العضو ده فيه وفيه

[~ man neO ~]

بسم الله نبدأ ..

انا على العموم لم اقرأ اسئله الاعضاء ..

لكن هقولك الاسئله اللى عندى لكن ابله

بعض ما اكتشفتوا من ردودك ومواضيعك واستفساراتك

لبنى مصر " اجتماعيه لابعد الحدود , ملحه , بتأخذى الامور ببساطه دون تعقيد , تتعمقى فى الشىء لترىه لابعد ما فيه , وطبعاً اخر حاجه تحسى انك شغاله فى نيابه من كثر الاسئله

ايه اللى حذفك علينا .. اتيتى ازاى الى المنتدى ؟

ماهى طلتك الاولى فى المنتدى وفكرتك عنه ؟

هل معاملاتك مع الناس حقيقيه .. او فى منها بعض من عدم الشفافيه ؟ " يعنى معاه كويس ومن وراه اللى ليورينا " .. وهل احد ايضاً يتعامل معك بمثل ؟

وزنك ايه فى البيت ..؟ بمعنى انتى ايه فى بيتكم بالنسبه لاسرتك .. اجابه مفصفصه

ماذا عن اول مقابله لخطيبك .. ورأيك بها ؟

هل اكتسبتى اى صفه او ميزه من شخص ما .. او من الحياه بعد فهمك للواقع .. ؟ او لم تكتسيبى .. ام انتى كما انتى ؟

ماذا تتمنين لمستقبلك ومستقبل اسرتك فيما بعد .. وكيف ترينها ؟

دول ما انجزتهم الجمجمه فى الوقت الحيالى

العضو ده فيه وفيه فسرلينا الاسئله

[~eyo~]

با نهار ابيض يا عوامي ده الواحد بجد يخاف منك ايه
الاسئلة دي هوا ده الطيوب اللي كنا بنتكلم عنه
ربنا يستر قلبي معاكي يا معلمة كلنا في ضهرك

[لبنى مصر]

الله الله لا بجد الواحد يخاف منك
ايه ده كل اجاباتك تصدم من
ابداعها

مرسى يا يويو
الابداع ده انتو اللى بتطلعوه
منورانى يا حبيبتى

[لبنى مصر]

تصدق انا غلطت انى قولتلك اختار عضو بعدك
يلا مش مهم ولا بيهمنا
مرسى اوى على رأيك فيا يا محمود وخصوصا ملحه دى انا عارفه قولت كده ليه عشان مزهقاك انت والاعضاء من كتر الاسئله والكلام
ثوانى ورجعالك بالاجابات يا عم الحك
اوعى وشك

[قطره ندي]

يلا يالوبي مستنينك

[komyz]

يلا يا لوبىىىىىىىىىى

[لبنى مصر]

انتو بتنادو على حد تايه
منا يا جماعه بعد ما كتبت الاجابات وتعبت نفسى متثبتتش
منوره يا ساسو وانت يا كيمو

[لؤلوة]

اجباتك حلوة اوى يا لبنى بتدل على شخصك الجميل
دبسوكى يا ختى يا عينى عليكى
قلبى معاكى يا حببتى تعيشى وتخدى غيرها

[لبنى مصر]

ايه اللى حذفك علينا .. اتيتى ازاى الى المنتدى ؟
زى ما انتو عارفين طبعا انا بكتب شعر على قدى كده
فكنت عايزه انشر الحاجات بتاعتى دى رحت عملت سيرش جوجل دلنى عى مصراوى كافيه الله يخليه

ماهى طلتك الاولى فى المنتدى وفكرتك عنه ؟
اولا فكرتى عنه انه من احسن المنتديات فى مصر واكثرها شهره وكمان فى العالم العربى ويارب يتطور اكتر واكتر
ثانيا كانت اول طله ليا بشعر كتبته اسمه الجامع والكنيسه وخصوصا انه كان ساعتها احداث ضرب كنيسة الاسكندريه
واول حته منها بتقول
الجامع والكنيسه من زمان العشره بينهم
المسلم والمسيحى دايما حبايب طول سنينهم
الحب والتعاون كان فى دينا وكان فى دينهم
واثقين فى بعض مفيش شكوك قاتلين ظنونهم
بس خلاص
مع تحيات شعبولا

