اولاً احنا بنتكلم فى 30 سنه .. يعنى 360 شهر .. شهر ينطح شهر ..
.. اللى انت بتقول عليها انجازات دى مش انجازات .. دى اوكسات ..
30 سنه وتقول شبكه مترو .. وكلنا عارفين شبكه المترو ازاى وكيف والامتيازات ..
. ولا الطائرات .. المفروض اننا كنا نفضل لحد دلوقتى بالطياره 7 راكب " طبعاً مفيش 7 راكب "
بس مجازاً على الانجاز العظيم ده .. مال هوا لازمته ايه .. جااى يقعد على الكرسى ويتفرج علينا
حد قاله اننا بنرقص !!
برج القاهره .. ايه الانجازات اللى فيها انه يرممه .. ده يمكن ترميماته ماصرفتش زى علاجه هوا لوحده
ولا البهوات بتاع الوزاره ..
ولا مستشفى سرطان الاطفال " اتبرع ولو بجنيه " .. قال عمل انجاز .. انجاز فين وهو بينهب
ومصر كان بها خيرات انها تحقق كل الامكانيات العلاجيه وطرقها زى ما توجد بالخارج .. لكن نسرق ازاى ؟
.. يا فرحتى بانجازاته وتروح هناك وماتلاقيش معدات على اعلى مستوى .. ولو دخلت يجبولك القلب ..
ولا استاد برج العرب العظيم .. يا جدع مش هقولك روح لبعيد .. ادخل كده وانت واقف على الخريطه بتاع القاره يمين .. تروح على دول الخليج .. وشوف المعالم الاستاديه .. مش هسميها استادات دى معالم .. تقولى برج عرب .. اللى متفتحش مرتين على بعض ..
.. بص بقى دا احنا اللى كنا كبارى مش الكبارى اللى انشئها دى .. كنا كبارى ومغفلين .. كنا بنتنهب واحنا مش عارفين .. اه الكبارى سهلت كثير فى المواصلات .. بس عايزك تروح تدعبس ورا الكبارى وبنائها وشوف النهب
.. مفيش حاجه انشئت الا وفيه تبسات من وراها قد كده تبسات ايه بس دا مصنع تبس
.. هتقولى تحرير مصر وسيادتها .. كلها بموجب معاهدات واتفاقيات من خلال .. " ماما امريكا "
والنبى يا ماماتى ما تزعلى .. اللى انتى عايزاه انا هنفزهولك بس ما تزعليش انتى ..
كل حاجه رجعها كان فيه شروط .. وطبعاً الشروط مش محتاجه سرد ..
اللى احنا كنا فيه وتوجهاتنا مع فلسطين .. وامريكا .. واسرائيل .. تبينلك ده كويس
سيناء الصحراء الجرداء تبينلك ده كويس !!
الفلاح وحرياته يا سلام .. فين الحريه دى بعد ما كان يطلع عين الفلاح يا عين امه
ويجى يحصد محصوله يلاقى الاسعار اقل مما تكلف هوا .. فيعمل غير ان البعض كان يبيع ويستعوض ربنا .. ويحدف شويه دعا .. واخرين كانوا يحتفظوا بمحاصيلهم لبيتهم وماشيتهم .. يعملوا ايه !!!
اما بقى عن الاعانات والضمانات والتامينات وكل الهجايس دى .. كل كلام فى كلام .. مكنااش بنشوف ده .. ليه هو احنا اجانب مختومين على قفانا مش عارفين
ايه اللى كان بيتم .. كله كان بيروح اعانه لسياده الوزير يا سعاده البيه جاتلك اعانه انهاردا
.. يا عم انت ما كنتش بتابع خالص احوال بلدك ..
ميزانيات ايه يا عم .. انت مش شايف اللى بيحصل اليومين دول .. واللى طلعوه من عبهم ..
ده لوحده ميزانيه دوله .. حرام !!
سيبك من ده كله لان ده كله مالوش اى قيمه ..
فى واحده امبارح عملت مداخله على احدى القنوات ..
وبتشكى اللى حصلها يا عالم .. تعرف ايه اللى حصلها ؟
.. كانت متجوزه ومبتخلفش من 20 سنه .. ولما ربنا كرمها .. وخلاص هترزق بولد
جه يوم الولاده وجوزها اخذها للدكتور .. وفى اليوم ده كان الريس خارج بزفته ..
فالعربيه وقفت فى الطريق .. والست تعبت فلما الحال ضاق بيهم
وضعت فى العربيه وهيا واقفه .. ولما الحال بقى اخطر ..
جوزها نزل يكلم اللواءات اللى واقفه وبيقولهم على اللى حاصل
ما لاقااش رد غير انه خذ قلم على وشه سمع كل العالم اللى كانت موجوده .. ده اسمه ايه .. ليه ده كله علشان ابيه حسنى !!
رجع العربيه الولد حصلتله حاله اختناق ومات .. والرجل بعدها باسابيع توفى بسبب اللى حصله
من وفاه ابنه ومن القلم اللى اخذه ..
ده اسمه حرام عليكم
.. نقول ايه عن اللى كان عنده 16 سنه سنه 82 واعتقل واتحول مساره من الطب الى الحقوق ..
هتقول ايه عن قيادات الاخوان اللى اذبحوا سنه 89 ..
هتقول ايه عن المعتقلين اللى بيعتقلوا بدون ان يحاكموا
هتقول ايه عن التحرش الجنسى اللى كانوا بيتعرضوا ليه
هتقول ايه عن ما كان يحدث من اعتداء على الدين .. بجعلهم يركعون لصوره حسنى !!
هتقول ايه ولا ايه .. وغيره كثير وكثير
كفايه كده ولحد كده!!
ارجو منك اعاده النظر مره اخرى ..!