يلا بينا نزهق النايم...

[مونه]

ازاى تزهق واحد نايم

عزيزي الصاحي اذا كنت تعاني من أرق لأي سبب و حاقد على واحد نايم او
اذا طق فيوز النذاله فجأه عندك أو عرق الرذالة بيوجعك وقدامك واحد
نايم كأي بطيخة تحترم نفسها ماعليك الا ان تتبع الخطوات التاليه

>>وصدقني ممكن يقتلك فيها



1) اذا كان في عز نومه وانت مانمتش أو مش
جايلك نوم ادخل الغرفه وشغل النوووور واطلع بمنتهي البرود كأنك لم
تفعل شيء. إذا كان نومه خفيف هايصحي وقولك ( إطفي النور يا رذل )
طبعا إحنا إتفقنا إنك بارد لذلك لا تعره أي إهتمام و تذكر القانون
الأول لنيوتن في التنفيض " لكل فعل له تنفيضة مساوية له في المقدار و
مضادة له في الإتجاة " . أما لو كان نومه تقيل يبقي تستعمل الطريقة



2 ) إكتشف إن في بيتكم سرير وعايز تتأكد إن كل حاجه تمام و إن
السرير رجليه مظبوطة طبعا دا السرير إللي أخينا نايم عليه ويمكنك
ساعتها القيام بالكثير من التخبيط و الدق وتحريك السرير ولكن إنتبه
فقد يصحو من النوم فيجدك تحت السرير او رأسك في متناول يده فلا أحد
يعلم ساعتها ماذا يمكن أن يحدث لو كان من هواة النوم وبجوارهم مفتاح
إنجليزي .. لذلك أنصحك أن تهز السرير هزات عنيفة حتي يستيقظ وقبل أن
يفيق تماما أركض بأقصي سرعة




3) اذا كنت مقهــــــــور من واااحد ناايم
العصر او الظهر أدخل الغرفه وغطيه كويس و إقفل المكيف واطلع ولا تنسى
أن تغلق الأبواب والنوافذ. واذا كانت في دفايه بالغرفه , ياعيني شغلها
بقي علي أسخن حاجة وسيبه واطلع بره كأنك لا تعرف عن الأمر شيء . لسه
ما قامش ؟؟ إوعي تيأس




4) لو كان لسه ماقامش !!! ماتعملش حاجة من اللي
سبق ذكره إنما بهدوء حط ايدك على الراديو وشغل محطه خرباااانه و يا
حبذا لو كانت بتاعت أغاني هابطة من نوعية ( حبيبي فوق حبيبي تحت حبيبي
رايح حبيبي جاي ) وعلي الصوووت على الآخر و امشي إنت كمل مشاهدة
التليفزيون .



5) اذا كان لسه نايم وانت شبعااان نوووم بس عايز تتونس:
جيب ماء باااارد وقرب من النايم وقطر على جبهته قطره قطرة هايترعش
ويمسح جبهته فاكرها نمله ولا حاجة . واقعد كده لحد ما يصحي أو يقوم
يرزعك قلم محترم علي وشك ويكمل نوم




6 ) خذ منديل ولفها لحد ما يبقي
على شكل العود... الغرض ان يكون نهاية طرفه حاد .. وبس يا معلم ..
أخينا رأسه أصبحت ملعبا وأنت الهداف ممكن تحطها في ودنه

( الحركة دي مستفزة جدا ومجربة )

ممكن تحطها في فمه ممكن تحطها في أنفه بس مش لجوة
أوي يعني لو صحي يبقي إحتمال إنه يفرجك علي عنبر الكسور في أي مستشفي
قريب من بيتكم واذا مانجحتش كافه الطرق اللي فوق... تأكد انه غيــــــــــر.
آدمي

خليه نايم واطلع بدل ما يجيلك شلل نصفى

[ineedu85]

هههههههههههههههههههههه
شكرا على درس الرخامةالجامد دا

[القلب الجرئ]

هههههههههههههههه

شكرا على الدرس

[الاما]

ههههههههههههههههههههههههه هه
هى رخامه ورزالة بطريقه تجنن
ونصيحه منى ممكن الطريقه دى تستعمل مع أخوتك صحباتك
بس حذاااااااااااااااارى تستعملها مع أشرف
ممكن يكون عصبى جدا ويقوم يدشدش
دماغك ويروح يكمل نومه
متخفيش ده احتمال
وممكن يصبر لما يجيلك يوم
ويردها
هههههههههه

[ياسمين14]

اه الرخامة ده
على فكرة انا
بحب النوم وبيتعمل
فيا كدة الموضوع
ده انا هقفله

[مونه]

هههههههههههههههههههههه

شكرا على درس الرخامةالجامد دا

هههههههههههههههههههههه
عفوا أى خدمه
بس تبقى جربه بقى
وقولى على التيجه
أهم حاجه النتيجه
تسلم على المرور

[مونه]

هههههههههههههههه

شكرا على الدرس

هههههههههههه
طيب يالله بسرعه نفذوا
وإحكيلى التيجه
تسلمى

[مونه]

ههههههههههههههههههههههههه هه

هى رخامه ورزالة بطريقه تجنن
ونصيحه منى ممكن الطريقه دى تستعمل مع أخوتك صحباتك
بس حذاااااااااااااااارى تستعملها مع أشرف
ممكن يكون عصبى جدا ويقوم يدشدش
دماغك ويروح يكمل نومه
متخفيش ده احتمال
وممكن يصبر لما يجيلك يوم
ويردها

هههههههههه

ههههههههههههههههههههههههه
هههههههههههههههههه
لا أكيد مش هاستعملها مع أشرف
بس إنتى عرفانى كويس لو ضربت فى دماغى ممكن أعملها وساعتها إنتى هاتعرفى النتيجه بنفسك
وممكن او إحتمال أنفذها معاكى شخصيا ولا تعرفى

[مونه]

اه الرخامة ده

على فكرة انا
بحب النوم وبيتعمل
فيا كدة الموضوع

ده انا هقفله

هههههههههههههههه
طيب أدينا بننصحك
علشان تعملى إحتياطاتك بعد كده
تسلمى ياقمرايه على فكره دى رشوه علشان متقفليش الموضوع ودى كمان واحده