فتاه قالت لسوداني ياأسود ...بصوا بقي قالها ايه؟

[شيخ البلد]

MoOoRa واكيد هما كمان هيكون معالك و صحبتك حلوة يا بشمهندس وطريق زراعى ان شاء الله .... نورت الموضوع وشرفتنى يا مورا

هموسة طبعاً انتى اكتر وحدة منحازو للموضوع دا عشان طبعاً خطيبك اسمر بس لازم تردى بالنصيب يا بنت ... شكراً همس على الكلمات الجميلة و المرور الاجمل .

بنت بلادى وانا احيكى على ظهورك على الشاشة وانصحك تشربى شاى الفراشة ..

اختنا العزيزة شمس الشموسة بارك الله لنا فيك و علمك ما ينفع ونفع بما علمك ...

لا حرمنى الله منكم جميعاً

[شمس الأصيل]

هي ماتعرفش ان البتجان الاسود بينفع في أيامناالهباب دي

وكله لون اسود

بتتأمر على ايه

وبعدين مش عاجبها وهي هتموت عليه في الفساتين ولا الشنط ولا ولا

ولا الماسكات السودا

تدخل عند أي كوافيرة يجلك حالة ذعر مفاجئ توقف كل أنشطة الجسم الحيوية واللي مش حيوية

شكرا يا شيخ البلد

[شيخ البلد]

استاذتى الغالية شمس الاصيل
بيعجبنى فى حضرتك نظرة التفائل للمستقل
دانتو هتشوفى ايام
ولكن كيف نبتأس و نحن فى دولة
رئيسها : مبـــــــــــــــــــــــ ــــــارك
ورئيس وزرئها : نظـــــــــــــــــــــــ ـيف
ووزير ماليها : غــــــــــــــــــــــــ ـالى
ووزير الداخلية : حبيــــــــــــــــــب
و رئيس مجلس شعبها : ســـــــــــــــــــــرور
ورئيس شورتها : شــــــــــــــــــــــــ ـــريف
و مستقبلها كله : جمـــــــــــــــــــــــ ـــــــــال
لازم نستبشر خيييييييييييييييييييييييي ييير

وعلية العوض
لا حرمنى الله من مروركم الكريم

[Young DeviL]

كنت متفائله لحد ما شفت ردك علي استاذه شمس بصراحه انا بموت في ردودها بجد بتفكرني بمامتي الاصليه((الحقيقيه يعني))

بس خلاص بقي بسم الله ما شاء الله عليك لازم تنكد عليا يعني كده

بس بصيت في الصوره الرمزيه بتاعتك جالي تفاؤل مفاجي الواد بصراحه زي العسل يا اخواااااااااااتي

نخلينا في الموضوع بقي

هو السمار نص الجمال عندي واحده صحبتي سمرا بتلبس شويه طرح جنان والمشكله ان الحاجات دي مبتلقش فيا انا بس تعمل ايه خلقه ربنا بقي

وفعلا اللون الاسود انا بعشقه في اللبس جدا وبحب النجوم اللي لولا السواد بتاع الليل مكناش شفناها والحجر الاسود اللي قدره سيدنا محمد_صلي الله عليه وسلم_ وقبله

هو فعلا اللون الاسمر حلو جدا والواد اللي رد علي البنت اللي فرحانه بنفسها دي واحد جدع وعاقل لانه عرف يرد من غير ميتعصب عليها

[jewel_lowis]

بيقولو السمار نص الجمال
بس بيقولو بردو
البياض الجمال كله

هههههههههههههههههههههه

ده مثل على فكره مش كلامى


بس اللون مش هو الفيصل فى شخصيه الانسان
وللاسف فى بلاد كتير بتفرق بين السمر والبيض وبتدى حقوق كتير للبيض مش موجوده للسمر

هانقول ايه

ليك يوم ياظالم

وشكرا على الموضوع

[شيخ البلد]

