مــــقــهي الـــمصريين .. قفلنا القهوه بالشمع الاحمر

[SCREEM]

المانشت جامد استاذ كريم
براى ان ممكن كلامها يكون ليه اساس من الصحة
بس الحمد لله احنا فعلا بداتنا نتخلص من الثورة المضادة الى اكيد بقيادة الرئيس مبارك
لان اول حاجة كان نائب الريس عمرو سليمان
كلنا عارفين انه شخص محترم ولكنه الرجل الصحيح فى المكان والزمان الغير صحيح
فالثورة شالته وبعدين جاء شفيق ورغم انه محترم جدا ولما كان ماسك وزارة الطيران المدنى فعلا ارتقى
بيه و ارتقى بشركات الطيران بمصر وبقى ليها سمعى واسم الا انه بنفس الوقت كانت حكومته متعينة بعهد
الرئيس السابق الى جانب ان معظم الوزراء الى بحكومة شفيق كانوا هم نفسهم الى بحكومة نظيف
يعنى حكومة نظيف وشفيق وجهان لعملة واحدة
وعلشان كده برضو الثورة اسقطتوا
واخر موضوع حصل حكاية امن الدولة الى اسقاطها الشعب لطغيانها
عمرى ما شفت جه تخالف احكام القضاء يعنى كانوا عايزين يحكمونا رسمى
بس برضو الحمد لله اسقطها الشعب
يعنى احنا فعلا بدينا نصلح ونمحوا غبار النظام السابق

انا مش شايف انه ممكن انا شايف ان هو ده الي حاصل فعلا التباطؤ الي بيحصل ف القبض علي ناس مش محتاجين كل الوقت ده صفوت الشريف الي هو اساس كل الي بيحصل وزكريا عزمي وناس كتير محدش قادر يقربلهم لحد دلوقتي مع ان دي ثوره ودول كانو اول ناس المفروض يتجابو انا حاسس ان كل الي اتقدمو دول كبش فداء وعندي ثقه كبيره ف الجيش اتمني انها تفضل مستمره وميعكرش صفوها احداث زي الي بنشوفها اليومين دول

ليه صفوت الشريف وذكريا عزمي لحد دلوقتي محدش قادر يكلمهم سؤال يطرح نفسه

[لبنى مصر]

خير باذن الله
ربنا يحفظ مصر يارب

[SCREEM]

ان شاء الله ياست هانم

[SCREEM]

المقهي ملك للجميع اي حد عايز يتكلم ايا كان في اي حاجه يتفضل بس من غير مشاريب


نص ساعه وراجع

[SCREEM]

back

[SCREEM]

عاااااااااااااااجل

رويترز :حريق هائل في البنك المركزي المصري

[لبنى مصر]

باك ورحمة الله
حرايق تانى هو احنا مخلصناش ده احنا اللى بنتحرق من جوانا
صراحه بالصلاه ع النبى اخبارك ما شاء الله دمار شامل

[SCREEM]

باك ورحمة الله
حرايق تانى هو احنا مخلصناش ده احنا اللى بنتحرق من جوانا
صراحه بالصلاه ع النبى اخبارك ما شاء الله دمار شامل

دي حاجه بتحصل دلوقتي مش لازم نقولها ياستي خلاص نقسم البلد نصين انا اجيب الاخبار الوحشه وانتي هاتي الاخبار الكويسه
وابقي قابليني لو لقيتي خبر

[SCREEM]

الاف البريطانيين يتظاهرون وسط لندن احتجاجا علي خطة التقشف الحكومية

[لبنى مصر]

وصلت للندن كمان بالاخبار الحوه دى ربنا يبعدنا عنك يا حك كريم احسن تقول فى مره
لبنى ماتت ليلة زفافها وانا فرحى قرب استر يارب