●{~ ايـه الى حســل تــه ؟؟؟ ~}●

[♥بـونـبـونـايـه سـكـره♥]

السلام عليكم

انا عاوزه اعرف ايه ته؟؟؟



هل ته فلول النزام الئديم ؟؟
ولا تعصب كروى .؟؟؟
ولا مصارعه حره ؟؟؟
ولا ايه بالزبت يعنى
انا عاوزه افهم

استفادوا ايه من الى عملوه ته
بس اكيد الى عمل كته
مش مصريين
لان المصريين الى بكد
بيخافوا على بلدهم و يحافظوا عليها
و اكيد هما مش من نادى الزمالك
لان نادى الزمالك تول عمره بيلعب
وعمر ما جماهيره عملت حاكه زى تى ئبل كته
وبعتين فى الاخر كلنا احنا مصريين
والمصريين معروفين ببـ اخلاقهم الكويسه
وحسن ضيافتهم للضيوف الى بيكوا ليهم

وعلى فكره
مش هما دول الى كانوا موجودين فى التحرير
فى ثورة 25 يناير

ومش هما دول الرجاله
الى كانت وائفه فى اللجان الشعبيه
وئت ما البلد كانت بتنهار
ومش دول الرجاله الى نضفوا شوارع مصر
ودهنوها و رجعوها احسن من الاول

اكيد مش همــــآآآآ

لاكن السؤال ناو ؟؟؟
مين دول؟؟؟
اكيد كلنا عارفين



بكد انا بعتذر للشعب التونسى
بالنيابه عن كل مصرى

و عاوزه الكل يدخل يئول رأيه
فى الى حسل انهارده ؟؟؟؟

[العاشقة المجروحة]

اولا احب احييكى على موضوعك ده
ثانيا انا اهلاوية بس لما شوفت اللى حصل ده
انزعجت جدا وفعلا قولت اكيد دول مش مننا
لان حتى لو هما من مشجعين الزمالك مكنوش هيجوا على اخر الماتش
ويعملوا الهرجلة وقلة الادب دى
احنا شعب بنحترم انفسنا وبنحترم الاخرين
وده برده تقصير من امن الاستاد ازاى يحصل كدة
وايه اللى كان لابس جلابيه ده
اول مرة اشوف مشجع فى الاستاد بجلابيه
وعذرا لكل اللاعيبة سواء الزمالك او الافريقى التونسى
حسبنا الله ونعم الوكيل فى المخربين
تحياتى ليكى يا قمر

[ابو تريكه]

فعلا حاجه غريبه اوى مشفنهاش قبل كده

مش عايزين مصر تبقى كويسه بيحاولو يخربروا ويدمروا

دايما يا سولى مواضيعك مهمه اوى

كنت ناوى اكتب عن الموضوع ده

عمرك اطول من عمرى

هههههههههههه

[hanybehairy]

فى الاول احب اتوجهه لاعتذار لخواتنا فى تونس ولكل المصرين الشرفاء
حقيقى صعب الكلام
صعب اننا نشوف دة من مصرين
ال عمل دة اكيد مش مصرى ولا ولو قابض او حد حرضه
صورتننا بقيت ايه الان امام العالم

لو قبضت فلوس او حد حرضتك يسوى ايه ال حصل
يا ترى فلوس العالم او حد زقك بكلمة تعمل دة

حد هيقول ثورة مضادة كفيانا بقى الكلمة دة عيب
دى شى لا يصدق ال حصل ال حصل دة مؤامرة على شعب

ليه تكسير حتى المدرجات والشباك الملعب

اللى حصل دة ونزل الناس بشرراه وحقد كانهم فى حالة غليان وحقد على المتواجدين

اشمعنا التجاوز بيحصل فى وقت معين ورسالة ايه ال عاوزين يوصلوها؟؟؟

حد يرد ليه التجاوزات بتحصل فى اوقات معينة ؟؟؟؟؟؟

فين الامن 6 الف جندى من الامن المركزى بتفرج ؟؟؟؟

فين الجيش ال كان بتملى المدرجات بملابس مدنيه ؟؟؟؟

وليه لم ينتشر الجيش حول اسوار الملعب ؟؟؟؟

لصالح مين ال بيحصل دة فى مصر ويشاهدة العالم ؟؟؟؟؟؟؟؟؟

بكره فى وقفه امام السفارة التونسيه لتعبير عن حبنا و أعتذارنا كئتلاف ثورة وفنانين و مصرين ؟؟؟

[~ man neO ~]

