سينما الحياة

[المستشار محمد]

سينما الحياة فاتحة البيبان والصالة مليانة

كل القلوب جاية تشوف فيلم الخيانة

جايين يشوفوا قلب ضاع علشان بيخلص

مستعجلين خايفين لفيلم الغدر يخلص

مبروك النجاح لفيلم الجراح

اللى انت مثلته

مبروك النجاح لكل اللى راح

عرفت بجد تجرح

انسان ساء الإختيار

من حقك ايوه تفرح

وقت ما نزل الستار

نجحت فى دور جديد

تعبت فى بدايته

كتبت سيناريو جامد

كملته لنهايته

مبروك النجاح فى فيلم الجراح

اللى انت مثلته

مبروك النجاح لكل اللى راح

مبروك على بطولته

سينما الحياة والصالة مليانة

كل القلوب جاية تشوف فيلم الخيانة

جايين يشوفوا قلب ضلع علشان بيخلص

مستعجلين خايفين لفيلم الغدر يخلص

نزلت دموعهم لما نزلت من عنيا

دمعة وبعديها إيديك سابت إيديا

بعديها نزلت الستارة وإنكتب إسمك

جاى وواقف قبل الكل أسقفلك

وأقول برافو قلبى ضيعته

مثلت فيلم كبير ودى نهايته

مبروكم النجاح لفيم الجراح

اللى انت مثلته

مبروك النجاح لكل اللى راح

مبروك على بطولته




تحياتى


المستشار محمد

[العاشقة المجروحة]

الله عليك
بجد كلمات كلها احساس
صحيح احساس حزين لكنك أبدعت فيه
سلمت يمناك يا محمد
تقبل مرورى وخالص تحياتى

[المستشار محمد]

السلام عليكم

العاشقة المجروحة

نورتينى وشرفتينى

وردك على راسى من فوق

والله عليكى انتى كمان

انا بتعلم منك سيدتى

تحياتى

المستشار محمد

[العاشقة المجروحة]

ربنا يخليك يا محمد
كلك زوق انت اللى بجد بتنور المنتدى لما بتدخله
ودى وتقديرى

[حب العمر]

بجد تقبل تحياتى لكلماتك واحساسك الراقى
بالرغم من انه صعب الا انه توبيك هايل
تسلم ايدك