المشاركة الأصلية كتبت بواسطة قطره ندي
بسم الله الرحمن الرحيم
عاملين ايه يااحلي اخوات ف الدنيا
الحمد لله
الامور بخير
بصوا بائه انا اول مره اكتب اسئله
ونشاء الله مش هتبقه اخر مره
إمممممممم
ربنا يستر
فيها أسئلة ؟؟!!
بصوا بائه هنعمل ايه
انا هختار عضو دلوقتي
وبعد ما يخلص ع الاسئله
هيختار عضوبعدي
متفقيين يالا
متفقين
و الأمر لله
الاسئله اهي
ها ...
1/من انت؟
أنا اسمى على
شاب مسلم
مصرى
عربى
أفخر بكل حته ف بلدى
و على يقين تام إن الاوضاع هتتغير
و كل حاجة هترجع تانى
زى الأول و أحسن من الأول كمان
ممكن نسميه تفاؤل ... لكن دا ميمنعنيش
إنى أوجه اتهام حاد و بشدة
لكل من قصر فى حق ربه
و أنا أولهم
و كفانا ما قاله أمير المؤمنين عمر :
" نحن قوم أعزنا الله بالاسلام
فإن ابتغينا العزة فى دونه ..أذلنا الله "
2/باقه ورد لمن تهديها؟
ناس كتير جدا
أولهم
والدتى و والدى
ولكل شخص معانا
هنا فى بيتى التانى
فى المنتدى
أتمنى ميكونش فيه حد زعلان منى
3/باقه شوك لمن تهديها؟
حاليا يا سلمى
أنا ههديها ل
(س & ص & ع )
و حسبنا الله و نعم الوكيل
ف مستقبلى اللى هيروح
بسبب غلطة أنا مكنتش
مسؤل عنها .. و ربنا يستر
4/اسوا خبر سمعته؟
خبر دخول والدى المستشفى
يعانى من مرض مش هين
لكن الحمد لله
5/شخص لا ترفض له طلبا؟
أمى ... و إن كنت أحب
أهزر معاها ..لغاية
مأخليها تضايق ..
و بعدين أنفذلها اللى هيا عايزاه ..هههه
6/من يطربك؟
أنا حاليا أدرك تماما أن الأغانى هى
لهو الحديث ...
لكن أنا بحب أسمع لهشام الجخ
و تميم البرغوثى .. و أحمد بخيت
عموما أنا بحب أسمع الأشعار
7/ماهي التجربه التى تتمني تكرارها؟
ياااااااه
لو تسمحيلى أنا هطول شويه
أصلى هحكى قصة حصلت معايا
هوا عموما فى الفترة دى أنا كان عندى تقريبا
10 أو 11 سنة ..اللى حصل إنى كنت باطلع البحر
كده أخويا عمر .. يعنى بنطلع نصطاد و كده
فالمرة دى طلع معانا فيها والدى .. و أنا كنت سعيد جدا
أينعم أنا كنت ساعتها صغير و حتى كنت بخاف من البحر
و كانت عندى اصابة ف رجلى اليمين لازال أثرها موجود
حتى الأن ..لكن الحمد لله ..اللى حصل ركبنا الفلوكة
و الفلوكة دى زى مركب صغير عليها موتور بيحركها ..
يارب الصورة تكون وصلت
الجو جميل و البحر هادى .. وعمر كمان كان بيقول شعر
يعنى كان يوم لا يمكن أن يوصف .. يمكن ف سنى
أنا كنت أول مرة أكون سعيد للدرجة دى
على الرغم من إنى كنت خايف
علشان مكنتش أطلع كتير إلا إنه تقريبا
والدى لما كان جمبى كان دايما
بيعمل تخدير للخوف دا و أظهر أنا بصورة كويسة
أنا أسف يا شباب هستخدم كلمة انا كتير
و هتكلم بالعامية .. لإنها تجربة شخصية
اللى حصل عدى اليوم زى الفل و الحمد لله
تقريبا الجماعة كانوا ناويين على بيات
فجه الليل و الجو ابتدى يتغير و البحر ابتدى
يكشر عن انيابه .. و عينك ما تشوف إلا النور
و موجة من هنا و موجة من الناحية التانية
و أنا قعدت أبكى و حسيت إنى مش شايف
لكن انا كنت صغير ..و مسكت ف والدى
و هوا يقولى سيب .. و أنا لا ...
هههههههههههههه
أقسم بالله العظيم أنا مش باكذب
لكن كل الحكاية إنى انا أو إحنا بالفعل كنا هنموت
و يقال إن المشوار ده قلب حياتى تماما
خلانى مش على بتاع زمان بشهادة أفراض الأسرة
و أنا كمان ابتديت أفكر بصورة غلط .. حاجات ف عقلى
كانت دايما مكبوتة ابتدت تتحرر .. و ابتديت أقول حاجات
مش كويسة ... يعنى تقريبا .. حصلى غسيل مخ
المهم ربنا ستر و طلعنا من المشوار دا بفضل الله أولا
و كفاءة القائد المحنك ... أخويا عمر ..
