مواقفك عندنا....معنا..

[~eyo~]

نورتى من جديد يا يويو

ف انتظار العثاثيل نور ورورو

ده نورك يا محمود
مرسي لزوقك بجد
-----------------------------
في انتظار القمرات

[brokenheart]

ههههههههههههههههههههه
لا جامد بجد ايه كل ده
بتعمل مع اختك زي بالزبط
وبعدين خناقة ايه اقولك ان والعيال
اصحابي كل ما نيجي نعمل متش
يقلب بخناقة وعندي متش بكره تعالا احضروا
واتخانق شويةمنورة والله
وفي انتظار المدبس الجديد

ههههههههههههههههه

لا انت اللي بتعمل زيي بقي
وبالنسبه للماتش ف اظاهر ان فاتني .. خيرها في غيرها ان شاء الله
اما بالنسبه لمنورة دي ف نو كومنت عشان دي هيطير فيها رقاب
والدم هيطرتش في المنتدي كله دلوقت

[roro_rawan]

زي ما أنتم شايفين الموضوع عن المواقف هنختار عضو أو عضوة ونعرض عليه شوية مشاعر وأحاسيس ويقولنا إيه الموقف اللي كان فيه وحصل وحس
ساعتها بالاحساس ده:
يلا بينا
1\موقف حسيت فيه ان كل الناس بتحك؟
مش عارفه بس كان مره وانا فى 1 اعدادى
مازن واحمد اخواتى اعدين على الكومبيوتر
وانا كنت عاوزه اعد فا اعدت اقولهم يقومو مش راضين
وانا مش بحب حد يقولى لاء او اتحايل على حد
فا مش عارفه جالى ضيق تنفس ومعرفتش اتنفس اوى
واول مرة تحصلى
فا ماما كانت خايفه اوى عليا وكنا باين الساعه 2 بليل
وبابا لسه بره وهوا جه هوا وصاحبه
وعمو قام من النوم وكلو كدا كانو خايفين عليا بس الدكتور
قال مفيش فيها حاجه دا دلع وخلاص ومحدش يزعلها وبس
2\موقف استحقرت نفسك فيه؟
مرة واحد اضرب بسببى واستحقرت
نفسى اوى فى الموقف دا والعيط اشتغل بقا
مع ان اصحابى كلهم بيقولولى هوا يستاهل كدا واكتر
بس انا مش بحب حد يحصله
اى حاجه وحشه بسببى مهما عمل
3\موقف حسيت ان امك عايزة ترميك من البلكونة بعده؟
هههههههههههههههه انا لسه دلوقتى بسأل ماما
وبقولها : ماما قولى اى موقف انتى حسيتى فى انك
عاوزه ترمينى من البلكونه؟ . اعدت تضحك
وقالتلى : لالالا انا ارميكى من البلكونه
دا انتى ملاك
قوليلهم انى عمرى ما حسيت انى عاوزة ارميكى خالص مالص
هما مش عارفين بيكلمو مين .
انتى يا روان ارميكى لالالا قولى كلام غير دا .
وكملت ضحك
ههههههههههههههه شوفتو انى ملاك ازاى
انا لو قولت مواقف كتير اوى يعنى
كل يوم لازم اعمل حاجه غلط حتى
لو عاوزه اساعد واعمل حاجه لازم البوظ حاجه
اسألو نور عليا
مرة من 4 ايام كدا كنت
اعده مع ماما فى المطبخ بتفرج على التليفزيون معاها
فا هيا جايبه باين بهارات
مش عارفه اسمها كدا ولا ال هوا
(فلفل وكارى ) وكانو فى اكياس
وقالتلى اشلهم من الكيس واحطهم
فى البتاعه بتعاتهم دى
وسبحان الله تحس كدا ان ماما قالتلى
امسحى المطبخ بيهم
كل هدومى والطربيزة والارض والكراسى كلهم كارى وفلفل
ماما بقا اعدت طبعا تشد فى شعرها منى
يعنى اعمل ايه دا انا كان نفسى اساعدها

