الجنية المصرى و شكلة الروش

[شيخ البلد]

والله يا جماعة الواحد احتار فى حاجات كتير جدا وعلى رأي المثل اللى يعيش فى البلد دي مسيره هايموت

الموضوع جه معايا بالصدفة لما كنت بشتري شوية حاجات للبيت وانا مروح , العلاقة بيني وبين صاحب السوبر ماركت اللى بشتري منه زي البتنجان الاسود على العسل الابيض ,

اشتريت منه كل الطلبات اللى انا عاوزها ودفعت الفلوس واخدت الباقي وحطيته فى جيبي من غير ما اشوف هو كام ولا ايه شكل الفلوس اساسا . دليل على ثقتي البالغة فى البياع وفى نيته ( ما تأمنش لحد فى الزمن ده )

روحت البيت وقولت بقى اطلع الفلوس من جيب البنطلون واشوفها عشان اعرف نظامي

الحمد لله طلعت الفلوس لقيت اشكلها كويسة بس اللى ضحكني انى لقيت تقريبا جنيه متاكل منه جزء والباقي مكتوب عليه شوية شخابيط من العشاق .

بصيت للجنيه وقعدت اقرا اللى كان مكتوب عليه .. وأظاهر ان الادب مقطع بعضه فى الشعب المصري وشكل الاديب العبقري اللى كاتب على الجنيه بيحب بجد ومن كتر حبه بيطلع على الفلوس ...

طبعا ده كان موقف من وسط مليون موقف اتعرضت له

وتخيل انتا بقى لو لقدر الله ماعكش باقي ولا فلوس اساسا غير الجنيه المبهدل ده وممكن يطلع سواق الميكروباص راجل نظيف وما يخدش منك الجنيه ( على اساس ان انتا اللى عملت فيه كده )

ولما تقول لحد رجعهولى.... يقولك يا راجل ماله الجنيه ده ؟؟؟ ويبصلك من فوق لتحت كأنك انتا اللى غلطان

او لما يكون معاك فلوس مجمدة وعاوز تفكها .........

مقالب مقالب من الشعب المصري

انا عن نفسي كنت بجمع الفلوس المبهدلة واروح اغيرها .

ولما اقترحت الفكرة على صحاب السوبر ماركت والمحلات فى انهم يجمعوا الفلوس المبهدلة ويغيرها لقيت منهم فعلا فى ناس بائعين بيعملوا كده والباقي اتحجج بأنه مش فاضي ومش بيركز فى الفلوس وهو بياخدها لثقته البالغة فى اللى بيديله الفلوس

على كده لو الواحد زور فلوس مش هايتهرش بسهولة ربنا يستر .....

لمأ سألت نفسي ليه ده بيحصل وليه الفلوس بيحصل فيها كده ؟؟؟

طبعا تلاقى الجنيه طالع جديد من البنك على جيبك على طول وبيبدأ مشوار الجنيه فى العيد الصغير او الكبير والمناسبات عموما

الجنيه بيكون لسة جديد فى حالته

تلاقى بقي شوية حاجات غريبة بتحصله

ممكن يتسغل وممكن تلاقى واحد ماسك الجنيه وبيسلك بيه سنانه واللى تلاقيه كاتب قصة حياته على الجنيه واللى عامل دعايا واعلانات على الفلوس

طبعا ده عيب شعب مش حكومة ده عيب عادات وتقاليد

اما بالنسبة للدولار فلو كتبت عليه حرف او نقطة لا يتم صرفه نهائيا مش الدولار بس لأغلب العملات فى الدول المتقدمة وفى دول الخليج .

موضوع واتكتب طيب وايه رد الفعل

1- عشان تأمن نفسك خليك بارد ولو وقع فى ايدك جنيه مقطع رجعه . وما تخدهوش
2- طيب افرض البياع ماعهوش غيره ... رجع اللى انتا اشتريته منه وخد منه فلوسك وامشي.