و على رأى المثل :
المركب اللى عليها ريسين تغرق
فبس يا سلمى
أنا أتمى أكرر التجربة دى تانى بس
دلوقتى علشان اللى حصل أيام زمانى كشفنى قدام نفسى
على حقيقتى ... و خلانى أظهر زى ما كنت عاوز
مش زى ماهما عاوزين
أو زى ما المفروض أكون ..
بس ... و أنا الحمد لله كويس دلوقتى
8/من هو توام روحك؟
لا مفيش حد خالص حاليا
يمكن كان ممكن أجاوب حضرتك
على السؤال ده من فترة قريبة
لكن تشاء الظروف إنه يمر بظروف صعبة
تخليه يتغير .. و أنا أتغير و منرجعش زى الأول خالص
9/ماهواكثر شيئ تخشاه؟
إنى أموت ... و أنامأديتش كل حقوقى اللى عليا
10/ماهو الشيئ الذي يشعرك باكبر قدر من الاحراج؟
ممكن أأجل الاجابة على السؤال ده ؟؟
11/نزار شاعر المراه انت شاعر من؟
عموما أنا بحب الشعر .. لكن مس بحب نزار
أنا جربت أكتب شعر قبل كده كتير
و بالفعل كنت باكتب أشعار ليها معنى
و حاجات كنت حاسس بيها ...
لكن الدنيا د غريبة جدا ..
ابتديت أستتفه الموضوع ... وخصوصا إنى
مكنتش دارس علم العروض و كان الشعر بتاعى
دايما بيكون مكسور .. و كانوا بيطلعولى أخطاء كتير
لكن كانت محاولات صبا أصابها قدرمن النجاح
فتراكم عليها الاهمال .. فهلكت
الباقى منها ... بعض الأفكار
بعض الكلمات
بعض الرموز
طراطيش حروف
و كان الله بالسر عليم
12/حمام زاجل استقر علي نافذتك يحمل رساله
ممن تتمني ان تكون؟
يااااااااه
حمام زاجل
أيام العصور الذهبية
و النفوس القنوعة الراضية
ممكن تكون من واحد هوا دلوقتى ف بالى
و غالى جدا عليا .. هيا بصراحة أستاذة عندنا فى الجامعة
أتمنى ربنا يكرمها و تاخد الماجستير ..
ياريت تدعولها
13/جريمه تتمني ارتكابها؟
القضاء على كل شخص موجود ف مكان
و عارف إنه مش مكانه .. و برده عاوز يكمل
14/قطعه فحم وجدار نظيف ماذا سترسم ع الجدار
صدقا و بجد يا سلمى أنا من هواة الكتابة على الجدران
نشأت عليها و بقت جزء منى حتى يمكن و انا و بذاكر بمارس
الهواية المفضلة و هى المتابة على الجدران .. لكن أنا مش باعرف أرسم
لكن ممكن أرسم
نجمة ف السما
و بير كبييييييير
جواه واحدة ..جميلة المظهر
لكنها تبكى و بشدة ..و أصابها الرعب
لكن يبدو عليها الاجهاد كما إنها
لم تلتفت لنفسها منذ فترة و لم تنظر للمرأة
فأصابها قدر من التراب .. لكنه سهل الازالة
فوق الغار .. مجموعة جنود يبقونها بالداخل
لكن صدقا لا أدى احساسها تجاه الجنود
ربما تكون خائفة منهم
ربما لم تلحظ وجودهم طول تلك الفترة
ربما طوال تلك الفترة كانت تظنهم هم من جاء لإنقاذها
ربما .. ربما ..ربما ...ربما
تعددت الاحتمالات .... والخوف واحد
وماذا تكتب تحت الصوره؟
هكذا كنا ... النجم فى السناء
و هكذا صرنا ...غطانا التراب فى الغار
و هكذا سنكون مالم ندرك الحقيقة
و العلم عند الله
15/كلمه اخيره بعد ان اصابك الملل؟
أنا لم أصب بالملل قط سيدتى
و هذا ما دفعنى لأجيب على أسئلتكم دفعة واحدة
لا بجد و الله يا سلمى
أنا مش مليت من الأسئلة بالعكس
أنا حسيت بإنى رجعت أياااااااام كتييير لورا
جزاك الله كل خير
16/شخص وعدك بشي مهم جدا بالنسه لك واخلف وعده
ماذا ستقول له؟
أكيد هعذره ... لإنى لازم أقدره
وهسامحه ...
و انا مش باكذب
خلاص خلصت الحمد لله
يالا باه عايزه اشوف الاجابات دي اول مره اعمل اسئله
الحمد لله
إممممممممممممم
فى البداية أنا متأسف جدا يا جماعة
علشان انا مقصر معاكم
لكن و الله انا هحاول أرجع زى الأول
شاكر جدا لحضرتك على الاستضافة
أتمنى مكونش طولت عليكم
أتمنى تكونوا فهمتوا أنا عاوز أقول ايه
و ياريت كل واحد بيتدى يغير من نفسه
أنا متأسف جدا
لإنه مجتش فرصة أعلق على اسئلة حد تانى
لكن أنا كنت متحمس جدا للفكرة
و الايام حكمت عليا مش ليا
جزاكم الله خيرا
دمتم بأمان الله
رد مع اقتباس
