مواقفك عندنا....معنا..

[~eyo~]

أجوبة رووووعة يا eyo وأحلى حاجة حصة الجغرافيا بنتبسط بجد

ههههههههههههه
طبعا دي المتنفس
بتاعنا متنسيش
الحصة الجاية هنسافر
لليونان ههههههههه
منور يا قمر

[~eyo~]

في انتظار الامامير حبايب قلبي
(نسيم الذكريات_لؤلؤة)
مستنينك يا عثاثيل

[~eyo~]

وفي انتظار كمان حبيبة قلب
ميرو المصرية
يلا يا بنانيت بمجمع البنات
اللي عملناه ده
مستنينك يا قمامير

[لبنى مصر]

بالنوسبه لانك اختارتى مروه يا يويو وهى اختى فأكيد كل مواقفها انا عارفاها
وهى فوضتنى اقولها عشان هى من البيت للمدرسه للدرس لشغل البيت عشان انا مأنتخه وطالع عينها
فمش هتعرف تدخل
فانا هقولكم مواقفها
ثوانى ورجعالكم

[لبنى مصر]

ولا اقولكم عشان اتضحلى ان فى حاجات مش عارفاها
فهقولها وهى تجاوبلى وانا اكتبلكم
اشطه

[لبنى مصر]

هى جيالكم اهيه بلحمها ودمها
بتغروها انتو يا جماعه

[(كريم)]

هههههههههههههههه
مستنينك يا ميرو

[ميرو المصريه]

1\موقف حسيت فيه ان كل الناس بتحبك؟
لما اكون تعبانه زعلانه مضايقه
2\موقف استحقرت نفسك فيه؟
لما اعمل حاجه تغضب ربنا
3\موقف حسيت ان امك عايزة ترميك من البلكونة بعده؟
لما ازعلها او ابوظ حاجه
4\موقف عرفت ان امك او ابوك قريب منك وانت مش حاسس ؟
لما كنت تعبانه
5\موقف حسيت فيه انك في نص هدومك؟

مره كنت فى الحمام فسمعت صوت حدى قبل ما حتى يخبط افتكرت حد منم العيال اخواتى
اشتغلت اغنى واقول انا هنا انا هنا دلوعه دايما عودتنى على كده صالحنى احسن
اصلا دول اغنيتين فى بعض انا هنا انا هنا يا ابن الحلال
وانا كده انا كده دلوعه دايما
دخلتهم ف بعض بقى راح بابا كح فعرفت ان هو اتكسفــــــــــــــت

5\موقف حسيت فيه انك زي ما تكون شارب حاجة؟
مره كنا هنتعشى فالبت شيماء نادتنى فكانت معلقه معايا اغنية بتاعة افراح اسمها زوقونى اوو جهزونى فى شقتى مش فاكره
وماشيه وبرقص ومش شايفه من الستاره وكان بابا بردو قاعد وقلبت الاغنيه وقعدت اقول كهربونى فى شقتى والبت لبنى وشيماء قعدو يضحكو راح بابا قال مالها مروه مكنش سمع الظاهر راحت شيماء المضروبه قلتله عايزه تتكهرب
فطستنا اكتر وانا مت على نفسى واتكسفــــــــــــــــت بردو

6\موقف عملتو في مدرسك واتقلب ضدك؟
هو ان مره كان عليا درس فحطيت ف الكراسه عقرب بلاستك فالاستاذ اتخض
بس ماتقلبش ضدى الحمدلله
7\موقف حصل مع بنت لو كنت ولد ومع ولد لو كنتي بنت؟
انا اصلا فى مدرسه مشتركه
ففى مواقف كتير بتحصل تضحك
مره صحبتى هى تخينه شويه فقالت لولد عايزه قزازة ميه اشرب فاتنين ادولها
فقالت ده كله ليا راح ولد تالت قلها بس يارب يكفى ادوب على قد

8\موقف عملته في ابوك او امك وحسيت انو مش هيعدي على خير؟
بابا مش بنتكلم معه كتير وامى مش بعمل فيها مواقف
9\موقف حصل مع اخوك او اختك وكنت حاسس انك شوية و هطلع السكينة؟
البت شيماء بردو زى لبنى نفسنا نموتها دايما تخلينا نتنرفز مره مسكتها وقعد اخبط راسها ف الحيط واقولها انا هموتك انهرده وهى تضحك وتنرفزنى واخبطها اكتر فراحت لبنى جت تجرى تفلفصها منى وشغاله بتضحك بردو
كنت زى الغوله

10\موقف حصل لك في لجنة الامتحان؟


11\موقف اضربت فيه؟
لا مفيش غير من الاستاذ لما كنت صغيره علشان الواجب
حتى امى وبابا محدش مد ايد فيهم عليا
12\موقف ندمت انك اتكلمت فيه ؟
مره اتكلمت مع واحده صحبتى فى حوار
فقالته لوحده تانيه
بس اتعلمت من الموقف انى ما احكيش مع اى حد
13\موقف حصل معاك وحلمت بيه؟
لا مفيش مش فاكره بصراحه
اصل نادر لما بحلم
مش زى لبنى كل حاجه تحلم بيها تحصل لحد لما طهقتنا
مره حلمت اننا انا وشيماء وعمتى رايحين مع جدتى الله يرحمها وراكبين العربيه معاها بعد ما ماتت
وهى بتشاورلنا من بعيد هى وامى بس الحمد لله لحد دلوقتى محصلش حاجه
ربنا يستر
دى الحاجه الوحيده اللى متحققتش فى احلامها
يارب متكونوش مليتو منى
ومرسى يا يويو ع الاستضافه
وحشتونى كلكم والله

[(كريم)]

هههههههههههههه
لا مواقف حلوة
بس اظاهر شيماء دي
مصدر القلق في البيت
زي عمر كدا تمام

[لبنى مصر]

بالظبط هى كده
بس اكيد عمر غلبان عليها اوى اوى
دى جباره يا ابنى
دى مش سايبه حد ف حاله
ده بابا بيخاف منها