بجد ده اللى انا بعمله

وعلى رأي الحج الوالد هما دول الفراعنة

ومستني حكايتكم من المقالب دي .....

من قو ش

[ELKHWAGA]

تسلم يا شيخ البلد على موضوعك الجميل ده وجزاك الله كل خير يا مان

[Treka]

تسلم يا مان على التوبيك الغريب ده
بارك الله فيك وجزاك الله كل خير

[طيف عابر]

زكرتنى برضه عنا كمان فعلا بتلاقي الدينار مليان خرابيش
اشي رساله على اسم
قال يعنى رح يوصل الدينار بقدرة قادر لواحد تاني بيعرفه
والمصيبه فعلا انه النقود اقذر شيء ممكن تمسكه ومع هيك برضه بيزودوها خربشه وكلام فارغ
واضح فيها تشابه بين عنا وعندكم

كمان برضه ممكن تكون ممزقه وملزقة بس مش مهم يا عمر
المهم بتمشي امورنا يعنى
تسلم الايادى
موضوع شيق

[محمد العطار]

تسلم ايدك ياغالى على موضوعك اللى فعلا بيحصل معانا كلنا

[بتشينو]

صحيح والله الفلوس اليومين دول الاغلبيه الي بيكتب لحبيبته والي بيكتب ذكري طريقه مش حضاريه خالص هو الورق لزمته ايه غريب والله

[Essam Net]

كدهـ يا شيخ البلد .. اقدر اقولكـ ..
يبقى انت اكيــــد اكيــــد فى مصر ..
هو احنا اللى بنصنع الحاجات الغريبه دى .. مش عارف ليه احنا مثل فى الحاجات الغريبه دى ..

هو اه العيب مننا مش من الحكومه .. بس ليه الحكومه ما بتمشيش نظام زى بره ..
يعنى يمنعوا صرف الفلوس المتشخبط عليها او اللى مكتوب عليها ..
وبكدهـ الناس غصب عنها هتلتزم .. وانت عارف ان الناس خلاص جاعت ومش لاقيه القرش ..

شكراً ليكـ يا شيخ البلد .. موضوع جميل ..

[ملكة الاحزان]

تسلم ايديك على الموضوع
بس انت عارف هو ده الى بيخالى قيمة العملة بتاعتنا تتاخر لاننا مش مدينها اهميتها او احترامها

[شيخ البلد]

اخى الجميل اللاذيذ الخوجااا شارك لك متابعة ومبادراتك الدائمة العطرة الطيبة ...

تـــــــــــــــريكا انت ياواد مش ناوى تشوف مذكرتك شكراً يا درش على مرورك الفظيييييييييع

سيدتى العزيزى هنا وقفة فالتاريخ دائماً ذاخر بالعلاقات الطيبة بين الشعب المصرى والشعب الكورى و بيننا اتفاقيات فى تسليم المجرمين وحاجة قشطة خالص ...
اشكر لسيادتكم مروركم الطيب اخوكى خالد من ميت غشقر ..

محمد العطار شكراً جزيل كتيراً على مرورك الذى ذادنى شرف وتشريفً

ميذوووووووووو نورة الموضوع و ربنا ما يحرمنا من مرورك

عصام باشا نت . كوم مرورك بيجمل ويحلى كل الموضيع شكر لاهتمامك و مرورك .

سرسور حاسس ان احنا قرايب مش عارف لية !! شكراً لمرورك الاول الجميل جداً ..

بارك الله لى فيكم
ولا حرمنى منكم جميعاً

[طيف عابر]

سيدتى العزيزى هنا وقفة فالتاريخ دائماً ذاخر بالعلاقات الطيبة بين الشعب المصرى والشعب الكورى و بيننا اتفاقيات فى تسليم المجرمين وحاجة قشطة خالص ...
اشكر لسيادتكم مروركم الطيب اخوكى خالد من ميت غشقر ..