مــــقــهي الـــمصريين .. قفلنا القهوه بالشمع الاحمر

[SCREEM]

السلام عليكم ورحمه الله وبركاته
صباح الفل ياكريم

وليد ياحاج نزل مصر اجازة وممكن يكون مشغول شوية علشان كده مش بيدخل المنتدي

ام بالنسبه لسؤالك
اكيد طبعا احسسنا اتغير بعد الكبت والمهانه اللي عيشنا فيها 30 سنه في عهد الرئيس المخلوع
وانا بجد لحد دلوقتي لسه مش مستوعب ان المصريين قاموا بثورة وخلعوا رئيسهم

واكيد طبعا مصر دلوقتي اتغيرت كتير
وان شاء الله ربنا هيهدي الحال وتتغير للاحسن والافضل

بارك الله فيك وحفظك ورعاك كريم

ده انت دخلت بدري قوي ياهشام ده انا غيرت السؤال كذا مره

مش مشكله هرجعه تاني عشان خاطرك ان كنت حاطط سؤال غيره


ربنا يرجع وليد بالسلامه ان شاء الله


الف شكر ياهشام وهرجع السؤال زي ما كان بتخش ف اوقات عجيبه

[لبنى مصر]

اولا فكره فى منتهى الشياكه والجمال متجيش غير منك يا كريم
اسمحولى بقى اشرب معاكم شوية شاى بحليب مش شاى بس
اهيه وادى قعده بس عايزه اسمع عود لو سمحتو عشان نرجع ايام زمان ايام الجمال وقول يا نجم قول يا ليل
ندخل فى الموضوع بقى انا مش حاسه ان البلد بقت بتاعتى وحاسه ان مفيش تغيير غير ان بعض الرءوس الفاسده مش سامعين لها صوت لكن المعظم قاعد لسه فى البلد راكن ده غير ان النفوس متغيرتش هى بس اتغيرت وقت الثوره ورجعت تانى زى ماهى
يعنى المعاكسات شغاله الواسطه زى ما هى والكوسه مخلصتش واللحمه مرخصتش
وما زال فى فساد وهيفضل فى كل نظام فيه فساد مش هنحس ان البلد بقت بتاعتنا الا فى حاله واحده
لو اتصدينا لاى فساد ومبقناش كوبرى ليه ولو بقى عندنا انتماء للبلد بجد وحافظنا عليها كويس
ونفوسنا مش هتتغير الا لو احنا غيرناها (لا يغير الله ما بقوم حتى يغيروا ما بانفسهم) ومفيش اصدق من كلام ربنا وهو اللى هختم بيه
ربنا يكرمك على الموضوع الجميل ده يا كريم
دمت بكل الود

[SCREEM]

اولا فكره فى منتهى الشياكه والجمال متجيش غير منك يا كريم
اسمحولى بقى اشرب معاكم شوية شاى بحليب مش شاى بس
اهيه وادى قعده بس عايزه اسمع عود لو سمحتو عشان نرجع ايام زمان ايام الجمال وقول يا نجم قول يا ليل
ندخل فى الموضوع بقى انا مش حاسه ان البلد بقت بتاعتى وحاسه ان مفيش تغيير غير ان بعض الرءوس الفاسده مش سامعين لها صوت لكن المعظم قاعد لسه فى البلد راكن ده غير ان النفوس متغيرتش هى بس اتغيرت وقت الثوره ورجعت تانى زى ماهى
يعنى المعاكسات شغاله الواسطه زى ما هى والكوسه مخلصتش واللحمه مرخصتش
وما زال فى فساد وهيفضل فى كل نظام فيه فساد مش هنحس ان البلد بقت بتاعتنا الا فى حاله واحده
لو اتصدينا لاى فساد ومبقناش كوبرى ليه ولو بقى عندنا انتماء للبلد بجد وحافظنا عليها كويس
ونفوسنا مش هتتغير الا لو احنا غيرناها (لا يغير الله ما بقوم حتى يغيروا ما بانفسهم) ومفيش اصدق من كلام ربنا وهو اللى هختم بيه
ربنا يكرمك على الموضوع الجميل ده يا كريم
دمت بكل الود

وادي كوبايه الشاي

خدمه خمس نجوم

الاختلاف ف الراي لا يفسد للود قضيه
المهم
ماهو فساد 30 سنه مش هيروح بين يوم وليله ولا الثوره هتقوم باليل هتصحي الصبح تلاقي مصر دي جنه البلد لسه محتاجه شغل كتير عشان تنهض وتقوم تاني وهو ده دورنا ف المرحله الجايه ولو ان وجود بعض رؤوس الفساد لحد دلوقتي شيء يقلق بس ان شاء الله دورهم قرب واي حاكم هيجي لازم هيعمل حساب ليوم 25 يناير ليجي عليه هو كمان انا عن نفسي شايف ان في حجات كتير اتغيرت ولسه الي جاي احسن

ان شاء الله تشوفي مصر زي ما انتي عايزه

شكرا لبني القهوه قهوتك ف اي وقت

[SCREEM]

النائب العام يُحيل بلاغات ضد أحمد شفيق للأموال العامة

[هشام اللول1]

عاجل :اشتباكات وحرائق وانباء عن وجود ضحايا داخل سجن مزرعة طرة المسجون فية حبيب العادلى وزهير جرانة والمغربى وعز


صحافة:اصدر مجلس الدولة تقريرا يوصى بحل الحزب الوطنى وتصفية امواله لصالح الدولة وسوف يتم اخذ القرار النهائى السبت القادم

اللهم احفظ مصر وشعبها

[SCREEM]

قرار حل الحزب ده المفروض انه كان يتاخد من بدايه الثوره عالعموم نتمني انه يتنفذ

شكرا ياهشام

[لبنى مصر]

عاجل :اشتباكات وحرائق وانباء عن وجود ضحايا داخل سجن مزرعة طرة المسجون فية حبيب العادلى وزهير جرانة والمغربى وعز

اكتر خبر لفت نظرى
الشغل الكبير اشتغل والنبى احنا غلابه لما نشوف اخرتها

[SCREEM]

لا متتخضيش خالص من هنا ورايح هتسمعي حجات كتير زي دي واكتر المهم بس نبقي صاحيين ونفوت عليهم الفرصه دي

[SCREEM]

مظاهره كبيره اماام ماسبيرو بعد صلاه الجمعه مباشره للاطاحه برموز الفساد في ماسبيرو وعلي راسهم جمال الشريف

تابعو التفاصيل معنا

[لبنى مصر]

وليه اخبارك حلوه انهرده كده
ربنا يستر يارب الايام الجيه