الجزء الثاني من اسئله مصراوي masrawy cafe كافيه

[لبنى مصر]

اجابات جميله من انسانه جميله ربنا يسعدك يا حبيبتى

[~DREAM~]

بجد ميش عارف اقولك ايه بس شكرااااااااااا على الاجابات الجامدا جدا دي

- قيم نفسك ؟؟؟ هل تستطيع الاجابة؟؟؟

مش عارفة
دى حاجة انتوا تقولوها
انسانة .... كملو انتوا بقى

انسانه محترمه محبوبا مضحكه مثقافه فى السعر والحزن بذات

انا اخويا بيقولي ياض يا نحند

ههههههههههههههههه
ميرسى يا نحند لذوقك ^ـ^
ويلا مستنية اسئلة تانية ..تحياتى

[~DREAM~]

اجابات جميله من انسانه جميله ربنا يسعدك يا حبيبتى

ميرسى حبيبتى
انتى اجمل
ربنا يوفقك يا رب

[wad_moshkala]

طبعا الاسئلة انتوا هتشوفوها عشوائية جدا ولكنها شخصية جدا جدا جدا ودى الميزة اللى فيها
يااااااااااااه إيه العشوائية دى أنا مش قادرة خلاص تعبت من كتر العشوائية

علشان نعرف انت هتقدر تفصل من سؤال وسؤال ولا لا؟؟؟؟؟؟؟؟؟؟؟
نفصل ايه ياعم دانت مبهدلنا خالص كل دى أسئلة
انت مشحورنا ع الاخر



1
- من هو الشخص الذى ترتاح له عندما تراه ؟؟؟؟ ليس بشرط ان يكون بداخل المنتدى
صحابى

2- فارقت الحياة ام الحياة هى التى فارقتك ؟ اى التعبير الذى يناسبك ولماذا؟
الحياة هى التى فارقتنى لانها أخذت أعز ما أملك وتركتنى

3- ماهو الشىء الذى تحبه فى الطبيعة؟؟؟
البحر بمووووووووووت فيه

4- تشعر بان بداخلك ميزة تميزك عن باقى البشر ما هى؟؟؟
مش عارفة والله بس اوقات كتير بحس ان ربنا منورلى بصيرتى وواقف جمبى ودى ميزة كبيرة اوى

5- الفضول وحب الاستطلاع......هل تراهم ميزة ام عيب؟؟؟ولماذا؟؟؟
هما ميزة فى بعض الاوقات وعيب فى البعض الاخر فى حجات لازم نكون عندنا فضول وحب استطلاع فيها زى العلوم والدين والامور الحياتية
لكن لو حاجة متخصنيش يبقى عيب انى اتدخل فيها واكون فضولية فيها

6- ما الموقف الذى افرحك داخل المنتدى ؟؟؟
إنى إتعرفت عليكوا وعرفتكوا ولو حتى من بعيد

7- ما الموقف الذى احزنك داخل المنتدى ؟؟؟
إنه أوقات مبيفتحش معايا وبيقولى خطأ فى بيانات القاعدة
مش عارفة قاعدة ايه دى بس اهى قاعدة والسلام هههههههههه

8- شخصية تتاابع مواضيعها باستمرار ومواضيعها هادفة دايما ..... من هو او من هى؟؟؟
بصراحة هيا مش شخصية واحدة بس اكتر حد بتابع مواضيعه هو إكرام مجاور وفارس الكلمة ولبنى
وبرده هشام اللول وعفريت افندى

9 - جملة تحب ان تقولها لنا دائما وتلح عليك؟؟؟
عامل الاشخاص فى حياتك كما لو أنهم أهم الاشخاص فى العالم فإنهم كذلك

10- اذا واجهت شخص هددك بشىء ويريدك ان تفعل ما يريد ماذا تفعل؟؟؟
مش هعمل غير اللى انا عايزة اعمله وشايفاه صح أنا مبتهددش بهدد بس هههههههههه

11- هل ترى نفسك زوج مناسب او زوجة مناسبة من الان؟؟؟
مش عارفة السؤال ده تسألوه لزوجى مش ليا

