ابليس يبحث عن اعارة او عقد عمل !! يعنى اية ؟

[شيخ البلد]

علي باب سفارة كندا ..

لمحت إبليس وف إيده إستمارة ..

بقول له علي فين ..

قاللي بص ..

يا هجرة يا إعارة ..

يا عم زهقت كفرت ..

ألاقيش معاك سيجارة ..

أنا انتهيت خلاص ..

لا نافع وسواس ولا خناس ..

ولا ليا عيش وسط الناس ..

دي عالم مجرمين ..

عندكو فائض ف الفساد

في كل البلاد ..

ومش محتاجين شياطين ..

مليش عيش ف البلد دي

بقالي سنين عاطل ..

وانتو بتعرفوا

تقلبوا الحق باطل ..

وتمشوا ف جنازة القتيل ..

وتسلكوا القاتل ..

ومفيش مشاكل ..

ياعم ده أنا بقيت أوسوس بالمقلوب ..

وأقول للحرامي كفاية بقي ..

إنت مش هاتوب ..

يعني إنت هاتعمل كل الذنوب لوحدك ..

وأنا إبليس ..

أشتغل واعظ

ولا كمساري ف أتوبيس ..

ياعم ده أنا زمان ..

كنت أستني حد ينسي يسمي

وهو بياكل لقمته ..

دلوقتي كل أكلكم ملوث

وبصراحة الواحد خايف علي صحته ..

ده مفيش ضمير أساسا ..

عشان أموته ..

وكل واحد بمزاجه ..

خربانه ذمته ..

يا راجل ده من كتر ما لطشت معايا ..

خرجت ف مظاهرة ..

مع الناس اللي بتقول كفايه ..

وبرضة مفيش فايدة ..

[طيف عابر]

معه حق يهاجر ومش لازم نلومه
مش بس للاسباب يلي زكرها

وكمان لانه في ناس اخبث واقوى منه
اكيد صعب يعيش معهم
تسلم الايادي شيخ

ياعم ده أنا زمان ..

كنت أستني حد ينسي يسمي

وهو بياكل لقمته ..

دلوقتي كل أكلكم ملوث

وبصراحة الواحد خايف علي صحته ..

[شيخ البلد]

بارك الله لنا فيكى سيدتى العزيزة
و لا حرمنى سبحانة و تعالى من مروركم الكريم

[شمس الأصيل]

هوده كلام

لألأ غلطان

مش كان يكمل تعليمه

كده يفضل على قديمه

العلم نورن برضه

امال ايه

أهه أقله

يدخل مدرسة

اسمه ايه

ويتخرج شايل الشهادة

ويفرح أمه

اسم الله عليه

مش كده صح

طيب يهاجر ليه ؟!

من تسعيات شمس الأصيل

[شيخ البلد]

استاذتى العزيزة شمس الاصيل
شاكر لكى مرورك الكريم و اضافاتك الغالية
لا خرمنى الله من مروركم الطيب