4\موقف عرفت ان امك او ابوك قريب منك وانت مش حاسس ؟
مش عارفه
5\موقف حسيت فيه انك في نص هدومك؟
ههههههههههه مره احنا كنا فى قريه سياحيه
ورايحين على شط البحر
فا كان فى شباب بيعملو خيمه
والحبل ال بيعملو بيه سيبينو على الارض
انا بقا مش شيفاه وبجرى وراحه لعمو
عارفين كدا اما جوليت اما بتجرى وتنادى على روميو
انا بقا عمو كنت بنادى عليه زى رميو
وفى اثناء ما كنت بنادى على عمو ........
روووووووووميووووو
قصدى عموووووووووووووووووو
طاااااااااااااااااااااااا اااااااااخ
لا حول ولا قوه الا بالله ...... معلش يا انسه
طبعا انا واقعه وبسمع واتمزج بقا بالكلام من ال حولايه
وكأنى بسمع سنفونيه بتهوفن الثالثه
وبعديها اعد مكانى واتحركتش تانى خالص (انا كذابه فى اخر جاجه دى )
5\موقف حسيت فيه انك زي ما تكون شارب حاجة؟
يوووووووووووه كتير اما ببقا اعده مع اصحابى
بنعد تقول اى كلام ونهيس ونضحك
ونقول نكت رخمه اوى
ونضحك ونقع فى الارض من كتر الضحك
وبردو انا كنت طالعه من امتحان العربى السنه دى
الفترة الاولى كانت ورقه زى الفل
الورقه التانيه كان فيها سؤالين انا اعدت
ألفت فيهم وبعدين طلعنا من اللجنه بقا
واعدت اضحك طول الطريق وبطريقه هستيريه
اصحابى اعدو يضحكو من كتر الضحك بتاعى وكان يوم حلو اوى
6\موقف عملتو في مدرسك واتقلب ضدك؟
لاء الشله كلها بتشيل الليله
(بس احنا مش بنعمل حاجه يعنى
هما ال رخمين وكل حاجه يعملو عليها
حكايه وروايه مع انها مش غلط ولا حاجه
بس هما بيعندونا وخلاص واحنا نعاند بقا )
احنا 12 بنت بس 8 فى فصل و4 فى الفص ال جانبو
احنا بقا 8 واخدين الصف الاخير كله لينا
وياعينى بقا على المدرسين والله مننا بيشدو فى شعرهم

7\موقف حصل مع بنت لو كنت ولد ومع ولد لو كنتي بنت؟
ههههه هوا محصلش معايا مباشرتا
مع صحبتى كانت عندى والنور كان مش موجود فى الشارع
وكان فى صبيان رخمين وهيا كانت خايفه تمشى
فا اعده بفكر نعمل ايه لقيت
صاحب اخويا معدى
انا مكنش ليا كلام معاه وما كنتش اعرف انه بيخاف من خياله
وندتله وقلتلو يوصلها
فا طبعا عمل نفسه جنتل واخدها ومشى
وهما ماشين الصبيان طلعوله بقا
صحبتى قالت يا ربى نفسى
ويا عينى سابت الولد وجريت
وباين يعنى اتشكال معاهم كلهم
واضرب جامد صعب عليا والله
8\موقف عملته في ابوك او امك وحسيت انو مش هيعدي على خير؟
هههههههه كتير بس الحمد لله كله بيعدى
انا خوافه جدا جدا
اخو صحبتى صغيور بس متشرد
فا مشى ورايا انا وواحده صاحبتى لحد بيتى
فا احنا واقفين فى الحديقه بتاعت البيت فا هوا بقا جالنا وجاب طوبه
ووقف على البوابه فا انا اعدت
اجرى وانادى على بابا بصوت عالى وكدا
وكأنى بيجرى ورايا حرامى
وبابا طلع يجرى واخواتى والعيله كلها
فا لقو محمد دا واقف على الوابه وماسك طوبه ولسه حتى مجتش فيها
وبابا زعقله وطلع خوفت بقا اما
انا اطلع يزعقلى لانى خوفتهم
وكل ده طبعا وصحبتى واقفه تضحك شوفتو النداله
9\موقف حصل مع اخوك او اختك وكنت حاسس انك شوية و هطلع السكينة؟
يوووووووووووووووو كتير بردو
اما بعند مع اخويا وانا بقا اما بعند بقا ميهمنيش اى حد بيبقى نفسه يولع فيا
10\موقف حصل لك في لجنة الامتحان؟
هههههههههه فى امتحان الكمياء
كانت اللجنه مجنونه كميا بقا
انا مكنتش باخد درس كمياء
بس انا بحبها وبحب افهمها لنفسى
نيجى بقا فى اللجنه
صاخبتى ماسكه الورقه واعده تغنى لعبد الحليم
قولى حاجه اى حاجه قول بحبك قول كرهتك قول قول قول وميهمكش حاجه
قولى عايزك قول بعتك بس قولى اى حاجه يا حبيبى
والتانيه بتسمع اغانى وتشد فى شعرها