هل معاملاتك مع الناس حقيقيه .. او فى منها بعض من عدم الشفافيه ؟ " يعنى معاه كويس ومن وراه اللى ليورينا " .. وهل احد ايضاً يتعامل معك بمثل ؟
لا خالص
انا اقول للاعور فى عينه انت نظرك قوى على فكره
لا بجد انا بقول الحق والحقيقه ولو كان ميعجبش بقوله بطريقه شيك
عشان لا ازعل نفسى ولا ازعل اللى قدامى
بالنسبه بقى لتعاملات الناس معايا فمعرفش اكيد
بس لو حد اتكلم فى دهره هوريه شغله

وزنك ايه فى البيت ..؟ بمعنى انتى ايه فى بيتكم بالنسبه لاسرتك .. اجابه مفصفصه
الى بشوفه قدامه
ربنا ياخدك يا شيخه
بت تافهه
مبتعملش حاجه خالص وليل نهار قاعده ع الكمبيوتر
امتى البيت هينضف وتغورى من وشنا
يوم عسل لما متكونيش ف البيت
لما كنت فى الكليه واجيلهم اجازه
امتى هتمشى يا لبنى
كل شويه تنطى
لما بتيجى بتعملى دوشه
بس من ورايا معرفش ايه بيحصل
المهم ان وزنى تقييييييييييل فى البيت
زى ما انتو شايفين

ماذا عن اول مقابله لخطيبك .. ورأيك بها ؟
اصلا مشوفتوش ساعتها لمحته لمح كده
وباقى القعده باصه ف الارض اول ما لقيت ابويا خرج من الاوضه جريت وراه
ساعتها موافقتش واتخنقت بس بعدين
صليت استخاره ووافقت
والحياه مستقره والحمدلله
عقبالكم كلكم يااااارب

هل اكتسبتى اى صفه او ميزه من شخص ما .. او من الحياه بعد فهمك للواقع .. ؟ او لم تكتسيبى .. ام انتى كما انتى ؟
اكتسبت حاجات كتير
عرفت معنى الصداقه الحقيقيه
عرفت معنى السعاده
عرفت ان الانسان هو اللى بيجيب الهم لنفسه
عرفت ان الكدب ملوش رجلين
عرفت ان الدنيا دى ملهاش لزمه
فاوعى تديلها اهتمام واديها بالجزمه

ماذا تتمنين لمستقبلك ومستقبل اسرتك فيما بعد .. وكيف ترينها ؟
زى ما قولت قبل كده
اتمنى اعيش سعيده طول عمرى
اشوف كل اللى بحبهم حواليا
متحرمش من حد ابدا
انا كان حلمى وانا وصغيره اصلا
ابنى بيوت كتير فى مكان كبيره اعملها مدينه يكون فيها كل الناس اللى قابلتهم فى حياتى يارب يكون معايا فلوس كتير عشان احقق احلامى
وانتو معايا طبعا ف المدينه دى
مدينة الاحلام
اتمنى لاسرتى يفضلو بخير دايما ربنا يخليهم ليا
ويحققو اللى بيتمنوه وكل حاجه حلوه يارب

دول ما انجزتهم الجمجمه فى الوقت الحيالى
الوقت الحالى
هو فى وقت تانى ولا ايه
عموما تسلم الجمجمه يا نجم الجيل
بجد اسئله هايله

العضو ده فيه وفيه فسرلينا الاسئله
بالنسبه للسؤالين بتوع التوبيك
لو قصدك كده
هجيلكم بيها بعد ثوانى

[لبنى مصر]

اجباتك حلوة اوى يا لبنى بتدل على شخصك الجميل
دبسوكى يا ختى يا عينى عليكى
قلبى معاكى يا حببتى تعيشى وتخدى غيرها

مرسى يا لولو
منورانى يا حبيبتى
شوفتى دبسونى
بس انتى هيحصلك زيى بردو اكيد