12 - ماذا تفعل اذا مات احد والديك وهو غضبان عليك ؟؟؟
هضايق وهزعل جدا من نفسى وهفضل ادعى ربنا انه يسامحنى وادعيلهم
واصلا ليه أخليهم يزعلوا منى ويغضبوا عليا لا ياشيخ متقولش كدة فال الله ولا فالك
ربنا ميزعلهمش منى أبدا

13- هل انت متشائم ام متفائل؟؟؟ ما دليلك على ذلك؟؟؟
متفاءل ودايما فى امل فى كل حاجة طول ماربنا موجود معانا وان شاء الله بكرة اجمل واحسن

14 - الدنيا غدارة جداااااااااا ....مالشئ الذى غدر بك ليس بشرط ان يكون حبيبك؟؟؟
الدنيا مش غدارة احنا البشر اللى فينا الغدر واحنا اللى بنتعامل غلط مع بعض
وبصراحة انا محدش غدر بيا وحتى لو حصل انا مسامحاه وبنسى الازية الحمد لله


15- قيم نفسك ؟؟؟ هل تستطيع الاجابة؟؟؟
مقدرش اقيم نفسى طبعا
ومقدرش اقول غير انى راضية عن نفسى بعض الاوقات والبعض الاخر مستاءة منى

16- واخيرا كلمة تقولها لاي عضو او عضوه ؟؟؟
هى دعوة مش كلمة
ربنا يوفقكوا كوووولكوا ويسعدكوا دايما يارب

يارب يعجبكو التوبيك
ياسيدى جميل ولذيذ وعلى رأى الرخم اللى مبحبوش
فلة شمعة منورة
منتحرمش منك ابدا


العضو اللي يكتب كومنت يجاوب
طيب انا مكتبتش كومنت اجاوب ليييييييييييييه ؟

حرام عليك اللى انت بتعمله فينا ده
بس موضوع جميل واسئلة لذيذة
تحياتى ليك يا مشكلة ومش اى تحية
تحية خااااااااصة
تحية كاريوكا

دي احلا تحيه اجابات جامداااااا جدا واحلا واحد وشكراااااااااااااااااااا


14 - الدنيا غدارة جداااااااااا ....مالشئ الذى غدر بك ليس بشرط ان يكون حبيبك؟؟؟
الدنيا مش غدارة احنا البشر اللى فينا الغدر واحنا اللى بنتعامل غلط مع بعض
وبصراحة انا محدش غدر بيا وحتى لو حصل انا مسامحاه وبنسى الازية الحمد لله

[wad_moshkala]

14 - الدنيا غدارة جداااااااااا ....مالشئ الذى غدر بك ليس بشرط ان يكون حبيبك؟؟؟
الدنيا مش غدارة احنا البشر اللى فينا الغدر واحنا اللى بنتعامل غلط مع بعض
وبصراحة انا محدش غدر بيا وحتى لو حصل انا مسامحاه وبنسى الازية الحمد لله

دي كانت احلا اجابه

[العاشقة المجروحة]

ميرسى ليك يا محمد
وربنا يخليكوا ليا يارب وميحرمنيش منكوا

[wad_moshkala]

اميييييييييييييييييين يارب

[~eyo~]

