسك او بية اللى هيوقفة صدقينى انا اعرف واحدة جميلة جدا وبتعامل جوزها اكنة مثلاابنها فى اهتمامها بية ومع ذلك مرافق واحدة بقالة عشر سنين ومش عاييز يسبها يعنى من قبل ما يتجوزها .
الراجل لما يحب يخون مش بيحتاج اسباب عدم الاهتمام والتأثير دول مجرد مخدر بيخدرة بية ضمرهم انا اسفة جدا للاطالة.

[حب العمر]

ميرسيه ليكى يا فرح على الرد يا حبيبتى
بس صدقينى ان الراجل اللى بيخون بيبقى من البداية ناوى يخون بس بيحاول يقنع نفسه انه هيبرر نفسه بان البنت اهملت فى نفسها وما اهتمتش بيا وانا لاقيت ده مع واحدة تانية او يقول انى ما اتجوزتش عن حب يبقى اخون براحتى لكن طبعا ده ما ينفعش
انا رايى انه لو الراجل ناوى يعمل كده طب اتجوز واحدة ما بيحبهاش او هو شايف انه مش هيبقى سعيد معاها ليه اصلا من البداية
ما كانش المفروض انه يتجوزها ويظلمها معاه
وفى النهاية اتمنى ان الانسان ده يفكر فى انه خلاص انا اتجوزت وكل الستات زى بعض يبقى اسعد مراتى واديها فرصة تسعدنى

[حب العمر]

ميرسيه جدا ليكى يا يويو على الرد يا قمر
ابقى طمنينى على اخبارك يا قمر ويا ترى عملتى ايه مع جوزك
يا رب ربنا يهديلك الحال ان شاء الله يا قمر