الازعــــــــــــــاج ..

[Essam Net]

/
/

دا موضوع جديد عجبنى كدهـ وعايز اطرحوا عليكم ..
فى الموضوع دهـ بتكلم عن المصرين .. زى ما اتكلمنا على الحكومه والحكومه ما زعلتش مننا خالص
هنتكلم المره دى علينا احنا على المصرين ..
انا بحب مصر جداً وانا مصرى وكتبت وقولت ..
===========
انا المصرى ..بفنه ولونه وسكوته .. وانا اللى اديت للحجر صوته ..
وناولت الامل صيته .. وفاكر فى الضحى صلاة عصرى .. انا المصرى
===========

فى الموضوع دهـ هنتكلم عن اهم ملمح فى المجتمع المصرى والمجتماعات الاخرى
الازعــــــــــــــاج ..
MasrawyCafe.com
فى الزحمه والازعاج والزيطه .. فقد الانسان المصرى حواس كتيره جداً اهمها حاسة السمع
الانسان المصرى تقريبا فقد حاسة السمع .. دا بيحب الازعاج جداً .. يقولكـ انا ساكن فى حته ونس ..
يدور على الزيطه ويسكن فيها .. انا متهيئلى ان فى بعض المواطنين لغة ودنها خالص .. مبقوش محتاجين للسمع
وبعضهم لو ما لقاش ازعاج يضايق ..يقلق
MasrawyCafe.com
ودا كلوا بسبب .. خبط انابيب وبياعين اوطه(طماطم) مليون حاجه وبتاع عرق سوس مليون حاجه فى الشارع المصرى ..
انما انا افتكرت جمله كتبها السناريست العبقرى محمود ابو زيد .. فى فيلم الكيف ..
لما محمود عبد العزيز قال .. ادوش الدوشه علشان ما تندوش ..
والمصرى قاوم الدوشه بالدوشه علشان ما يحسش بيها ..
MasrawyCafe.com
سؤالى بقى بسيط ..
ايه اكتر حاجه بتزعجكـ فى الازعاج اللى حولينا دا كلوا ..؟؟

[Treka]

موضوع حلو يا عصام
بس هو ده المجتمع ومش هنقدر تغير فيه حاجه
هنعمل ايه يعنى هنقدم شكاوى طبعا مينفعش
هنطارد الناس اللى بتعمل ازعاج دى
بردو مش هينفع - هنعمل ايه يعنى
عصام باشا لو الحكايه جت على الازعاج بس
ده تبقى فل بس شوف كام حاجة غير الازعاج
بتعكنن على الواحد وبضايقه وممكن فى ناس بتجبلهم
صداع وممكن توصل لانهيار عصبى كمان بسبب اللى بيحصل فينا ده
فى الزمن اللى ملوش مستقبل ده
طولت عليك
بس من الاخر يعنى مجتش يعنى على مشكلة الازعاج دى
فى مشاكل اكبر وافظع من كدة بكتيييييييير
والواحد خلاص اتعود على كدة من صغره
يعنى بقت حاجة اتعودنا عليها
على العموم
تسلم على طرح المشكلة دى
وممكن بردو يكونوا الاعضاء التانين
ليهم رأى تانى
بس هو ده رأيى بالنسبة لمشكلة الازعاج دى
مش فارقه معايا يعنى المشكلة دى
وميرسى تانى عصوم

[Essam Net]

اوكـ تريكه باشا .. دى مشكله من طمن المشاكل ..
وانا جبت الافظع من كدهـ .. بس دى بردوا حاجه ما يتسكتش عليها ..
واهى كلها مشاكل .. وانا مستنى رأى الاعضاء ..
ميرسي تريكه ..

[ELKHWAGA]

تسلم يا عصام على موضوعك وجزاك الله كل خير...................

[Essam Net]

تسلم يا عصام على موضوعك وجزاك الله كل خير

عليكـ رأى يا خواجه ولا اروع من كده بصراحه ..
تسلم انت يا غالى يا ابن العالين ..

[Treka]

تسلم يا عصام على موضوعك وجزاك الله كل خير

ايه يا خواجة الرد الجامد ده
تصدق الموضوع زاد نقاش
عندق حق يا عصام والله
مفيش اروع من كدة ردود
برااااااااااااااااااااااا اااافو خواجه

[طيف عابر]

طيب الازعاج في كل مكان طبعا
في حتى البلدان المتحضرة في اوروبا موجود
انما الفرق بينا وبينهم انه في مناطق معينة
متلا داخل الاسواق وخاصه الشعبيه
في القهاوي في بعض الاحياء والحارات
انما نحنا كاردن ومصر وعرب اجمالا معناش نظام
انا رحت اليونان شهرين وهناك في فترة ساعات معينة ممنوع فيها اي صوت حتى من الجيران
ممنوع يفتحوا راديو بصوت عالي او حتى يتخانقوا

يعنى منظمين والفترة هادى كانت من بعد الظهر لحوالي 5 او 6 المساء وبعد ال 10 بالليل

كمان بعد 7 او 8 مش متزكرة بالضبط ممنوع المحلات تفتح الا المطاعم وبعض المحلات الاخرى

باختصار المشكلة ممكن تتحل لو في قوانين صارمة ولكن نحنا بلدان عايشه فوضى على فوضى

تسلم عصوم
طرح رائع

[Essam Net]

حلو اوى ..

طيب لحد امتى .. هنفضل
بلدان عايشه فوضى على فوضى
مش عازين نتعلم النظام ليه .. ولا هو حرام تعليم النظام ..
وانا عارف انوا مش سهل لكن نقدر .. كنا بردوا بنقول على السد العالى دا حلم
واهو اتحقق ومن غير الالات اللى موجوده دلوقتى .. مش عارف هنفضل كدهـ لامتى ..

شكراً ليكى طيف .. وانتى نقاشكـ الاروع ..




مش تسلم ايدكـ ..

[Treka]

طيب لحد امتى .. هنفضل
بلدان عايشه فوضى على فوضى

مش عارف والله يا عصام ..
هنفضل كدة لحد امتى يعنى ...
يا جماعة حد يقولنا هنفضل كدة لحد امتى ؟؟