انا بعلن انسحابى من المنتدى يا جماعه(اشوف وشكم بخير)

[لبنى مصر]

انا بعلن انسحابى من المنتدى يا جماعه بما انى ازعجت ودايقت ناس كتير
مكنتش افتكر انها توصل لكده وموضوع ملك الابداع اعتقد انه اتقفل عشان محدش يدور عليه سبحان الله والله بجد حاجه غريبه
متعرفوش قد ايه انا مخنوقه دلوقتى ودمى بيغلى
بجد انا اتشرفت بمعرفتكم كلكم
محمود(ابوتريكه)
دريم
مشكله
عاشقة بلدها
العاشقه المجروحه
صمت الليالى
ميدو 2
ياسمين14
مونه
نسيم الذكريات
منار
شيرين 19
اهلاويه وافتخر
اكرام مجاور
ماما منى رشدى
المستشار محمد
نور الحرف
جينا
نور نورهان
كلكم بجد اسفه لو نسيت حد
ولو اى حد زعل منى فى حاجه مكنتش اقصدها انا اسفه ليه
واشوف وشكم بخير
سلام

[لبنى مصر]

وحتى استاذى فارس الكلمه بجد انا اتشرفت بمعرفته
شكرا ليه

[HoBa HoBa]

ايه ده اي ده ايه ده
فى ايه يا لبنى
انا مش فاهمة حاجة
؟؟
وماله موضوع مك الابداع
والموضوع اتقفل ليييييييييييييييييييه
احنا كلنا هنا اخوات وعيلة وحدة
ومينفعش نتضايق من بعض
بس مما كان المشاكل يا جميلة بجد مينفعش انها توصل لحد كدة
بجد يا ريت متسبناش
وفعلا احنا كلنا بنحبك
فكرررررررررررررى تاااااااااااااااانى

[omar_yasser59]

ليه بس كده يالبنى والله بجد زعلتينى بلاش زعل والله بجد انا حبيتك ومش عايزاكى تسيبى المنتدى احنا كلنا منقدرش نستغنى عنك ولو كنتى زعلانه من فارس الكلمه بجد يمكن مايقصدش وياستى التمسى له سبعين عذر مش عذر واحد لله زى مالرسول قاللنا وحقك علينا كلنا

[ابو تريكه]

اييييييه ايييييييييييييييييييييييي يييه ايييييييييه

هو بمزاجك ولا ايه

لا طبعا مش هتمشى وهنقفل الباب ومش هنسيبك تخرجى

معقول بالسهوله دى تتخلى عننا هو مكنش عيش وملح ولا ايييييييييه

لو بتحبينا فعلا ولينا معزه عندك خليكى معانا عايزينك ويانا

والله كلنا بنحبك ومش عايزينك تمشى والله

وايا كان اللى حصل استحملى علشان اخواتك واصحابك

متمشيش لو سمحتى

[~DREAM~]

ايه ايه ايه؟؟؟
ايه الى انتى بتقوليه ده يا بنتى
لبنى اهدى حبيبتى وبلاش تخدى قرار وانتى مضايقة
واى مشكلة ان شاء الله تنحل
بس قوليلى بس ايه الى حصل
لبنى والله حزعل منك مينفعش كده
ومينفعش الى انتى بتقوليه
عادى لو حصلت مشاكل وحد زعل منك
كلنا بيحصل معانا مشاكل وبنزعل ونزعل بس مش بننسحب
لبنى ده ضعف وانتى انسانة قوية الى انتى بتعمليه ده اسمه هروب
واحنا مش حنسمح بلى انتى بتقوليه ده

[thesniper_12007]

أختي الفاضلة لبنى
بعد التحية
يؤسفني ويحزنني أن أقرأ هذه الكلمات لك وأنا اعرف لبنى جيدا فليس معنى أن يقفل لك موضوع بأن الدنيا انتهت أو وقفت عند هذا الحد فقد لاحظت في أكثر من مرة لك بأن الموضوع يكاد يتحول إلى شات وأنتي تعلمين انني كنت مرشح للإشراف على الركن الأدبي وتم رفعي منه وتم إيقافي أسبوع ما قبل الثورة وتم رجوعي يوم 26 يناير فليس معنى أن يحدث ذلك أن أترك المنتدى فإن كان المنتدى يمثل لك بيتك الثاني وأردتي ان ترحلي عنه فاعلمي أن في هذا البيت أحبابك وأصدقاءك وأخوانك واخواتك فأرجو أن تعيدي النظر في الموضوع فليس من المعقول ترك أحبابك لحذف موضوع
أختي الفاضلة الرجاء العودة في أقرب وقت ممكن حتى لا ينزعج أخوانك وأخواتك لغيابك
منتظر عودتك
وافر تحياتي وجل احترامي

[~ man neO ~]

مش سبب يا لبنى ان موضوع يغلق ليكى انك تعملى كده
انظرى لما وراء ذلك ..

مغلق

[علي مدكور]

السلام عليكم ...
يا ريت حضرتك تعملي موضوع فى الشكاوي والاقتراحات بسبب المشكلة بالظبط وان شاء الله نشوف ليها حل ..

منتظر موضوع حضرتك