☻☻☻ مغامـــــــــ شباب مصراوى كافيه ــــــــــرات ☻☻☻" ~ eyo ~"

**العاشقة المجروحة** · 28 - 3 - 2011, 03:00 PM

المشاركة الأصلية كتبت بواسطة لبنى مصر

فى اخر السنه بقى قبل الامتحانات بتاعة سنه تالته
طبعا بعد المغامره اللى فاتت سكنت انا وريم صحبتى حبيبتى فى سكن جنب سكن اصحابنا اللى اتحرق اصله كان كامل العدد عشان كده مسكناش فيه المهم فى يوم بنات السكن التانى كانو مسافرين كلهم ومنار صحبتى كانت هتقعد لوحدها فجبناها السكن بتاعنا وكان مطش الاهلى والزمالك يومها اتفرجنا على المتش وقعدنا نحكى شويه وبعدين اكلنا وغسلنا وهما نامو على الساعه 5 الفجر وانا قعدت صاحيه كده كده كان فاضل على الفجر ساعه وانا كنت هكتب حاجه كمان فقولت استنى المهم الفجر اذن صليت ع الساعه 5 وربع كنت نمت احنا التلاته نايمين جنب بعضنا فجاه صحينا على صوت ريم بتصرخ فانا متعوده فى بيتنا ان جدتى كانت الله يرحمها تصحى تصرخ كابوس وكده فاجرى اصحيها واقولها اعوذ بالله من الشيطان الرجيم واقومها
فقعدت اقول لريم بسم الله الرحمن الرحيم اعوذ بالله من الشيطان الرجيم اسمالله عليكى يا حبيبتى ومنار قعدت بقى زيى ونقرالها قران وهى باصه ع الشباك وتصرخ وتقول انا مش بحلـــــــم حرامى حرامى حرامى واحنا مستمريــــــــن ونقولها اعوذبالله من الشيطان الرجيم وهى تزعق وتقولنا انا متجننتش وتقطع فى الكلام وتقول فى فى فى حر حر امى كان هيدخل واحنا فاكرينها لسه بتحلم وخصوصا انا عشان كنت بشوف من جدتى ده كتير وبردو كانت بتقول حرامى وهى تزعق وتزعق وتصرخ عارفين الشخص لما يكون نفسه حد يصدقه ومفيش حد مصدقه احساس وحش هى كانت زى كده فى الاخر منار اقتنعت وقلتلها حرامى ازاى يعنى وصفتهولنا بقى عنيه حمرا ولابس تشيرت ازرق ولابس بنطلون اسود واسمر وشعره مفلفله اللى فيه المواصفات دى يعترف
فبدانا نصدق ونعيط وخصوصا مكنش فى الشقه غيرنا احنا التلاته
الجيش قلك ايه اتصرف
قومنا لبسنا اسدالات الصلاه مفيش وقت نلبس بقى وخلينا المشرفه تفتحلنا قولنالها واحده صحبتنا تعبت فجاه فى السكن اللى جنبنا ففتحتلنا وجرى على سكن صحبتنا اللى جنينا اللى هى يا عينى كانت بايته معانا الساعه6 ونص الصبح 7 الا ربع فى الحدود دى
بعدين فكرت فيها لقيت ان انا نمت 5 و ربع واكيد هو كان مستنى لحد ما ننام فعلى 6 وربع جه العلم ساعه بالظبط وربنا مع انى مبهتمش بالساعه نهائى بس فى اليوم ده شوفت الساعه قبل ما انام ويا عينى بقى على الخضه اللى احنا فيها والرعب
الباب يتخبط نصرخ حد يكلمنا فجاه نصرخ والبنات مستغربين مالهم دول وخصوصا اننا جيين الصبح بدرى وباسدالات بعدين قولنالهم تانى يوم روحنا لمينا هدومنا من السكن
وقعدنا فى السكن ده وحكينا لمرات صاحب السكن فصعبنا عليها وقلتلنا خلاص اقعدو وشيلو بعض وصعبت عليها انا بالذات قلتلى يا بنتى كل مصيبه ومصيبه بتحصلك سبحان الله لحد ما انقرضتى
بجد والله هو ده اللى حصل شوفوا بقى كم المغامرات اللى انا عشتها غلب وربنا غلب
دى سنه تالته عايزين رابعه ولا كفياكم

ايه يالبنى ده
فيلم أكشن ولا فيلم رعب
وبعدين هو مفيش سنة تعدى على خير كدة
لازم مغامرات ولا ايه ؟
انا لو منك مكملش دراسة

سلامى ليكى يا قمر

**ابو تريكه** · 28 - 3 - 2011, 03:06 PM

ههههههههههههههههههههههههه ههههههههههههههههه

كنت عارف انك مشكله يا لوبى

ربنا يكون ف عونه

مستنين سنه 4

بس اكيد دى فيها الشغل الجامد

اخر سنه بقى

**~ man neO ~** · 28 - 3 - 2011, 03:09 PM

المشاركة الأصلية كتبت بواسطة العاشقة المجروحة

فكرة هايلة يا محمود
تسلم أفكارك بجد
وربنا معاكم فى المغامرات دى
تحياتى ليك ياكبير

ثاانكس سماح .. وياريت تشاركينا

**لبنى مصر** · 28 - 3 - 2011, 03:10 PM

ههههههههههه
مرسى يا موحه وحشتينى
ماشى يا تريكه وليك يوم
يلا بقى كلكم عايزاكم تروحو قسم الابداعات
كتبت حاجتين فيهم كابه انا وهمى ، دنيا قاسيه
شوية حزن بقى مش كله ضحك ضحك
اللى مش هشوفه هناك هعلم عليه