واحده اعده تبصى وتضحك
انا فاكره انها خلصت علشان كدا بتضحك
وقبل ما الوقت يخلص بدقايق
كان انا معايا ورقه الامتحان بس انا كنت مخلصه
فا منت اعده برسم فيها واعملها مركب والعب
فا قامت اخدت ورقتى منى وكتبتلى
(الله يحرقك يا روان هسقط)
انا شوفت الكلمه دى واعدت اضحك
ومكنش فى وقت اقولها حاجه خالص
دا انا والله مألفه فى الاجابات كتير من دماغى
وكل اللجنه كلها يومها كلهم اعدو يضحكو وخلاص
المراقبين: بتضحكو على ايه الورقه فيها حاجه تضحك

واحنا اعدين سيبين الامتحان ونضحك ونبعت لبعض سلامات

بس الحمد لله انا جبت اعلى درجه فى الكمياء
بس مش انا لوحدى يعنى اكيد فى جابو بردو زيى


11\موقف اضربت فيه؟
اول امبارح ماما قالتلى انشر الغسيل وكان فى غسيل منشور
وانا مش لاقيه مشابك خالص
بس لو انا واحده طبيعيه كنت
اشيل الغسيل واخد المشابك مش محتاجه فقاقه
لكن انا مشاء الله روحت لماما بحجه انى مش لاقيه مشابك
تقولى ازاى يعنى دا انتى ال هتنشريه حاجات بسيطه مش كتيرة
لاء وانا
اعند واقولها مفيش والله مفيش هوا ايه هوا كدا مفييييييييييش
قالتلى امال هيكونو فين يعنى قولتلها ان مفيش غير ال منشور بيهم
هيا سمعت الكلمه دى يعنى انتى مش شلتى الغسيل اساسا
وقلعت البوبش من رجليها واعدت تجرى ورايا
فا انا طلعت اجرى فى البلكونه وفجأه
طاااااااااااااخ
اثار شبشب ماما على رجلى
واعدت تضحك عليا
فى امك كدا يعنى دى ام دى

12\موقف ندمت انك اتكلمت فيه ؟
اى موقف بتكلم فيه وبزعل حد منى
13\موقف حصل معاك وحلمت بيه؟
مش فاكره خالص مالص







انا عارفه انى رغايه مووووووووووووووت
علشان كدا يلا ننزل بأغنيه
ودى مش رغايه خاااااااااااااااالص
ودى مش نكديه ماااااااااااااااالص
انا كان مالى ومال البتوجاز
والخس بقا بكام
يا ستى انا عاوز انااااااام
ميرسى جدا يا ايه على التدبسه العثل دى
انا عارفه ان دمى تقيل بس انتو بقا ال اصريتو بقا
مليش دعوه هه

[~eyo~]

ههههههههههههههههههههههه
تحفة يا رورو تجنني بجد
وعلى فكرة انتي شبهي خالص مالص
بالص احنا بقا 6 بنات 4 في الفصل
و2 في فصل تاني انا الرئيسة بتاعتهم
اول ما يضيقو من اي ابلة ينادو في نفس
واحد يااااااااااا آآآآآآآآآآآآآآآية
جملتي المشهورة بيها
هيا موته ور اكتر
وانا اقوم الدنيا كلها واكتب شعارات ع السبورة
واعد اقول لهم هيا اول ما تدخل هقولها ان احنا
مش عايزينا وابعدي عنا وكلام من النوع
ده واول ما تدخل اقوم مرميه ع الكرسي
زي الملاك وتقوم الآية مقلوبه الابلة
تزعقلهم عشان قايمين من مكنهم وانا الملاك
اللي تخدوه قدامكم قدوهندالة ندالة
بس مع اصحابي لا طبعا
---------------------------------------------
كل مواقف حاصلة معايا بالزبط باستثناء
بتاعت البحر دي
----------------------------------------------
بجد بجد نورتيني ودمك خفيف بطريقة
تموتي من الضحك شرف ليا انك تشاركيني
ويا رب دايما معايا

