☻☻☻ مغامـــــــــ شباب مصراوى كافيه ــــــــــرات ☻☻☻" ~ eyo ~"

[~ man neO ~]

ميرسى ا/ عبد النبى على الاستضافة الحلوة دى
انا ماليا مغامرات كتير بس بحاول
يمكن كانت احلى سنة ليا تالتة اعدادى
كانت دروس وشقى وشقاوة وهزار وتعب وضحك
بس انا ببدا معاكم من مثلا 2 اعداى يمكن فيها بدا الهزار والشقاوة
لانى اصلا بطبعى هادية
انا احب اوى اقلد الناس فى طريقتهم كلامهم كل حاجة
المهم كنت احب اقلد اى حد غايظنى واخلى العالم تضحك عليه
مثلا لما نكون واقفين فى الطابور الصبح انا وصحابى مخنوقين بقى من الطابور والمديرة والتمرينات والحاجات الفكسانة دى
عايزة اقولكم انى قصيرة الا انى كنت بقف ورا وعلى حسب الى قدامى يا يموت من الضحك يا يموت من الضرب
يعنى تمرينات الصباح لو واحدة انا مخنوقة منها يعينى كانت تاكل افيان حبة حلوين متوصى عليهم
وطبعا البت تقعد تلف تشوف مين الى بيضربها اقوم قايللها مالك يا بنتى انتى تعبانة ولا ايه فيكى حاجة غلط وهى مش متوقعة ان انا الى عاملة فيها كده بس وانا اديها وهى تبص واخر ما تتخنق وتبصلى جامد اقوم قايلة لا يا ميس حرام سبيها سبيها حرام
وما فيش حد
تقوم يا عينى البت مفزوعة وبصه قدامها
لا واحنا طالعين لازم بعد تحية العلم نحى المدرسة
نقوم قايلين مدرسة الرمل اعدادية بنييييييييييييييييييييين
والمدرس يقعد يبص حيموت ويعرف مين الى بيقول بنين
لا ولما نطلع الفصل بقى
كان فى عندنا واحدة اسمها ايه المهم ايه دى كانت غريبة اوى
كانت قالبة ولادى خالص فى طريقتها ودايما تزعق وعاملة الليدر ايه دى بقى كانت لعبتى
كان فى حاجة بالمدرسة اسمها الشرطة الى هى بنات بتقف توقف المتاخرين وتقف وقت الفسحة علشان ما تتطلع حد
المهم ايه دى لو حد قالها ايش بالذى ما تطلعه ابدا وحتى لو قلب قدامها هندى فالبنات كلها كانت مخنوقة منها
كانوا يوجوا وقت الحصص الفاضية ويقولولى يلا قليدى لنا ايه
اقوم واقفة انا بقى واتفرجوا على كمية الضحك
كنت اقف فى نص الفصل واقلدها بقى واقعد ازعق زيها وكانى واقفة على الفصل
واقعد اقول للعيال هاى انتى وهى اسكتوا خاااااااااالص لحسن اكتب اساميكم فيقعدوا يضحكوا
وبعدها اهبل واكتب اى شخبطة فى الورق واقعد اقولهم حودى الورقة للميس دى كانت جملة ايه المشهورة
تخيلوا بقى انتوا المنظر وانا بقلدها واروح جاية مقلدها بى قعدتها وانا بقول للعيال يا جماعة مش عايزة اسمع صوت واحنا قاعدين على قهوة بلدى وكنت اقعد زيها واقوم حاطه رجل على رجل واسقف وبعلو صوتى اقولهم ايوه يا بنى شيشة هنا بسرعة
المهم كل ده وايه مش موجودة واول ما تدخل علينا الفصل اقوم قايللها ازيك والله وحشتينا طبعا هى على طول مكشرة
وتستغرب هى ليه اول ما بتتدخل البنات بتضحك واقوم راحه من واراها واقول بنفس الطريقة حودى الورقة للميس والفصل كله يقعد يضحك علينا بقى
كان عندنا مدرس رياضة فى سنة تانية طوييييييييييييييييييييل اوى وبيتكلم بسرعة اوى لدرجة اننا ما بنفهم منه حاجة
المهم المدرس ده اطلقت عليبه اللقب الى اتشهر بيه فى المدرسة
اطلقت عليه احمس كان اول ما يجى معروف احمس والعجلات الحربية وصل
هو كان اسمه احمد بس والله كان طيب ومحترم
لدرجة اننا من كتر ما كنا بنهزر عليه بنت اتلخبطت وهى بتناديه وقالتلة مستر احمس
كنت حتجن منها وقلت يخرب بيتك حتفضحينا بس هو كان يحترمنى ويعزنى جدا وتقريبا كان عارف ان انا مطلقة اسم احمس عليه فاخد الموضوع بهزار
لا ولا كمان ب3 اعدادى يوم لما روحنا نملى استمرات الاعدادية وكان اول يوم اروحة واخر يوم
مدينا الاستمارات بقى وكل واحد صورة معاه اخدنا كمية تقليس
يعنى مثلا فى بنت كانت اسمها نورة نورة دى كانت تقولة اه اصل انا عينى فيها حور دى من عند ربنا ما بتسمعيش عن حور العين دى بتبقى حاجة حلوة فى العيون قلتلها اه يا حببتى انا سمعت قبل كده عن الحور و الحول ما هو اصله فرق حرف ونقعد نهزر ونضحك سوى
لا وكان فى واحد اسمها ايمان بالفصل المهم بقى ايمان دى سمره خااااااااالص مفيش مشكلة السمار نص الجمال
بس انا كنت ابيض واحده بالفصل ودى حاجة كانت معروفة البت البضة ام عيون ملونة
المهم لقيت ايمان دى بتقولى لا ما انا لما كنت صغيرة كنت بيضة كده بالظبط زيك روحت عديتها وقولت مش مهم
فوسعت منها بقى والقيها تقولى اصل كمان وانا صغيرة كانت عنيه ملونة كده بالظبط زيك فقولتلها يا راجل قالتلى اه والله ده انا كمان عنيا كانت لون عيون لميس فساعتها مقدرتش امسك نفسى من التقليس بقى
وقمت قعدت قلتلها وهو بقى كنتى لونى قبل الشوى مثلا وواحدة صاحبتى تانية تقولها وعينك كانت خضره ودلوقت مثلا استوت وبقت بقى شغلانتنا بس احنا كنا صحاب عادى يعنى عارفين ان ده هزار ومش بنزعل من بعض
ويوم بقى ملاية الاستمارات قعدنا نقول كمية افشات انا امسك الاستمارة واقعد افر فيها واقعد اقولهم الدلو الدلو الدلو والراجل الدلو يحب الدلو ونقعد نضحك ونفطس من الضحك على الافشات والميس حتجن احنا بنضحك على ايه واحنا بنملى استمارة
واقوم مناديه الميس واقولها معلش اصلى مش فاهمه الحتة دى طب والجزء ده مش عرفاه المهم قعدت اسالها لحد ما الست بقت حتجن منى
قالتلى فيه ايه هى كيميا فبتقولى انا اول مرة اشوفك هنا يا بت انتى معانا فى الفصل ده
قولتلها اه ياميس بس اول مرة اجى وما كنت باجى خالص فراحت قايلة لى اه يا حبيبتى الحمد لله انك مش بتيجى ده ربنا راحمنا
مع العلم انى كنت ملتزمة جدا والكل الحمد لله يحبنى ويحترمنى
ولا بقى ايام الاعدادية والدروس دى بقى بهدله تانية
بس انا رغيت كتييييييييييييييييير اوى النهاردة
كفاية كده عليكم لحسن تكرهونى