1
- من هو الشخص الذى ترتاح له عندما تراه ؟؟؟؟ ليس بشرط ان يكون بداخل المنتدى
هوا مش من المنتدى هيا بنت خالي اسمها مروة بحبها اوي
2- فارقت الحياة ام الحياة هى التى فارقتك ؟ اى التعبير الذى يناسبك ولماذا؟
في رأيي ان كلا التعبيرين خطأ
حيث ان التعبير الاول ( فارقت الحياة ) غير صحيح لانك عندما ترحل عن الحياة الدنيا فانك ذاهب الي الحياة الابدية الخالدة التي لافراق فيها
اما التعبير الثاني ( الحياة هي التي فارقتك ) فالحياة الدنيا عندما تتركك فأنها تسلمك الي الحياة الاخرة حيث لافراق فأما الي جنة ابدا او الي نار ابدا أعاذنا الله منها واياكم
3- ماهو الشىء الذى تحبه فى الطبيعة؟؟؟
احب اى شئ خلقه الله عز وجل واستمتع بجميل خلقه سبحانه
ولكن يجذبنى جدا ويخلب فؤادى منظر البحر وتلاطم امواجه واستيعابه الهائل لكم الاسرار التى نرميها فيه بحديث عيوننا اليه
4- تشعر بان بداخلك ميزة تميزك عن باقى البشر ما هى؟؟؟
انا وفية جدا لكل اللي بحبهم اما الي بكرهم الله يعينو عليا
5- الفضول وحب الاستطلاع......هل تراهم ميزة ام عيب؟؟؟ولماذا؟؟؟
انا بعتبرها عيب لان من تدخل فيما لا يعنيه سمع كلام لا يرضيه
6- ما الموقف الذى افرحك داخل المنتدى ؟؟؟
امممممممم
لما حد يفتكرني في حاجة كويسة
7- ما الموقف الذى احزنك داخل المنتدى ؟؟؟
لا والله ما افتكرش حاجة الحمد الله
8- شخصية تتاابع مواضيعها باستمرار ومواضيعها هادفة دايما ..... من هو او من هى؟؟؟
طبعا اكيد فارس الكلمة صراحة بحس ان مواضيعه هادفة بجد وتجنن
9 - جملة تحب ان تقولها لنا دائما وتلح عليك؟؟؟
هيا جملة دائما بقولها لصحبتي
طنش تعش تنتعش
10- اذا واجهت شخص هددك بشىء ويريدك ان تفعل ما يريد ماذا تفعل؟؟؟
هقوله حسبي الله ونعم الوكيل
11- هل ترى نفسك زوج مناسب او زوجة مناسبة من الان؟؟؟
والله انا لسه صغيرة جدا على الحكاية دي ده انا لسه في3 اعدادي بس ان شاء الله هسعى اني اكون

12 - ماذا تفعل اذا مات احد والديك وهو غضبان عليك ؟؟؟
لا اله الا الله ليه بس كده يا محمد
يا رب ما يحصل ابدا وانا بحاول على قد ما اقدر اكون باره بيهم
استغفر له و اتصدق عن روحه حتى
يسامحني يوم القيامة التوبة النصوح صلة الارحام لمن كانوا اقرب الناس اليهم الحكم...
13- هل انت متشائم ام متفائل؟؟؟ ما دليلك على ذلك؟؟؟
احيانا واحيانا عبى حسب حالتي النفسية بس باب الدعاء مفتوح ليه تتشائم
14 - الدنيا غدارة جداااااااااا ....مالشئ الذى غدر بك ليس بشرط ان يكون حبيبك؟؟؟
لالا الحمد الله محدش غدر بيا
بس انا شايفة ان الجملة دي غلط ده قضاء وقدر لازم يكون يوم حلو ويوم وحش
يوم مر وصعب وبوم يمر عليك زي الهوا

15- قيم نفسك ؟؟؟ هل تستطيع الاجابة؟؟؟
اكيييييييد امال كل اللي راح ده ايه
16- واخيرا كلمة تقولها لاي عضو او عضوه ؟؟؟ربنا يحفظنا وميحرمناش من بعض احنا كلنا اخوات في الله
شكرا يا محمد على التدبيسة اللي تجنن دي بس بجد اسئلتك كانت صعبة

[لبنى مصر]

اجاباتك جميله يويو عثل يا اخواتى وخصوصا بتاعة فارقت الحياه ام الحياه فارقتك جامده اجابتك
وانتى طلعتى لسه صغنونه كلامك بيدل انك اكبر من كده بس قمر
ايه يا جدعان هما كل الناس صغيرين هنا ولا ايه مفيش حد كبير حاسه ان انا امكم
وانت يا مشكله كمان عندك كام سنه؟؟؟ اياك تطلع فى ابتدائى

[wad_moshkala]

144 سنه هههههههه 16