[~ NORA ~]

ههههههههههههههههههههههههه ههههههههههههههههههههه
إجااااابتك تحفة يا رورو والله دمعت من كتر الضحك

[!!silent]

1\موقف حسيت فيه ان كل الناس بتحك؟

انا اساسا شقيه جدا من و كان عندي عجلة من و انا في تانيه حضانة

كان فيه واحد جارنا رخم اوي
فضل يضايقني و يقول مش بتعرفي تسوقي انا صغيرة
تقريبا و انا في سنه تانيه ابتادائي
فاحنا امام بيتنا مطلع كده
فقولته هتشوف اني بعرف اسوق
فنزلت و يا ريتني ما نزلت
نزلت فخبط في بوابه بيتنا و ما ادراكم ما هيا
بوابه حديد و كبيرة
و بعديين اتخبطت في الزلط و التراب
فطبعا قمت و انا مدمرة
فكلهم بقي اعدوا يشيلوني و يقولولي فيه ايه و كده
2\موقف استحقرت نفسك فيه؟
الصراحه هيا مرة و فضلت اعيط اعيط اعيط
لحد ما كنت هروح فيها

و انا من و انا صغيرة بعشق خالتي جدا جدا
فكنت عندها و انا طفله و كانت بتلبسني علشان عندنا فرح
فسيادتي اجري اجري اجري و هيا طبعا تجري علشان نخلص فوقعت علي ظهرها
و لحد النهارده لسه تعبانه بسببي


3\موقف حسيت ان امك عايزة ترميك من البلكونة بعده؟

كتييييييييييييييييييييييي يير اصل بقلك كنت شقيه جدا
لسه النهارده كنت بظبط الفريزر و بعدين مليان جدا فانا مصممه اظبطه لقيت كل الحاجات نازله عليا و اصوت اصوت
الحقيني يا ماما قالتلي انتي عملتيه ليه
فرحت بعقلي فتحت الديب فريزر علشان احط الحاجات ال سيادي نزلتها من الفريزر
لقيته مش فيه اي مكان
فماما كانت اساسا بتشد في شعرها مني

4\موقف عرفت ان امك او ابوك قريب منك وانت مش حاسس ؟

مش عارفه
5\موقف حسيت فيه انك في نص هدومك؟
سعات لما كنت صغيرة بس مش اوي
كنت بقع في الشارع
و كان بكون منظري وحش اوي

5\موقف حسيت فيه انك زي ما تكون شارب حاجة؟
مرة كنت بروح درس
و في عمود نور كل لما اعدي انا و بنت عمي
يطفي و الله كل مرة يطفي
فكل لما اشوفه نضحك لما كنا هنموت من الضحك

6\موقف عملتو في مدرسك واتقلب ضدك؟
هو ليه ما اتقلبش كان هيكون ضدي
بس كنت انا و واحد زميلتي بنتخانق بالميه
فالمهم الميه وقعت علي الدسك ال المس هتعد عليه
و هيا جايه تعد معرفناش نقلها لاننا كنا هنموت من الضحك
و اتبلت بس الحمدلله مخدتش بالها
مش عارفه ازاي بس الحمد لله
لانها كانت هتسودلي عيشتي

7\موقف حصل مع بنت لو كنت ولد ومع ولد لو كنتي بنت؟

مفيش تقريبا
8\موقف عملته في ابوك او امك وحسيت انو مش هيعدي على خير؟
سعات يكونوا مش موجدين ادخل المطبخ و افنن

بعشق المطبخ اعمل في نفسي ايه يعني
طبعا بعديها بدخل انام زي الحمل الوديع
قبل ما ييجوا
و طبعا الصبح بيزعقوا شويه و يعدي