الشيطونة الصغيورة مبدئياًَ على فكرة بقى اصلاً مرورك لوحدة مشرفنى ... وخدالى بالك انتى بقى... اما بالنسبة للتشائم و التفائل فالواحد شاف يومين برة البلدى خلتينى افهم الناس زعلانة لية من مصر.. برة حسيت فعلاً انى بنى ادام.. اي والله يا ستى ..و الادها و الامر ان كنت فى بلد عربى يمكن مستوى التقدم الفكرى والعلمى و الدينى اقل من مصر بمراحل ... ولكن هناك راعى يراعى الله فى رعيتة واخرون من الله لا يخافون ... اما بالنسبة لصحبتك السمراء إللى عندها طرح كثيرة مش ليقة عليكى فا انا فهمت انك عوزة تعرفينا ان انتى بيضاء بس احنا مش غرب و مش هتفرق معانا والله انك سمراء عادى يعنى دا حتى السمار 3/4 الجمال .. اما بالنسبةللرد الجميل بتاع الفتى الاسمر فا للحكاية بقية


نجمة مصراوى jewel_lowis
لك يوم يا ظالم ...
الفكرة فى انها عادة سيئة ظهرة فى امريكا الشمالية قديماً و انتقلت للسادة العرب المحترمين و نمت ... ولكن هذا لا يمكن تفسير إلا بالكبر او الغرور ... المهم بقى يا ستى عشان الموضوع ميكبرش لانة دا عاوز قعدة و لمة ... مشكرين على مرورك الطيب فهمانى بقى اواى انتى !!!

لا حرمنى الله منك جميعاً وزادكم جمالاً فى خلقكم و زادكم جمال الجمال فى خلقُكم و اثابك فتحاً قريباً ...

[Treka]

ميرسى كتير يا شخنا الغالى
والحلاوة مش بالابيض ولا بالاسود
الحلاوة بتبقى بالروح




شكلك وحش اوى يا شيطانة شخنا افسك

[توريس]

[quote=شيخ البلد;89198]فتاه قالت لسوداني ياأسود بسخريه...بصوا بقي قالها ايه؟؟؟؟؟



تقولين أســـود ؟؟؟
تقولين أســـود ؟؟؟
وكل من يزور الكعبة يقبل لوني بانحناء
السواد هو صندوق سر لرحلات الفضاء
السواد هو بترول مبدل صحاريك لواحة خضراء
لولا السواد ما سطح نجم ولا ظهر بدر في السماء
السواد هو لون بلال المؤذن لخير الأنبياء
لولا السواد لا سكون ولا سكينة بل تعب وابتلاء
تقولين أســـود ؟؟؟
تقولين لي أسود

والسواد فيه التهجد والقيام والسجود والرجاء
فيه الركوع والخشوع والتضرع لاستجابة الدعاء
فيه ذهاب نبينا من مكة للأقصى ليلة الإسراء
لو ضاع السواد منا علينا أن نستغفر ونجهش بالبكاء
عــــزيزتي
تأملي الزرع والضرع وسر حياتنا في سحابة سوداء
اسمعيني والله أنتي مريضة بداء الكبرياء
أنصتي لنصيحتي يا مرا و لوصفة الدواء
عليك بحبة مباركة من لوني مع جرعة من ماء
أنا لست مازحاً وستنعمين والله بالصحة والشفاء
سامحيني يا مغرورة لكل حرف جاء وكلمة هجاء
وكل ما ذكرت هو حلم في غفوة ليل أسود أو مساء
لا أسود ولا أبيض بيننا في شرعنا سواء
كلنا من خلق الله الواحد نعود لآدم وأمنا حواء

لايسعني الا ان اقول قول المولي عز وجل ( ومن اياته اختلاف الوانكم والسنتكم) صدق الله العلي العظيم

[evil heart]

تسلم يا مان علي الموضوع الجامد ده

[مرسال الغد]

موضوع جميل قوى ..تسلم ايدك ياشيخ البلد