دنيا قاسيه(ارتجالى)

[لبنى مصر]

بسم الله الرحمن الرحيم

دنيا قاسيه
قلبها قاسى ، قلبها جامد
عقلها رافض
يحن عليا
وبتشِّمت فيا
اعز ما ليا
قلبى الحانى
حذرنى من قسوتها
وانا كنت انانى
طمعت فى جمالها وحلاوتها
وجمالها جفانى
...................
دنيا قاسيه
لا صعبنا عليها
ولا فهمنا ماضيها
ولا قادرين حتى نجاريها
هنفضل لامتى نوطى نبوس رجليها
نستسمحها ونستنى العفو وفجاه تدينا القلم بايديها
.........................
دنيا قاسيه
بتقسى علينا ، وتغدر بينا ، وتجرح فينا
ههه
وتيجى تواسينا ، عايزه تراضينا
طب تيجى ازاى يا دنيا فهمينا
.....................
دنيا قاسيه
تقسى وتغدر وتجرح
وتطبطب على كتافنا وتصبرنا
هى شجرة القسوه للحنيه بتطرح
ولا هى بتستضعفنا وتستطًيبنا
وجيه تكمل علينا وبينا هتسرح
مخلاص يا دنيا جدا للدرس فهمنا
....................
دنيا قاسيه
تدينا الفرحه
نقول دى هتحلى هتغنيلنا وتطربنا
وف عز الفرحه
ههه
تسرقنا وتاخد منا حبايبنا
منلاقيش حد نشكيله جبروتها
حتى الدمعه مخرجتش قسوتها حبستها
مفيش حبايب يمسحو للعين دمعتها
مفيش حضن حنين
مفيـــــــــــــش
مفيش غير قسوتها
راحوا يا دنيا
مشيوا يا خاينه
مفضلش غير ذكرى ليهم
ماضى يفكرنا بيهم
وحنان انعدم برحيلهم
اندفن مع تراب بقى متاويهم
دنيا قاسيه

(بقلمى)
اسفه بان اعود اليكم بعد هذا الغياب بكل هذا الألم والحزن
ولكنها دنيا قاسيه

هذه كلمات ارتجاليه حتى ارتجلتها على الجهاز فلم اجد ورقه وقلم فعذرا اذا كانت لا تليق لمسامعكم
دمتم بكل الود

[جينا]

الرقيقة حتى فى حزنها
وشفافة بقلبها
وحائرة بدمعها
الاميرة الباكية
برقة الاحساس
لمسنا من خلال مشاعرك وكلماتك قمة حيرتك وقمة ابداعك بالارتجال دمتى بكل الحب وازاح الله همك وفسوة دنياكى
جينا

دائما مبدعة
دمتى برقة الاحساس

جيهان النمرسى

[لبنى مصر]

مشكوره حبيبتى جينا على مرورك
اسعدنى تواجدك كثيرا وكلامك الجميل
دمتى بكل الود

[العاشقة المجروحة]

تسلم ايديكى يالبنى
فعلا دنيا قاسية واحنا بقينا منها أقسى
على نفسنا وعلى غيرنا كمان
ربنا يتولانا برحمته يارب
وبالتوفيق
مودتى وتقديرى

[لبنى مصر]

تسلمى سماح على مرورك الكريم
ومرسى على كلامك
نورتينى

[نسيم الذكريات]

ما اصعب ان تبكي بلا دموع
وما اصعب ان تذهب بلا رجوع
وما اصعب ان تشعري بالضيق
وكأن المكان من حولك يضيق
ما اصعب ان تشعري بالسأم
فتري كل من حولك عدم
أوعي ياحبيبتي تصيري انتي والحزن والندم فريق
أوعي تكوني بين الدموع غريق
أوعي تنسي انه دايمآ في بكرة
جاي
ويتحول الامل الى بريق
اسمحيلي اكون لك رفيق وصديق
ودايمآ الجراح بسرعة بتطيب بس بدها وقت كتير عميق
‏*‏*
تفائلي خيرآ تجديه
تقبلي مروري

[لبنى مصر]

مرسى لكلماتك الرائعه اختى نسيم
فكلامك ادخل على قلبى التفاؤل
مرسى لمرورك الجميل
نورتييييييييييييييينى

[ميدو2]

لو جمعت لكى علم العلماء
وحكمة الحكماء
وقصائد الشعراء
عن السعاده لما وجدتسها
حتى تعزمى عزيمه صادقه
على تذوقها وجلبها
والبحث عنها وطرد ما يضادها
اتمنى الا تكون هذه الكمات
معبره عن احساس
اجمل احساس فى الكون

[لبنى مصر]

مرسى ميدو لمرورك الجميل
اسعدنى مرورك وكلامك الراائع
نورتنى واتمنى ان يدوم تواجدك فى صفحاتى
دمت بكل الود

[ابو تريكه]

مممممممممممممممممم

طبعا التوبيك روعه بس بيثير تساؤلات كتيره

بس هيه دى لذه الدنيا الفرح الزعل الضحك البكا

هى الايام كما عهدتها دول من سره زمن ساءته ازمان

ولا حزن يدوم ولا سرور ولا بأس عليك ولا رخاء

بجد كلمات تمس شغاف القلب وتمزق نياطه

ربنا يوفقك ويسعدك