•.♥.•°° أحدث الأغانى°°•.♥.•°° عندنا بشكل تانى°°•.♥.•°°

**maahes** · 16 - 4 - 2011, 12:35 AM

أغانى .. أغانى .. أغاني .. أغاني
أغاني ياباشا ... أغاني يا أستاذة
أغاني ياعم الحج ... أغاني يابني
تعالى واسمع ... أغاني ببلاش
بقولك ببلاش ... مفيش حد هيدفعلك حاجة

أغانى فى الشارع .. أغانى فى العربية.. أغانى فى الجامعة
والميكروباصات
حتى في غرفة نومك بتوصلك الأغاني سواء بمزاجك ولا غصب عنك وحتى في الجامع الأغاني بتوصل لك في سجودك وركوعك
وياصليت يا مصلتش

وكمان فى كل المناسبات أغاني
و لكل مناسبة أغنية

وأنت زعلان ليك أغنية
وأنت فرحان ليك أغنية
لما تنجح ليك أغنية
لما تتجوز بردوا ليك أغنية
الأغـــاني في كل مكان
وفي كل المناسبـــات
.
.
.
ماتزعلوش منى مش هى دى الحقيقة !!!
بقينا نهرب من كل مشكله فى حياتنا ونروح للاغانى
وصدق فينا قول رسول الله صلى الله عليه وسلم
أمة آخر الزمان
قال صلى الله عليه وسلم :
(لَيَكُونَنَّ مِنْ أُمَّتِي أَقْوَامٌ يَسْتَحِلُّونَ الْحِرَ وَالْحَرِيرَ وَالْخَمْرَ وَالْمَعَازِفَ ) "صحيح البخارى"

هسألك سؤال وسامحنى
إنت لسه بتسمع أغانى ؟؟؟
بتضيع نفسك في لهو الحديث
قال تعالى:
{وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُوْلَئِكَ لَهُمْ عَذَابٌ مُّهِينٌ}

[سورة لقمان: 6]

سُئل ابن مسعود عن قوله تعالى:
{ وَمِنَ النَّاسِ مَن يَشْتَرِي لَهْوَ الْحَدِيثِ } ،
فقال: والله الذي لا إله غيره هو الغناء - يرددها ثلاث مرات -
يعني إنت بتضيع نفسك على الفاضي في لهو