مع انه مش ظاهر عليكى
بس يلا ياما تحت السواهى دواهى
منوره بمغامراتك يا دريم

.. ولو فى مزيد ياريت .. نزيد ..

[~ NORA ~]

هههههههههههههه لا بجد حلوة يا دريم تسلمي
وبجد طلعتي هادية اوي ما شاء الله

[!!silent]

هههههههههههههههههه
كامدييييييييييين يا دريم

كملي

[~DREAM~]

ده انتى مشكله مش دريم
ده كله وهاديه

هههههههههههههههههه
لا والله انا هادية بس لما بتضرب بتحول ...هههه

[~DREAM~]

ههههههههههههههههههههههههه هههه

واضح انك هاديه اوى يا دريم

بنات اخر زمن

طلعتى عفريته زى ما توقعت

ههههههههه

بالتوفيق

ههههههههههههههههههههه
ايوة دة انا كنت نسمة
وهادية خالص

[~DREAM~]

هههههههههههه
لا واضح فعلا انك كنتي هاديه يادودي
مغامرات حلووووووووه اوي

هههههههههههههههههههه
ميرسى يا قمر
ربنا يخليكى ليا يا جميل




بس شوفتى الهداوة

[~DREAM~]

مع انه مش ظاهر عليكى
بس يلا ياما تحت السواهى دواهى
منوره بمغامراتك يا دريم

.. ولو فى مزيد ياريت .. نزيد ..

شكرا
أ/ عبد النبى
موضوع اكثر من رائع
شكرا على الاستضافة
وانشاء الله ارجع بمغامرات تانية احلى



تحياتى وتقديرى..
DREAM

[~DREAM~]

هههههههههههههه لا بجد حلوة يا دريم تسلمي
وبجد طلعتي هادية اوي ما شاء الله

ههههههههههههههههههههههههه
ميرسى يا جميل
والله هادية لدرجة ما تتخيليها

[~DREAM~]

هههههههههههههههههه
كامدييييييييييين يا دريم

كملي

ههههههههههههههههههههه
شوفتى الهداوة يا نور
حمد لله على السلامة
منوووووووووورة والله
انشاء الله ارجع بمغامرات تانية
عارفة الذاكرة ضاعت خالص ...ههههههههه

[~ man neO ~]

ثاانكس لــ dream
وانهاردا نستقبل مغامر وعضو جديد

..

وهى

..

اهلاويه وافتخر