9\موقف حصل مع اخوك او اختك وكنت حاسس انك شوية و هطلع السكينة؟

يااااااااااااااااااااااه كتير جدا اصلا انا و اختي
بنتخانق علطول
10\موقف حصل لك في لجنة الامتحان؟

بعد في حالي


11\موقف اضربت فيه؟

مر و انا صغيرة ماما كانت محمياني و ملبساني هدوم حلوة
فسيادتي انا و اختي نزلنا في الحديقه و لعبنا في الطينه طبعا روحنالها لونا اسود
فضربتنا و هيا اعده بتضرب و انا اعده باكل طوفي اصل كان طعمه رائع يلا علقه و فاتت
12\موقف ندمت انك اتكلمت فيه ؟
بابا طلب مني طلب بس انا رفضت و قولته الدور علي اختي و كده
فزعل مني

13\موقف حصل معاك وحلمت بيه؟
لما اكون مزاجي حلو
سعات بحلم بحلام سعيده
و العكس



علرفه و الله ان مواقفي ممله
بس و الله مش عندي غيرها

ميرسي يا يويو يا قمر علي

احلي استضافه

[~eyo~]

ايه الكلام ده
زي القشطة يا نور
والله طيوبة ع الاخر
ومواقفك تجنن
نورتيني يا قلبي
ويا رب دايما منوراني

[!!silent]

ايه الكلام ده
زي القشطة يا نور
والله طيوبة ع الاخر
ومواقفك تجنن
نورتيني يا قلبي
ويا رب دايما منوراني

ميرسي يا يويو
كلك ذوق بجد
شكرا للاستضافه يا قمرتي

[همسة احساس]

ههههههههههههههههههه
لا جامدين بجد
بروكن
نور
روان
مواقفكم تموت من الضحك
وفي انتظار المدبس الجديد

[roro_rawan]

ههههههههههههههههههههههه
تحفة يا رورو تجنني بجد
وعلى فكرة انتي شبهي خالص مالص
بالص احنا بقا 6 بنات 4 في الفصل
و2 في فصل تاني انا الرئيسة بتاعتهم
اول ما يضيقو من اي ابلة ينادو في نفس
واحد يااااااااااا آآآآآآآآآآآآآآآية
جملتي المشهورة بيها
هيا موته ور اكتر
وانا اقوم الدنيا كلها واكتب شعارات ع السبورة
واعد اقول لهم هيا اول ما تدخل هقولها ان احنا
مش عايزينا وابعدي عنا وكلام من النوع
ده واول ما تدخل اقوم مرميه ع الكرسي
زي الملاك وتقوم الآية مقلوبه الابلة
تزعقلهم عشان قايمين من مكنهم وانا الملاك
اللي تخدوه قدامكم قدوهندالة ندالة
بس مع اصحابي لا طبعا
---------------------------------------------
كل مواقف حاصلة معايا بالزبط باستثناء
بتاعت البحر دي
----------------------------------------------
بجد بجد نورتيني ودمك خفيف بطريقة
تموتي من الضحك شرف ليا انك تشاركيني
ويا رب دايما معايا

هههههههههههههههههههههههه
دا انتى وديعه اوى وملاك
الموقف بتاع السبورة دا عامله زى واحده صحبتى
ويا رب ما يحصلك موقف البحر دا خالص يا قمر
والله انتى حرجتينى مووووووووووت بجد بزوقك
وحياه عمو طارق بتاع الشيبسى دا كان شرف ليا انا يا حبى
ميرسى مرة تانيه للاستضافه
فى انتظار العضو الجديد

ههههههههههههههههههههههههه ههههههههههههههههههههه
إجااااابتك تحفة يا رورو والله دمعت من كتر الضحك

ثانكس مووووووت بجد على زوقك
والله مش عارفه اقولك ايه
المهم انك ضحكتى يا قمر
والله انتى احرجتينى

ههههههههههههههههههه
لا جامدين بجد
بروكن
نور
روان
مواقفكم تموت من الضحك
وفي انتظار المدبس الجديد

ميرسى جدا يا قمر
احلى حاجه انك ضحكتى
ويارب ديما