وظائف خاليه مطلوب (رئيس)

[فدائى]

وظائف خالية ... مطلوب رئيس ..!!!

مطلوب عدد 1 رئيس جمهورية للعمل
الراتب : ....... جنيه
ساعات العمل : يومياً صبح وبليل
شروط الوظيفة : خبرة في العمل السياسي يحمل الجنسية المصرية
ويجب ان يمتلك ضمير وعدالة وطموح
من يتوفر فيه الشروط الماضية
عليه التوجه الى الجماهير واعلان الترشيح فور اعلان فتح باب القبول

طبعاً اكيد مش هى دى الطريقة اللى هنجيب بيها رئيس لمصر
ولا شايف من اللى موجدين ع الساحة وش لحد هينهض بالبلد دى
كل الخيارات قدمنا وشوش تقدر تصلح ودا حدها الاقصي

و عبر الاحداث والتطورات البطيئة مش السريعة
لان بالرغم من كل القرارات اللى بتتطلع
بالرغم من محاولة المسئولين حل الازمة
بردوا ومازال البطيء في اتخاذا القرار والتعديل موجود
يمكن يكون الاساليب اللى بنتعامل بيها دى
هى الخبرة اللى خدناها عبر سنين وهو دا ايقاعنا ومعندناش غيره
او
باينها عادة خايفين نقطعهـا..!!!

المهم وبعيداً عن الاحداث اللى عايزلها مليون تفسير وتفسير

مين الرئيس اللى بتحلم بيه ..؟
مين الرئيس اللى هيبنى ..؟
احنا وصلنا لمرحلة النفس الاخير
خراب بسبب نظام ماضي وعقول تايهة
ومفكرين ومسئولين مش عارفين يوصلوا لحلول جذرية

ـــــــــــــــــــــــــ ـــــــــــــــــــــــــ ـــــــــــــــــــــ




طب اقولكـم الرئيس اللى بحلم انا بيه ..؟
الرئيس اللى بحلم بيه الشروط اللى عايزها متوفرة فيه
بعيدة عن الكتاب السياسي والعلمى والعسكرى
شروط شايفها لازم تكون فيه
شروط مبدئية:-

ـــــــــــــــــــــــــ ـــــــــــــــــــــــــ ـــــــــــــ

1- يكون عمره من 40 ل 45 سنة بالكتير اوى
يعنى عايزين شاب عايزين حركة ؛ عايزين روح
عايزين رئيس ياخد قرار ايجابي
مش قرار سلبي وراه خوف وقلق
وابعاد سياسية بيطلع نصها ملهوش اساس من الصحة
عايزين رئيس قلبه شاب عقله بيحلم بمستقبل
مش رئيس شبع من الدنيا وجاى يشبع اكتر

ـــــــــــــــــــــــــ ـــــــــــــــــــــــــ ـــــــــــــــــــ

عايزين رئيس يكون في العمر دا
علشان يكون وسط ما بين الشيوخ والشباب
يكون حاسس بجميع الاطراف
عايزين رئيس عنده طاقة مخه صاحي
مش رئيس عنده 60 سنة
اما الحكومة بتستغنى عن السن دا وبتطلعه معاش
وبتشوف ان السن دا مش هيقوم بالشغل اللى فيه على اكمل وجه زى غيره
ومن حقه يرتاح
يبقي ازاى السن دا يفكر لكل المصريين ..؟!!
وهنا كان سؤالنا
ليه مريحوناش وكانوا خلوها من 40 لـ 60 بالكتير اوى ..؟؟
واللا مزال شايفين رؤية لحد معين هو اللى يمسكها..؟!!

ـــــــــــــــــــــــــ ـــــــــــــــــــــــــ ـــــــــ

2- عايزين رئيس نقوى بيه ويقوى بينا
يكون دليل لينا ؛ كلمته بعد فعله
ميطلعهاش غير عقله ؛ مبيسمعش غير لشعبه
هدفها مصلحة الشعب دا
الحق والعدل دليله
عايزين رئيس لا ينام ولا يرتاحله بال
غير ما يريح بال الناس كلها

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــت

3- عايزين رئيس يحل المشاكل
يلغى سطور القانون اللى مكتوبة علشان تحمى الحرامية بس
يكتب سطور قانون جديدة
عنوانها تكون :
القانون يحمى الطيبين
القانون يحمى الغلبانين
القانون وسيلة المظلومين
القانون معاكم وليكم يا مكتومين !!

ـــــــــــــــــــــــــ ـــــــــــــــــــــــــ ـــــــــــــــ

4- عايزين رئيس يتخيل ان كل واحد في الشعب دا ابنه
معقولة هيسيبه من غير اكل او علاج ..؟!!
او هيسيبه حتى من غير ميرسملوه مستقبل كويس ..؟!
معقولة هيسيب النصابين يخدوا حقه ..؟!
معقولة هو بنفسه هيمص دمه ..؟!!!

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ
5-عايزين رئيس يبنى ويعمر
رئيس خطوته بتلات خطوات
خطوة ... يعوض بيها اللى فات
وخطوة ... يواكب بيها اللى بنعيشه
وخطوة ... يبنى بيها المستقبل

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ
6- عايزين رئيس مننا حاسس بينا
نحترمه ... لانه بيحترمنا
نحبه ... لحبه
يبعد عن
الظلم والديكتادورية والنفاق والسرقة والرياء
والكذب والخيانة والمصالح والفساد
يبعد عن كل معانى الدمار المسرطن
اللى اعراضه بتبان في الوقت الضايع

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ

7- احنا مش عايزين رئيس قبل ما نطلب يلبي
وقبل ما نفكر ينفذ ؛ و قبل ما نحلم يحقق
يدوب عايزين رئيس يلبي لما نطلب
وميخليش الوقت يسرقه
بالعربي عايزين رئيس ينجز

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ

عايزين رئيس ... قلبه لسه موجود !!!
مش مجرد من الانسانية ومعدوم الضمير
مش بنطالب بصانع المعجزات ولا حاجة

ـــــــــــــــــــــــــ ـــــــــــــــــــــــــ ـــــــــ

عايزين رئيس ... ياترى فيه ..؟
واللا مبقاش عندنا ولو واحد من ال 80 مليون ..؟!!!!!

[حب العمر]

موضوعك جميل اوى
بالفعل هى ده الشروط اللى كلنا بنتمناها
بس بجد انا نفسى اسال سؤال هل هو من الممكن ان احنا نلاقى رئيس فى السن اللى بتقول عليه ويكون عنده كفاءة تدير البلد وبعد سياسى
وفى نفس الوقت الشعب اللى عمل الثورة يوافق عليه
مع العلم بان الاختلاف فى الراى لا يفسد للود قضية