لملمى نفسك يا امى

[misterattia]

لملمى نفسك
لملمى نفسك يا امى واسترى العوره
وارفعى راسك يا غاليه ولادك اشعلوا الثوره
قومى يا امه بحلف بميه نيلك الصافى
لتقومى من جديد سانده على اكتافى
لملمى جروحك يا امى
واسالى ربك الشافى
تلتئم كل الجروح واصمدى ولا تخافى
الظلم يا امه خلاص صبح كافى
هقوم يا امه من تانى
لو حتى مش لاقى الهدوم او ماشى حافى
على عيونك يا امى مليون عوافى
نادرين على ازرعك وردى وصفصافى
وغضبى يا امه فى وش الفساد
مش هيكون تانى كلام او مناوره
لملمى نفسك يا امى واستر العوره
ارفعى راسك ياغاليه ولادك يا امه اشعلوا الثوره
بحلف بعمرك يا امى يا ساكنه قلبى وعيونى
بحلف برحمه عمرو واسلام وكريم وبسيونى
بحلف برحمه سمير ومبروك وكل من احيونى
بحلف بعمرك ياغاليه لازيل الفساد
واحاسب كل من سرقونى
بحلف بعمرك يا امى تانى متهونى
معدش ينفع خداع ولا مناوره
لملمى نفسك يا امى واسترى العوره
ارفعى راسك ياغاليه ولادك اشعلو الثوره
يارب يا من تذل ومن تعز
فوضت الامر ليك فى عصابه عز
اللى سرقوا الحياه من بلد المعز
اللى حطونا بشماته فى كل وضع مستفز
المشنقه مستنياهم والمقصله علشان تجز
فرحان قوى ارقص --وهز
اللى اكلتوا بط بط
هيطلع من عيونكم وز وز
والله يا جماعه الحياه من غير كرامه عمرها ما تلذ

[روميو الشاعر]

اللــــــــــــــــــــــ ـــــــــــــــــــــــــ ـــــــــــــــــــــــــ ــــــــــه
وحيات ربنا مافى اروع من كده تسلم الايادى ياقمر

[بونبونايه]

جمييييييييييييل
تسلم الايادى
ثانكس

[لبنى مصر]

روعة الروعه ومنتهى الجمال وقمة الابداع وعظيم الحب
جميل ما خطت يداك
سلمت الانامل

[misterattia]

شكرا جزيلا لكل اعضاء الكافيه
والله شرف لى اننى عضو فيه
موقع متميز مهما قلت لن اوفيه
موقع متجدد مصر كلها تعتز بيه
والله ما قلت الا صدقا
فلست انسانا سفيه
ما قلت الا عن احساس
احسست بيه
واسال الله ان ينميه