الفساد مادام موجود .. فلا نندهش بالمفعول
لسه الفساد موجود وجزوره لسه قويه لم تضعف بعد ..
ما دام جزرها الاكبر .. يتمتع بحياته ولم يحاسب بعد ..
واللى حصل انهاردا ده مهزله بمعنى الكلمه ..
بتاكدلى ان اللى حصل ايام الجزائر ومصر كنا احنا بردوا سببه .. حسبى الله ونعم الوكيل
..
طيب نقول مثلاً رداً عن الجماهير اللى نزلت هناك فى تونس ..؟
طيب اللى نزلم هناك تقريباً كانوا 5 على الاكثر ..
طيب ينزل ضعفهم 3 اضعافهم 4 اضعافهم 5 اضعافهم .. مش اللى حصل ده ..
..
وبعدين لما نزلوا هناك بيضيعوا وقت علشان كسبانين ..
انتوا نزلتوا ليه ؟؟ ... كاتكم ستين وكسه ..
هو الشعب المصرى هيفضل فى تخلف كده .. ماهو ده تاثير النظام القديم
لا نبكى على اللبن المسكوب ..
لكن لازم نتعلم ازاى نحافظ عليه .. وما يسكبش منا مره اخرى
ونقدم للاخوه التونسين اعتذارنا لهم .. ونحن اسفون على ما حدث ..
من اللا وعى ..

ثاانكس سولى

[~DREAM~]

طبعا الموضوع ادهش بل افجع الجميع
بس ما حد يفتكر ان ده شعبنا ولا ده جمهورنا ولا دول مشجعين فرقنا
الى حصل واضح وضوح الشمس بكبد النهار
السنة الفساد ما زلت ملتهبة لتشعل النار بالشعب المصرى
الموضوع اظن باين ما حد يقنعنى ان ده تعصب كروى ولا انه خوف من اللهزيمة
ولا انه ده فريق لينا الموضوع له ابعاد تانية كتير يمكن ما تخطر كلها على البال
ابعاد سياسية كله بيتمنى يعرفها
بعتقد ان الى حصل كان تكملة بسيطة لتمسيلية فاشلة
بدات بعدم القبض على الرعية الفاسدة
رموا حبة كبش فداء وسايبين البقية والمصرى اليوم يستضيف سرور
باى هدف يعنى مش فهمه؟؟
هل كانوا ابطال علشان نمجدهم ؟؟ ليه ما اتقبض على الباقى لحد دلوقت
هل الى بيحاولوا خدعنا اننا ازلنا الفساد فاكرين ان احنا بالغباء الشديد ده
هل دفعنا ارواح ودماء شهداء شرفاء لتكون النتيجة بالنهاية خداعنا
الغلطان لازم يتحاسب والى بيستهين بينا لازم يدفع الثمن ويعرف مقداره
اوعوا يا جماعة حد يفكر ان احنا دول
لا زملكاوية او اهلاوية احنا بالنهاية مصرين وما اظن ان احنا الى نعمل كده
واكبر دليل على كده تعاطف ناس كتير من الناس المحترمة وتقديم الاعتذار لتونس
بجد احنا فعلا بتقدم ليها باعتذار رسمى
لان هى دى اخلاقنا وده الى بيثبته وحيثبته الاتاريخ
ميرسى سولى انك تحتى باب الحوار بالموضوع المهم ده
تحياتى
DREAM

[~MAGDY~]

بوصو ياجماعه اللى حصل ده لامن الشعب المصرى ولا النظام القديم واول واحد نزل الملعب كان شكلو باين اوى انو تونسى راح نزل وراه حبه كمان من التوانسه وانا مش بلوم علهم بس لما جماهير الزمالك شافت كده قالت تظيط فى الظيطه زى ونزل ويعنى مش معقوله الراجل ابو جلبيه ده تونسى ولا من النظام الراحل ههههههه ويارب تكون فكرتى وصلت وتحياتى لكل الشعب المصرى والتونسى كمان وشكرا ياسولى على الموضوع الحلو ده

(ملحوظة) انا اهلاوى على فكره وحقول حاجه بس ياريت اى زمكاوى فى المنتدى ميزعلش منى وحقول (الزمكاوى يرفع جلبيته) ههههههههههههه انا بهزر اوعى حد يفتكر انى بعايب وشكرا

[قطره ندي]

انا بصراحه مش عارفه اقول ايه حاجه وحشه
جدا ان الاقي ناس بالطريقه دي بعد الثوره الي
ظننينا كلنا انها هتغيرنا والوحش هيبقي كويس
والكويس هيبقي احسن اول ماشوفت الموقف ده
انا مسدئتش ان احنا ف مصر وده ستاد القاهره
الي تئريبا ادمر نهائي هما يعني كانوا عايزين
ايه يعني هيستفادوا ايه لما عملوا كده
وبصرف النظر عن العمل كده سواء مصريين او
تونسه ليه عملوا كده
بجد انا بعتذر للشعب التونسي عن كل الي حصل
وربنا ما يجيب اي حاجه وحشه تاني
تسلمي سولي دمتي ف الق باهر ياقمر

[hadede]

كل شيئ جميل فى البلد يتحقق بعد الثورة

يحاول انصار الفساد تعكير

صفو المصريين

وباذن الله مهما حاولوا فستكون مصر افضل حالا مهما حاولوا من نشر الفوضى

حفظ الله مصر وبارك الله فى ابنائها الشرفاء

بارك الله فيك

ودمتى فى حفظ الله ورعايته

[♥بـونـبـونـايـه سـكـره♥]

عمتا ربنا يهديهم
منورنى والله
بارك الله فيكوا ^_^