الفرق بين الأولاد والبنات أيام الأمتحانات؟

[مونه]

الفرق بين الأولاد والبنات أيام الامتحانات

السلام عليكم ورحمة الله وبركاته النهاردة جبتلكم

موضوع عن الفرق بين الولاد والبنات ايام الامتحانات

يارب يعجبكم



ليلة الامتحان



البنت - قاعدة تذاكر والشاب قاعد يذاكر شوفوا ايه اللى بيحصل

البنت /// عماله تراجع وتحفظ وتحل اختبارات مراجعه للمرة العاشرة





الشاب // يكتشف المنهج لاول مرة





البنت // تاخذ استراحة قصيرة وتستغلها لتأدية الصلاة








الشاب // ينام ساعه ياكل ساعه ثم يستريح ساعه كل ربع ساعه مذاكرة



التليفون يرن







البنت // الو خالتو ازيك عاملين ايه الحمد لله خدى ماما معاكى ادعيلى يا خالتوا عندى امتحان بكرة





الشاب// الو ازيك يا خالتوا عاملين ايه ؟ وازاى خالد و ادهم ؟ بقولك يا خالتوا محمود عندك؟ طب اديهونى اسلم عليه الو ازيك يا محمود عامل ايه ... انا عمال اذاكر والله روحى طلعت من المادة بنت التيييييييييت المهم بقولك شفت الماتش؟ الحكم ابن التيييييييييييييييييييت اه طب بص نص ساعه كده وقابلنى فى القهوة عشان عايزك فى موضوع .





البنت تذاكر وتذاكر





الشاب يعمل برشامه و يطلع يقابل محمود





البنت تسهر تراجع لوقت متاخر و تصلى وتنام





الشاب يجى من برة فى نص الليل يلاقى ابوة يتخانق معه وينام .



يوم الامتحان





تروح البنت قبل ميعاد الامتحان بساعتين

( من غير ان تاكل حاجة يا عينى اصلا مالهاش نفس متوترة) وتظل تراجع وتراجع وتراجع







يصحى الشاب متاخر مشبر على الصبح

(معذور اصلا ما لحقش ينام) ويقعد على مهله يفطر مهو البوب بقا ( يعنى هيروح الامتحان على لحم بطنه ؟ ازاى مش معقول ) واخيرا يذهب للجامعة ولكن يقف قليلا قبل الدخول علشان يرفع رفعتة ويعفر ( يعنى معقول يروح يمتحن وراسه مش متظبطه) فالنهايه يدخل اللجنه متأخر فيتخانق مع ام المراقب الى يعترض على تاخره وفى النهايه وحرصا على مستقبله يتدخل رئيس اللجنه رافة به ويوافق على حضوره الامتحان.





البنت // تقراء الادعيه (غلابة ) و تسمى وتفتح الورقه وتبداء فى الاجابه



الشاب ينظر بحذر حوله ( فى الاستخبس كدة ) يستنى الفرصة لاخراج البرشامه





البنت // تنهى الاجابات ثم تراجع مرة اخيرة وتحمد الله و تسلم الورقه وتفك



الشاب // المراقب يراه يغش يسحب منه الورقه فيقوم يتخانق معاه ( وفين يوجعك ) وزيطه فى اللجنه ( حرام عليكوا ده ظلم منكم لله انا عارف اصلا انتوا حاطينى فى دماغكوا من الاول ربنا على المفترى) جاء داء المية لما تدئر من تحت منك يا بعيييييييييد





يوم النتيجه //







الفتاه تنجح بتفوق 98% وتحمد الله وتشكره





الشاب يرسب 13% ويصرخ قائلا

( والله ظلم اصلا نظام التعليم فاشل وامتحانات باميه الله يخرب بيت المصححيين )



فى المنزل






منزل البنت //الاب للام// قولى لبنتك كفايه تعليم لحد كده جالها عريس وحنجوزها يعنى هاتعمل ايه بالشهادات








منزل الشاب //الاب للام // قولى لابنك الفالح يحضر نفسه علشان يسافر يكمل تعليمه بره فى امريكا يمكن يفلح
( ادى دقنى ) .

أنا مش عايزه ضررررررررررررررررررررررب

[فتى الإسلام]

ضرررررررررررب
طيب كويس أنك عارفة اللي فيها
أنا مش عارف أحنا عملنالك أيه
دا أحنا طيبين
أي نعم مش بنذاكر
بس برضوا بنجيب تقديرات كويسة

[ياسمين14]

تسلم ايديك يا مونة

[أحلى بنت ندى]

تسلمى يا مونه يا عيونى عندك حق ودايما يجيبوا ملاحق ههههههبس فى اللى بيذاكر بنسبه 1% هههههههههههههههه

[مونه]

ضرررررررررررب
طيب كويس أنك عارفة اللي فيها
أنا مش عارف أحنا عملنالك أيه
دا أحنا طيبين
أي نعم مش بنذاكر
بس برضوا بنجيب تقديرات كويسة

ههههههههههههههه
أكيد طبعا بتجيبو تقديرات كويسه أمال
بس إحنا قولنا نفرفش شويه
بس طبعا من غير زعل ولا ضررررررررررب
بجد منورنى والله بارك الله لك

[مونه]

تسلم ايديك يا مونة

أيوه إفرحى إنتى
ووقت الضرب ملاقيش حد جمبى
أسترها عليا يارب
بس كله علشان عيونك يهون

[قطره ندي]

هههههههههه
جامده جدا يامونه
تسلمي ياقمرايه
انا معاكي يامونه ولا يهمك

[مونه]

تسلمى يا مونه يا عيونى عندك حق ودايما يجيبوا ملاحق ههههههبس فى اللى بيذاكر بنسبه 1% هههههههههههههههه

أيوه أيوه قشطه عليكم
إنتى وياسمين سخنوهم عليا
وبعد كده إنتم تخلعو
بس أنا لو حد سألنى
هاقول إنك أنتى وياسمين معايا

[مونه]

هههههههههه
جامده جدا يامونه
تسلمي ياقمرايه
انا معاكي يامونه ولا يهمك

واللى انتى سكر ومش خساره فيكى دى خاااااااااااااالص
أيوه كده أخيرا حد وقف جمبى
تسلميلى يااااااااااارب

[~eyo~]

تسلمييييييييييي
يا مونة
مين ده اللي يقدر يرع ايده بس وآية موجده
ده انا اطلع روحه وبعدين عندك حق في كل حاجة
عايزين يبينوا صورتهم حلوه يجتهدوا
محدش قلهم يكونوا ولا على بالهم وبعدين يزعلوا لما نتكلم
بس طبعا مش كل الولاد كده
وانا متأكده ان ولاد الكافيه مجتهدي
يلا ربنا يوفقنا كلنا